ايه الموقف الايجابى اللى اعمله تابع مشكله صاحبتى

بسم الله الرحمن الرحيم
بعد ما عرضتلكوا مشكله صاحبتى وموضوع جوازها
https://raheel.yoo7.com/montada-f7/topic-t6161.htm
لو انا وباقى اصحابنا مقدرناش نخليها تتراجع عن موضوع جوازها
هل اكتفى بانى اظهرت اعتراضى
ولا اخون ثقتها واحزر باباها
مع العلم انى لو كلمت عمو هكون بسبب مشكله لطنط مامتها لانها موافقه وهسبب مشكله لاعمامها واخوالها
وكل العائله
احزره واسبب مشاكل للجميع ولا اكتفى بصمتى وابداء اعتراضى
ولو حذرته هخسر صاحبتى للابد وهظهر بمظر المنافقه لانى
لما بتسال بقول انى موافقه على الشخص وان هما ملهمش غير بعض
اخسرها واخسر منظرى قدمها واحذر باباها
ولو حذرته هى ممكن بردو تعرف تتجوزه
ممكن تسيب البيت وتتجوزه لانها عنديه جدا وكون ان عائلتها معها ده مخليها ثابته على موقفها اكتر
وحاجه تانى عمو لو عرف ممكن بسهوله يرجع حبيبها المعتقل ظلم
يبقى اعمل ايه
اعرف عمو واسبب مشاكل مع الكل
اعرف عمو واخسر صاحبتى
اعرف عمو وارجع حبيبها المعتقل تانى ظلم
ولا اسكت واتفرج على الجرح اللى هيحصل لعمو اللى ممكن يتسبب فى موته
شكرا

مشكلة صعبة أوي

أنا لو مكانك

أحذرها هي كويس

و أحاول أقنعها أوى (خاصة انها صاحبتك و انت تعرفي تقنعيها)

لكن

لو صممت

فأنا لو مكانك هنسحب بهدوء

و مش هدخل نفسي في مشاكل ههههههههههههههههه

دا بصراحة اللي ممكن أعمله

صحيح هي سلبية

لكن بعد ما أبذل كل جهدي في إقناعها

بعد ما تحذريها و تعملى اللي عليك

لو هى اقتنعت كان بها

ما اقتنعتش

فسبيها تتحمل نتايج غلطها

لانك مش هتخافي عليها أكتر من نفسها

تتحمل هي بقا كل اللي ممكن يحصل (بكل ما تحتمله هذه الكلمة من معاني).

لن أطيل الكلام

أختي الساكت عن الحق شيطان أخرص فما بالك بالساكت علي شئ مخالف للشرع

اعمل ايه بنكوا انتوا الاتنين اكتر اتنين بقتنع بارائهم وبستنى ردودهم اختلفوا
اقطع نفسى يعنى

ههههههههههههههههههههه

الله يكرمك

و ده شرف لينا

أحترم كلام أخي نوفو

لكن أنا قلت لك اللى هعمله لو كنت مكانك

و ربنا يوفقك لما فيه الخير

متنسيش إنك لو سكتي هنا هتسكتي على حاجة مخالفة للشرع و في الحالة دي هتكوني بتسعدي صديقتك للوقوع في المحظور حيث هناك من العلماء من يعتبر زواجها هذا زنى
حكمي ضميرك و هوا أكيد هيدلك للصواب
لكني أرى أن إقامة حدود الله أولى بالإتباع

مش خايف اسرق الاميل واتطفل عليكوا
هههههههههههههه
بهزر والله

مشكور اخى نوفوا ساعطيه الايميلاات بنفسى وجزاكم الله خيرا

ههههههههههه
والله يا جندى ما كنت هعمل حاجه بالميلات

بجد موقفك صعب اوى
بس يا ريت تخلى مثلا بابا يتدخل ويحاول انة يقنع عمو
او اخوات عمو واخوات طنط يجتمعو ويكلموة ومن الاخر كدة يوضحولو انها متمسكة بية وبلاش يتعنت معاهم دة موقف لازم يحصل ومع الاصرار ان شاء الله هيوافق
انتى طبعا عارفة ان رايى ان الزواج دة مش لازم يتم خالص وانتى بردو تعرفى جيدا اننا نعرف واحدة عملت الموضوع دة واية حالها دلوقتى اتحدت الكل واتجوزت من ورا اهلها واول واحد بيعايرها هوة جوزها وهى مش مرتاحة معاة ونسو كل الحب اللى خلها تكسر ابوها وتضحى برضى اهلها

بجد حاولى معاها ومع المحيطين بعمو علشان الزواج يكون بموافقة الاب لكن غير كدة لاء

حبيبتى انتى مش رديتى اعمل انا ايه لو هى اصرت على موقفها

فى ايه يا جماعه هوه مفيش غير نوفو واحمد بس اللى هيدونى رايهم فين الباقى وفين ردك يا جى جى اه انا ممكن اعرفه منك ما احنا مع بعض بس معلش لازم تردى هنا

باقى الاعضاء فين
فين سلمى وفتاه وفجر والناس دى كلها وفين القلب الطيب والمشتاقه
والجندى المصرى
فين كل الاعضاء فعلا محتاجه اعرف رائيكم

اعمل ايه علشان اجيبكوا هنا
افرق ملبس على اللى داخلين

ههههههههههههههههههههههههه

اوك احب اعرفكوا
يعنى اللى لسه مهتم
ان بابا صاحبتى رجع من الحج وهما هيستغلوا فرصه ان اعصابه هاديه
وهيفاتحوا تانى فى الموضوع
لكن لو رفض فهما مش هيستنوا تانى وهيتجوزو
وانا مع الاسف مش هعرف اعمل حاجه
هقف اتفرج مقدرش اخسر صاحبتى وكل اصحابى
وكمان انا عارفه ان عمو مش هيتصرف بحكمه
فمقدرش اسبب الاذى لحبيب صاحبتى
واسبب رجوعه المعتقل
وممكن توصل لموته
مش هقدر اتصرف لان عمو مش هيتصرف بحكمه

» هنضيعلك رمضان اللى جاى واسال علينا من رمضان اللى فات
» التفاؤل الايجابى
» واقع فى مشكله مع ولدى
» مشكله مستعجله ارجو الدخول
» هل شعرت يوما بان نفس هذا الموقف مر عليك من قبل ولكنك لا تتذكر متى واين؟