تعالوا نتعلم لغة جديدة

زائر

الفارس النبيل كتب:: شكراً لكِ بنت مصر على توضيحاتك الرااااااائعه

العفو اخى الكريم

Alabado sea Allah ..........
جزاكِ الله خيراً (من قاموس الترجمه)

جزانا واياك يا اخى

لكن لى سؤال عند حضرتك

عايزة اعرف اسم القاموس الى حضرتك جبت منه الكلمة دى بمعنى جزاك الله خيرا
شوف يا اخى هقول لحضرتك حاجة

انا عندى قاموسين كبااار جداااااا وواثقين فيهم واحد منهم عربى اسبانى
والثانى اسبانى عربى
وعندى اتنين بردوا بس حجم صغير بردوا عربى اسبانى والتانى اسبانى عربى

بس اغلبية الدكاترة يقولوا ما تفتحيش القاموسين الصغيرين دوووووووول

وحقيقى عندهم حق فى كده لانه مترجم بعض الكلمات بمعنى تانى خاااااالص

عن القواميس الكبيرة والمعروفة

المهم يا اخى كنت عايزة اعرف بعض المصطلحات الدعوية وكده

روحت طلبت من احد الدكاترة انه يدينى قاموس لانى مش عندى قاموس متخصص

فى المصطلحا الدعوية ولقيت فيها جزاك الله خيرا بتكتب هكذااا

Dios te lo pague

دى الجملة يا اخى الى لقيت معناها جزاك الله خيرا

انما الى حضرتك كتبتها اعتقد انها تعنى الله هو الممدوح

او الممدوح هو الله

انما جزاك الله خيرا فالجملة الى كتبتها لحضرتك

بس هسال بردوا علشان اتاكد يوم الاتنين ان شاء الله

انا كنت هاطلب منك بعض الكلمااااااات العربيه وترجمتها بالاسبانى لكن هاتقولى ما تجيبها من قاموس الترجمه وغيره وتقولى ايه الغلس ده

ما فيش مشكلة يا اخى

الكلمة الى حضرتك عايز ترجمتها بالاسبانية اكتبها وان شاء الله اكتب لحضرتك الترجمة

ولو فى كلمة قلت لحضرتك مش هينفع اكتبها

ده هيكون لسبب واحد

ان هيكون فيها اثنتو

او هيكون بحرف بالحرف الثانى الى بعد حرف ال n

ودوووول مش بيظهروا مكتوبين صح

علشان كده مش هقدر اكتب ترجمة كلمات لو كان فيها حاجة من دوول

لكن ما هى اسهل طريقة لتعلم الاسبااااااانيه

بما ان حضرتك مش فى كلية لغات وترجمة

فهيكون الحل الى اودامك انك تاخد كورسات فى اللغة الاسبانية

هى صحيح غاااالية بس هو ده الحل المتاح

وازاى ممكن ننمى قدراتنا فيها

بسيطة جداااااا يا اخى

انا السنة الى فاتت سألت كثير من الدكاترة عندى

قلت لهم ازاى احسن مستوايا فى اللغة وابقى متفوقة فيها

كل واحد فيهم قالى على الى اقدر اعمله

دكتور منهم والى نفسى ابقى زيه فى يوم من الايام

واتمنى انه يقبل يكون المشرف على رسالة الماجيستير لو ربنا اكرمنى وعملتها

قالى اقراى كثييييييير وابتدى بالقصص المستويات

يعنى قصص مستوى اول

وقصص مستوى تانى

وهكذااااااااا لحد ما توصلى للمستوى السادس

وبعدين تقراى الروايات والمسرحيات

وواحد قالى اهتمى بالترجمة

ودكتور تانى ساعدنى كثيييييير جدااااااااااااااا

وكان بيجيب لى كل الكتب الى كنت بطلبها منه

ربنا يبارك فيه ويكرمه لما جيت عملت بحثت السنة الى فاتت كان يجيب لى كتاب

ويقولى الكتاب ده حلو فيه حاجات عن الكاتب بتاعك خديه وصوريه

بجد ربنا يجزيه كل خير ويجعل كل ما قام به فى ميزان حسناته ان شاء الله

الدكتور قالى اى جملة تسمعيها او تخديها خديها وحطيها فى جملة علشان ما تنسيهاش

واسمعى اسبانى كثييييير

واتكلمى كثير مع اصحابك

دى النصايح الى ادوهانى لما قلت لهم ازاى احسن مستوايا فى اللغة

وحضرتك ممكن تعمل كده

اقرا كثيييير واسمع اسبانى كثيييير

وخصوصا ان معظم المجتمعات العربيه ليس لها اى علاقه بالاسبانيه

يعنى ايه يا اخى مش فاهمة بصراحة الجملة دى

فى مجتمعاتنا العربية فى كثيييييييييير من الجامعات بتدرس اللغة الاسبانية

وفى المدارس الثانوية كمان يا اخى

وفى مدارس اللغات

بمعنى كده انك هتلاقى شركات كبييييييرة تحتاج الى مترجمين للغة الاسباينة

وهتلاقى شركات للترجمة

ومعاهد للغات

واماكن كثييييير ان شاء الله تلاقى فيها شغل

يعنى اهه بندرس اللغة والشغل كمان موجود فى المجتمعات العربية

يبقى ازااااااااااااااااى المجتمعات العربية ليس لها علاقة بالاسبانية

وايه هى الكلمااااااات اللى ممكن نحفظها بسهوله

كل الكلمات يا اخى ممكن تتحفظ بسهووولة

الاسبانى سهل جدا وجميل جداااااااا

واسمع كثير يا اخى وابتدى بالكلمات البسيطة

زى التحية والسلام

والسؤال عن الاسم والسن والحاجات البسيطة دى فى الاول

واهم حاجة يا اخى تكون عارف ترجمة الى بتسمعه

يعنى اسمع الكلمة واعرف معناها

ربنا يوفقك يا اخى

وانا عندى اجازة جمعة وسبت واى حاجة تكتبها هرد على حضرتك ان شاء الله على طوووول

ووفقك الله اخى الفاضل ......وانار دربك

عايزة اعرف اسم القاموس الى حضرتك جبت منه الكلمة دى بمعنى جزاك الله خيرا

ده القاموس اللى انا جبت منه الترجمه دى .......ع الرابط ده

http://st-takla.org/Online_Services/Arabic-English-Dictonary-All-Languages-Free-Translate.html

بس اغلبية الدكاترة يقولوا ما تفتحيش القاموسين الصغيرين دوووووووول وحقيقى عندهم حق فى كده لانه مترجم بعض الكلمات بمعنى تانى خاااااالص عن القواميس الكبيرة والمعروفة

طيب ايه السبب فى تغيير الترجمه فى الاتنين الصغيرين دول؟.......وهل من الممكن استعمال المعنى الاخر فى تلك القواميس لنفس الكلمه؟

ممكن تجيبلى موقع قصص وروايات اسبانيه ومعاها ترجمتها العربيه

زائر

الفارس النبيل كتب:: عايزة اعرف اسم القاموس الى حضرتك جبت منه الكلمة دى بمعنى جزاك الله خيرا

ده القاموس اللى انا جبت منه الترجمه دى .......ع الرابط ده

http://st-takla.org/Online_Services/Arabic-English-Dictonary-All-Languages-Free-Translate.html

هقول لحضرتك حاااااجة

يا ريت بلاش حكاية القواميس الالكترونية دى

وبلاش حكاية الموقع ده الى بتحط فيه النص وتحدد اللغة وبعدين يترجملك الكلمات

بلاش يا اخى لان الترجمة بتبقى غير صحيحة

وانا كنت بستخدم بتااع جوجل ده فى حالة واحدة بسسسسس

لما بيكون عندى نص كبير اووووووووووووووووى وانا عايزة اخلص ومش فاضية اترجم ده كله

فبدخل عليهم وبشوف اد ايه الترجمة بتبقى غلط

بس بكون عاارفة كويس هو غلط فى ترجمة ايه

لانى دارسة اللغة ومش مبتدئة لسه

انما ما انصحش حضرتك تدخل عليه

حضرتك لو عايز تعرف معنى حاجة عن اللغة الاسباينة

استخدم القاموس اخى الفاضل

ومن الصبح عماله ادور لحضرتك على اسم القاموس الخاص بالمصطلحات الدعوية

بما ان حضرتك فى السعودية هتلاقيه ان شاء الله

لان الدكتور قام بعمله اثناء ما كان موجود فى السعودية واكيييد هو موجود هناك

بس للاسف ما لقتوش هبقى اساله عنه يوم الاتنين ان شاء الله

ولو حضرتك عايز تعرف قواميس باللغة الاسبانية

بس هى غالية شوية كل واحد فيهم ب 100 جنيه

لو حضرتك عايز تعرفهم قولى وانا اكتب لك اسمائهم ان شاء الله

بس اغلبية الدكاترة يقولوا ما تفتحيش القاموسين الصغيرين دوووووووول وحقيقى عندهم حق فى كده لانه مترجم بعض الكلمات بمعنى تانى خاااااالص عن القواميس الكبيرة والمعروفة

طيب ايه السبب فى تغيير الترجمه فى الاتنين الصغيرين دول؟...

والله يا اخى هبقى اجيب لحضرتك كلمة مترجمة من قاموس كوريتنى

وكلمة مترجمة من القاموس الصغير ده

وهتشوف بنفسك اختلاف الترجمة

وطبعا انا واثقة فى كوريتنى مية مية

....وهل من الممكن استعمال المعنى الاخر فى تلك القواميس لنفس الكلمه؟

والله يا اخى القاموس الصغير ده احلى حاجة فيه انه كاتب لك جنب كل كلمة

اذا كانت اسم او صفة او حال

او مذكر او مؤنث

او فعل متعدى او غير متعدى

بس وكفاية عليه كده

انما السبب وراء اختلاف الترجمة فيه قاله لى الدكتور السنة الى فاتت بس انا نسيته

عموما هبقى اعرف واقول لحضرتك

ممكن تجيبلى موقع قصص وروايات اسبانيه ومعاها ترجمتها العربيه

صعبة اووووووووووووى دى يا اخى

لان الموضوع ده هياخد وقت كثيييييير منى على النت

ومش عارفة اذا كنت هلاقى او لاءة

وبعدين يا اخى ابدا بالراحة ابدا الاول بالكلمات وبعدين الارقام

وبعدين ايام الاسبوع والشهور

وبعدين ادخل فى الجمل البسيطة

ابدا فى الاول بالحاجات البسيطة وبعدين ابتدى فى قراءة القصص المستوى الاول

ربنا يوفقك يا اخى

وان شاء الله هبقى اسل لحضرتك بردوا اذا كان فى حد عندنا يعرف مواقع فيها قصص وترجمتها ان شاء الله

hola bent masr __ buenos dias

والله يا بنت مصر أنا بدأت أحب الاسبانيه وفعلا بدأت أتعلم زى ما قولتى وانا أبدأ بالارقام الاول ولقيت موقع ممتااااااز جداً جداً و صوت والحمد لله قدرت اتعلمهم :los numeros فيه اسنتو على الـ U

وعلى فكره الموقع ده فيه أشياااااء جميله جدا والابجديه والكلمااااات الاساسيه والسهله :

وهذه هى الارقام والحمد لله حفظتهم
cero
uno
dos
tres
quatro
cinco
sies
siete
ocho
nueve
diez

gracias bent masr

بصرااااااااحه موقع رهيب للمبتدئين فعلا....... وان شاء الله معاك على طوووول لحد ما اتعلمها

زائر

الفارس النبيل كتب:: hola bent masr __ buenos dias

hola mi hermano

صباح النور يا اخى

بس كبمة dias

فيه اثنتو على i

والله يا بنت مصر أنا بدأت أحب الاسبانيه وفعلا بدأت أتعلم زى ما قولتى وانا أبدأ بالارقام الاول ولقيت موقع ممتااااااز جداً جداً و صوت والحمد لله قدرت اتعلمهم :los numeros فيه اسنتو على الـ U

وعلى فكره الموقع ده فيه أشياااااء جميله جدا والابجديه والكلمااااات الاساسيه والسهله :

حضرتك تقصد انهى موقع الى انا حطيته ولا حضرتك لقيت واحد تانى

لو حضرتك لقيت واحد تانى ياريت تكتبه علشان نستفيد كلنااااااا

وهذه هى الارقام والحمد لله حفظتهم
cero
uno
dos
tres
quatro
cinco
sies
siete
ocho
nueve
diez

ما شاء الله عليك يا اخى

ربنا يوفقك وينولك كل ما تتمنى ان شاء الله

gracias bent masr

De nada

no hay de que

دوووووول معناهم العفو

او لاشكر على واجب وكده يعنى

بصرااااااااحه موقع رهيب للمبتدئين فعلا....... وان شاء الله معاك على طوووول لحد ما اتعلمها

ان شاء الله يا اخى تتعلمها

وانا تحت امر حضرتك فى اى حاجة تحب تستفسر عنهااااا

انا أقصد موقع غير الموقع اللى انت كتبتيه وهو ده :

http://www.languageguide.org/espanol/

لكن مشكلته ان الجرامر بتاعه هو سهل لكن حاجات كتير مش فاهمه

سؤال يا بنت مصر : ممكن تعرفينا الضماااائر فى اللغه الاسبانيه ؟

زائر

http://www.languageguide.org/espanol/

بجد موقع رااااااااااااااااااااااااائع اخى الكريم

انا دخلته وبجد اكثر من رااائع وسهل جداااااااا

جزاك ربى خير الجزاء اخى الفارس النبيل

سؤال يا بنت مصر : ممكن تعرفينا الضماااائر فى اللغه الاسبانيه ؟

انا اول ما شوف السؤال يا اخى قلت هعتذر لان من الضمائر

عليه اثنتو والكلمات الى عليها اثنتو مش بتظهر مكتوبة

صح فى المنتدى

بس قلت احاول ونقلت الضمائر من الموقع الى حضرتك جبته

وظهرت صحيحة فالموضوع مش هينقصه غير انى اكتب

لحضرتك تحتها بالعربى

معانيها وكده

ان شاء الله يا اخى هبقى اكتبهم

http://www.languageguide.org/espanol/grammar/subject.jsp

بس رجاء اخى الكريم ادخل على الرابط الى فوق ده

وقولى اذا كان هى دى الضمائر الى حضرتك عايز تفهمها

علشان فى ضمائر الفاعل وضمائر المفعول

وضمائر الاشارة

حضرتك قولى بالظبط اذا كان الى موجود على الرابط الى

فوق ده الى حضرتك عايزتعرفه

؟؟؟؟؟؟؟؟؟؟؟

موضوع قيم مشكوره اختى الكريمه
تعالوا نتعلم لغة جديدة - صفحة 2 16d3676fa1

زائر

الجندى المصرى كتب:: موضوع قيم مشكوره اختى الكريمه

وفيك بارك الله اخى الكريم

مشكووور اخى لمرورك بالموضوع

زائر

اخى الفارس النبيل

قولى بس يا اخى ووضوح سؤالك

هل حضرتك عايز الضمااااائر كلها

ام ضمائر الفاعل

انا شايفة انك لسه فى البداية فمحتاج تعرف ضمائر الفاعل

وان شاء الله اوادم شوية كده تعرف الباقى

ولكن عموما انا منتظرة توضيحك اخى الفاضل

شكراً بنت مصر

وأنا قصدت ضمائر الاشاره وأنا اليوم حاولت أفهمها بس بصراحه صعبه شويه ليس من حيث الكلمه

لكن مثلا لقيت :

yo يأتى بعدها soy

و مثلا : el و ella يأتى وراهم es

و ضمير المتكلم للجميع يختلف المذكر عن المؤنث مره nosotros ومره nosotras و نفس الوضع بالنسبه ضمير الاشاره للجميع

لكن أنا عرفت معانيهم :

I = Yo = أنا

Tu (الـ U عليها اسنتو) = you = أنت أو أنتِ

El (الـ E عليها اسنتو) = He = هو

Ella = she = هى

Nosotros = we = نحن للمذكر

nosotras = we = نحن للمؤنث

Ellos = Thay = هم للمذكر

Ellas = Thay = هم للمؤنث

ياريت لو فيه حاجه غلط فيهم توضحيها

فيه حاجه كمان : حكاية الاسنتو دى أنا مش فاهمها خالص ياريت توضحيها بالتفصيل الممل (فضلاً وليس أمراً) ومتى توضع على الحرف وهل هى مختصه بحروف معينه (معلش قولتلك تلميذ بايخ ومش بيفهم بسرعه)

زائر

الفارس النبيل كتب:: شكراً بنت مصر

العفو اخى الكريم

وأنا قصدت ضمائر الاشاره وأنا اليوم حاولت أفهمها بس بصراحه صعبه شويه ليس من حيث الكلمه

لالالالالالالا يا اخى دى مش ضماائر الاشارة

دى ضماااائر الفااااااعل

ضمائر الاشارة غير كده خاااااااااالص

لكن مثلا لقيت :

yo يأتى بعدها soy

و مثلا : el و ella يأتى وراهم es

اخى الكريم ده تصريف قعل
ser
فى المضارع

عامل زى فعل الكينونة فى الانجليزى

وطبعا بيتغير لما بيتغير الضمير

من مخاطب الى متكلم الى غائب وهكذاااا

هقول لحضرتك حاجة انا ان شاء الله على الخميس الى جاى كده

هبقى اكتب لحضرتك ضمائر الفاعل

بشرح مبسط وجميل جداااا

معلش والله يا اخى عليا امتحان بكرا

والجامعة لحد يوم الخميس ما ببقاش فاضية

والموضوع ده هياخد بتاع ساعتين كتابة على الوورد

فان شاء الله هعمله يوم الخميس

و ضمير المتكلم للجميع يختلف المذكر عن المؤنث مره nosotros ومره nosotras و نفس الوضع بالنسبه ضمير الاشاره للجميع

طبعاااااااا يا اخى لازم يتغير

لان
nosotros
دى للمذكر

اى نحن

nostras

للمؤنث

لكن أنا عرفت معانيهم :

I = Yo = أنا

Tu (الـ U عليها اسنتو) = you = أنت أو أنتِ

El (الـ E عليها اسنتو) = He = هو

Ella = she = هى

Nosotros = we = نحن للمذكر

nosotras = we = نحن للمؤنث

بسيت يا اخى

vosotros

vosotras

وهقولك كل حاجة عن الضمائر دى يوم الخميس ان شاء الله

Ellos = Thay = هم للمذكر

Ellas = Thay = هم للمؤنث

ياريت لو فيه حاجه غلط فيهم توضحيها

فيه حاجه كمان : حكاية الاسنتو دى أنا مش فاهمها خالص ياريت توضحيها بالتفصيل الممل (فضلاً وليس أمراً) ومتى توضع على الحرف وهل هى مختصه بحروف معينه (معلش قولتلك تلميذ بايخ ومش بيفهم بسرعه)

حكاية الاثنتو ده مواااااااااااال كبيييييييييير يا اخى

وهياخد وقت كثيييييييييييييير جداااااااااا

وحضرتك مش هينفع تعرفه كده

لازم تسمع نطق الكلمااات علشان تعرف الحرف الى قوينا عليه النطق

مش هينفع والله يا اخى

وبعدين الكلمات مش هتظهر مكتوبة صحيح

حاول يا اخى تشوف موقع بيتكلم عن الاثنتوووو

للاثنتو بيوضع على الحروف المتحركة يا اخى

عمرك ما هتلاقى اثنتو على حرف ساكن ابدا

وله حالات اخى الفاضل وكل حالة ليها مسمىىى

لكن انا عارفة ان حضرتك مش هتقدر تعرفه غير صوتياااااااااااا

فياريت يا اخى تشوف اى موقع او اى حد يكون بيعرف فى اللغة ويقولك عليه

خلاص هاستنى يوووووووم الخميس

زائر

الفارس النبيل كتب:: خلاص هاستنى يوووووووم الخميس

السلام عليكم ورحمة الله

معذرة اخى الكريم النت عندى بيفصل كثيييير جدااااااااااااااااااااااااااااااا

وكل اما اتصل بالشركة بقعد معاهم بالساعة وطبعااااااا فاتورة التليفون هتيجى اد كده

ولانى مش محتاجة النت الفترة دى

فإن شاء الله هروح النهادرة افصل النت من عندى لحد شهر 2

يعنى ان شاء الله لحد اجازة نص السنة

وان شاء الله يا اخى هرجعه تانى واكتب

لحضرتك كل الى انت عايزه عن اللغة الاسبانية

بعتذر اخى الكريم بس حقيقى مش فاااااضية خااالص

اخر سنة ليا فى الجامعة

دعواااااتكم اخوانى واخواتى ربنا يوفقنى ويرضى عنى

ويكرمنى بالامتياز ان شاء الله

ابعتذر لحضرتك مرة تانية اخى الكريم

بس انا حاليا سبت محاضرة علشان اعرف ادخل على النت الى فى الجامعة

واكتب لحضرتك على موضوع النت وانى مش هدخل الا فى الاجازة ان شاء الله

كل سنة وانتم طيبين جميعااااااااااااااااااااااااااا

استودعكم الله الذى لاتضيع ودائعه

ترجعى بالف سلامة فى اجازة نص السنة يا طيبة

وتكملى معانا ان شاء الله كل ماهو مفيد وجميل عن اللغة الاسبانية

وفقكى الله ورعاكى

جزاكم الله خير الجزاء

» ابن الهيثم .. ليتنا نتعلم منه!
» هيا نتعلم الصلاة بالصور لبراعم الإيمان مع الصيغ الواردة في دعاء الاستفتاح
» تعالوا نشجع مصر
» تعالوا نشكر من نحب
» تعالوا نشوف البرق