لعبة حلوة بالامثال الشعبية

و الله يا اختي القلب الطيب ينطبق عليّ المثل (جيتلك يا عبدالمعين تعني ........) ههههههههههههه

أنا جااااااااااااااهل جدا في الامثال الشعبية (خصوصا أمثال أختنا جى جى )

و بصراحة ما ينفعش مع أمثالها غير الاستاذ جوجل ههههههههههههههههههههه

___________________

اللوح قال للمسمار إنت فلقتنى , قال المسمار لو كنت تعرف الدق إللى فوق دماغى كنت عذرتنى

كملى بقا المثل ده


خذ الاصيله ..............

و انا متاكد ان أمثالنا التافهة دى مش هتقف قدامك هههههههههههههههههههه

مشكورين جميعا
بصراحة مش عارفة بتيجيوا الامثال هاد من وين

منتظرة الاجابة

ربنا يبارك فيكم

والله بجد نفسى ابقى معاكم
بس للاسف مش بعرف ولا مثل من اللى انتم بتقوله
بدخل كل يوم اقرى الامثال واحول احل المثل الاخير مش بعرف
بس بستفاد برضه
مشكورين جميعا

بجد امثال جميلة يا شباب
هي هايفة ماشي
بس مش عارفين حلها
؟؟؟؟؟؟؟

على ما العامشة تتكحل يكون السوق خرب
طب والله من غير ما استعين بجوجل بجد سهل
جاوبو بقة
زواج القرايب.........................والله سهل حلو بقى

يا جىجى سهليها شوية وربنا ماعارفة احل ولا مثل من بتوعك دول

ينفع كدة يعنى ههههههههههههههه

زواج القرايب اصعب المصايب
كملوووووووووووو
على وشك يبان..........................

هيييييييييييييييييييييييييه

الحمد لله جىجى كتبت اخيرا مثل سهل

على وشك يبان يا مضاغ اللبان

كملى ده

الحلو حلو ............

الحلو حلو ولو صاحى مالنوم
صح ولا لاء انا شاكة فية
اصبر على جار السوء...............اظن مفيش اسهل من كدة

انا هقولها بس مش متاكده منها
عاشر يا ابن ادم على قد ما تعاشر لابد تفارق
مش متاكده ومحدش يضحك عليا انا بقول اهو
المثل اللى حسيبه
من حبنا حبنا.................... متهيألى سهله
ربنا يكرمكم
يارب تطلع صح يا هدير

من حبنا حبناة وصار متاعنا متاعة صح ولا اية؟
آدينى حية لما...................حاولو تحلو يا جماعة

يارب يارب يطلع صح
مستنيه التصحبح يا جي جي
آدينى حيه لما أشوف اللى جيه

؟؟؟؟؟؟؟؟

جزاكم الله خيرا

الغني يامكثر اصحابه وال.......

الغني يا مكثر اصحابه والفقير ما أحد يدق بابه

جزاك الله خيرا أختي المشتاقة للقاء ربها

بارك الله فيك و في الأخ جوجل هههههههههههههه

و اللي اختشوا ........

طبعا تكملته سهل

لكن أنا عاوز قصته

طبعا موجودة في جوجل ، لكن بكذا رواية (عاوزين الرواية المتواترة فيها) ههههههههههه

و أهم شئ مين اللي قاله ؟

الست اللي هربت و الا العسكري و الا أحد العوام اللي كانوا موجودين وقت الحادثة؟

اللي خدته القرعة تخده ام الشعور هههههههههههههههههه

جزاك الله كل خير اخي احمد

مشكورة اختي هدير

ما أحد يعرف حالك الا...........

ما أحد يعرف حالك إلا الله ثم جارك

_________________
نسيت أقول لكم قصة مثل (اللي اختشوا ماتوا)

زمان في بداية القرن العشرين الميلادي

كانت هناك الحمامات العامة في مصر

و في إحدى حمامات القاهرة (حمّام التلات) شب حريق ضخم

و كان الحمام إما مخصص للنساء أو أنه وقت الحريق كل وقت النساء

و احترقت معه الملابس و امتدت إلى الأرواح

فانقسم النساء فريقين : فريق آثر الموت على الفضيحة (و هو الأكثر)

و فريقا لم يبال الا بالهرب من الحريق

ففي مقهى بجوار الحمّام خرجت على الرجال إحدى الفريق الثاني تجري

فقالت الرجال : ايه دا يا ستّ ، انت خارجة كدة؟!

فقالت لهم : اللي اختشوا ماتوا !(و المثل بهذه الرواية يحكى في ذم الحياء الذي يؤدى الى الموت).

رواية أخرى تقول إن الضابط سأل العسكرى عن الخسائر

فقال له : الي اختشوا ماتوا !

يضرب هذا المثل حاليا في الشخص الذي لا يعرف الحياء

فكأنك تقول له إن اللى اختشوا زمان ماتوا ، فلم يبق الا اللي ما عندهمش حياء أمثالك

و جزاك الله خيرا أختي المشتاقة للقاء ربها و أختي د/هدير و كل إخواتنا

_______________

جت الحزينة تفرح ............

عاوز التكملة المصرية و التكملة الفلسطينية كمان (عشان أختنا المشتاقة للقاء ربها).

ما لاقتلهاش مطرح هاي بالفلسطينية بس ما بعرف كيف بالمصري