لعبة حلوة بالامثال الشعبية

السلام عليكم ورحمة الله وبركاتة

عجبتني اوي لعبة ف احد المنتديات فكرتها بسيطة بس جميلة

حبيت نلعبها هنا ونشترك فيها كلنا

باختصار اللعبة اني اقول مثل شعبي ناقص واللي يدخل بعدي يكملة ويحط مثل تاني..وهكذا

ارجو التفاعل ويالا نبدا

البيت بيت ابونا........................

السلام عليكم و رحمة الله و بركاته
اختى الفاضله احب ان اشترك معاكى فى موضوعك الجميل دا
بس انا عاوزه اعرف اللى ما يعرفش الاجابه يعمل ايه
الاجابه هى
البيت بيت ابونا و الغورب يترضونا
المثل بتاعى بقى
يا واخد القرد على ماله ــــــــــــــــــــــــــــــــــــــــــــــــ

راح المال وفضل القرد على حالو
قالوا أبو الفصادة بيعجن القشطة ( __ _ _ _ )
اختى اشكرك على اللعبة الظريفة دى

مشكورين ياحبايبي علي المشاركة

اللي ميعرفش الاجابة زي انا كدة مش عارفة اجابة المثل بتاع اختي جي جي...يبقي استني اما تجاوبة او اي حد يجاوبة وبعدين يحط مثل تاني

منتظرين اجابتك يا جي جي

قالوا أبو الفصادة بيعجن القشطة برجليه , قالوا كانت بانت في عراقيبه

ربنا يخليلنا جوجل ههههههههههههههههههه
___________
و جزاك الله خيرا اختى على هذه الصفحة الجميلة.

فين مثلك يا اخى انت جاوبت صح
منتظرين منك مثل علشان نكملة

لا و الله

البركة في جوجل ههههههههههههههههه

لكن انا ما اعرفش الا الامثال الشعبية السهلة المشهورة

أعرف أمثال عربية كتير (فصحى) لكن عنوان اللعبة اشترط الشعبية بس .

لكن هجيب مثل سهل من اللي أعرفهم .
____________
البيت بيت ابونا ...........(انا عارف انه سهل جدا بس معلش بقا )

شكرا اخواني واخواتي علي التفاعل...

البيت بيت ابونا والغرب بيطردونا

انا هقول مثل

خنفسة شافت ولا دها عالحيط.........

جميله اوى اللعبه دى يا هدير
بس انا مش عارفه تكملة المثل ده
هنتظر حد يجاوبه علشان اعرفه
نستفاد برضه
مشكورة يا غاليه

خنفسة شافت ولادها عالحيط قالت ده لولى و ملضوم فى خيط

_____________________

البركة في جوجل ههههههههههههههههههه

_____________________

مش هجاوب تانى بجوجل عشان اللعبة ما ترخمش

معلش دى اخر مرة هههههههههههههههه

بس على فكرة المثل ده حلو اوى

_______________

جزاكم الله خيرا و وفقكم الله لما يحبه و يرضاه.

مشكورة اختي موضوع جميل

اقلب الجرة على تمها .........

تطلع البنت لامها
اكمل
دلع الكبارا........... يلا كملو

تطلع البنت لامها

___________

بارك الله فيك اختى

القرعة ..........

معلش بعدما كتبت المساهمة تمت اضافة مساهمة اختى جى جى

و جزاكم الله خيرا

مبسوطة انا جدا منكم والله علي المشاركات الجميلة

بالنسبة لمثل الاخ احمد ف دة اعرف طبعا....القرعة تتباهي بشعر بنت اختها

اما مثل الاخت جي جي مش عارفاه ومش هدور فجوجل المردة دي..منتظرة الاجابة

انا الصراحة عاجبنى اوى المثل دة
دلع الكبارة يفقع المرارة ههههههههههههههه
اكمل
اعطى الخباز .............اتفضلى كملى يا قمر

اية يابنتي بتجيبي الامثال دي منين

اعطي الخباز خبزة ولو اكل نصة

بصراحة جبتها من جوجل.ههههههههههههه

اصل انا عارفة ادي العيش لخبازة ولو اكل نصة ..لكن انتي بقي قلبتيهالي

طيب...واحد قال للهم انا رايح اتفسح...........................؟كملي بقي

استنى مش تمشى حلتها
واحد قال للهم انا رايح اتفسح قالة لية هوة انا مكسح هههههههههههههههههههه صح ولا اية؟؟؟؟؟؟؟؟؟؟؟؟؟

اكمل
زى المش............................هااية التكملة

اية العسل دة برافو عليكي والله

زي المش.كل ساعة بوش...ههههههههههه.........بتخليني ابص ف جوجل هعمل اية بقي

يافرحة ماتمت...............دة سهل مش محتاج جوجل يالا يا اخ احمد جاوب

مينفعش انا ولا اية؟؟؟؟؟؟؟؟؟؟؟؟؟
خدها الغراب وطار
كملى
اللى حبة ربة واختارة.................ويا ريت مش ترجعى لجوجل

ايه اللعبة الجميلة دى وحشتونى اوىىىىى

تسلمى يا دكتورة هدير ويا جىجى ويا احمد انتوا هايلين

انا ححل المثل ده وحتابع معاكم كل يوم

اللى حبة ربة واختارة......جابله حاجته لحد داره

والمثل بتاعى هو

الشاطرة تغزل..................
؟

كملوا بقا

بس مش هساعدك تانى يا اطيب قلب
يلا حلى دة بقة
اولا المثل بتاعك
الشاطرة تغزل برجل حمار
كملى انتى بقى يا قمر
اللوح قال للمسمار انت فلقتنى......................... بدون مساعدات جاوبى

يالهوىىىىىىىىىىىى وربنا ماعارفاها حد ينقذنى جىجى غششتنى المثل اللى فات وده اصعب منه اضاهر الكوسة مش نافعة مع جىجى .......عيب دانا صحاااااب

انا استنجد بنوفو او احمد فيرس حد ضليع فالغويا ولالامثال ينقذنىىىىىىى