دوره التجويد الميسر(الحلقه القرآنيه الثانيه)

اعوذ بالله من الشيطان الرجيم

بسم الله الرحمان الرحيم

وبه نستعين والصلاه والسلام على اشرف الخلق وسيدى المرسلين وعلى آله واصحابيه اجميعا

اللهم عليك توكلنا واليك انبنا واليك المصير

اخواتى الكرام اقدم لكم اليوم الحلقات القرآنيه للتجويد الميسر والتى نستخدمها فى المقرأه

واتمنا من الله تعالى ان تنال اعجبكم

بسم الله الرحمان الرحيم

المعلمه:
النهارده هناخد درس يا جماعه درس مهم وفى نفس الوقت سهل جدا وهو مخارج الحروف او(مكونات جهاز النطق)

طاب ياترى ايه الدرس ده وهيفدنى فى ايه اقولك انا هيفيد فى ايه انت سكن فى بيت طبعا البيت ده فيه عدة طوابق وكل طابق فى شقه او اثنين وكل شقه فيها حجره وكل حجره فيها 4 حوائط والحائط عباره عن طوب كذلك القرءان الكريم فالقرآن مكون من اجزاء والاجزاء من احزاب والاحزاب من اربع والاربع من كلمات والكلمات من حروف يقا عندى الاساس الحرف

اذن ان عندى الاساس هنا ايه؟

الدارسه :الطوب

المعلمه :
يعنى انا عشان ابنى بيت كويس لازم يبقا معايا الاساس وهو طوب

كذالك القرآن
اذن انا عندى اساس النطق الصحيح ايه؟

الدارسه: الحرف

المعلمه :برافوا عليكم كما الجمزورى رحمه الله قال

اذ واجب عليهم محتم ..........قبل الشروعى اولا

ان يعلموا مخارج الحروف والصفات

ليلفظوا بافصح اللغات

فقد قال الجمزرى رحمه الله انه واجب وحتما قبل الشروع فى قرأه القرآن ان تعرف مخارج الحروف والصفات لكى تقرئى القرآ، بافصح اللغات

تعالو بقا نستنتج مع بعض المخارج والمخارج هى مكونات جهاز النطق طاب وهل جهاز النطق له مكونات طبعا اه مكونات دلوقتى لما اقولك انتى بتسمع بأيه هتقولى الجهاز السمعى والجهاز السمع بيتكون من الاذن الدخليه والخارجيه وطبله الاذن وكذلك جهاز النطق له مكونات يلى نستنتجها مع بعض

المعلمه :قولى (اب) ـــــــــــــــــــــــ ايه الى اتحرك معاكى اللسان والا الشفتان ؟
الدارسه : الشفتان

المعلمه :برفوا عليكى يبق انا عندى اول عضو (مخرج) هو الشفتان
طاب قولى(ال) ايه الى اتحرك معاكى ؟

الدارسه :اللسان

المعلمه :يبقا انا عندى ثانى مخرج اللسان
طب قولى (اع)خرجت منين ؟ حطى ايدك على رقبتك كده وانتى تحسى بيها
الدارسه:خرجت من الزور

المعلمه :
احسنتى بس الزور فى اللغه العربيه اسمه الحلق عارف لما يكون حد تعبان عنده برد ومش قادر يتكلم لما بيكشف الدكتور بيقوله عندك التهاب حلقى يعن التهاب فى الزور

يبقا انا عندى العضو الثالث هو الحلق

طب قولى (ان،ام)وسدى احدى فتحات انفك هاه حسه بأيه؟

الدارسه :حسه بزنه فى انفى

المعلمه :الزنه دى احنا بنسميها خيشوم والخيشوم ده بيطلع مع هذان الحرفين فقط وتعالو نتأكد سدى احدى فتحات انفك ورددى معايا(اق، اب، اك،اف،اع،اى،.....................)

هه حسيتى بزنه الخيشوم ؟

الدارسه :لا

المعلمه:
يبقا انا لازم اخلى بالى كويس من نطق الحروف يعن لو حسيت وانا بقراه بزنه دى فى اى حرف اعرف انى عندى عيب قرأه وهو الخيشوم

ويبقا احنا عرفنا ان رابع عضو هو الخيشوم

طيب قولى معا كده(قال, يقول، قيل)وعيشى مع الحروف المديه هل حسيت بمخرج لها ؟

الدارسه :لا

المعلمه:برفوا عليكى فالحروف دى حروف هوائيه لانستطيع الامساك بها حد فينا يعرف يمسك الهوى بايده هى نفس الحكايه ودى مخرجه الجوف وهو خامس مخرج (عضو)
يبقا عندى (اب) ــــــــــــــــــــــــــــــــ 1_الشفتان
(ال) ــــــــــــــــــــــــــــــــــــــــــــــــــ ــــ2_ اللسان
(اع) ــــــــــــــــــــــــــــــــــــــــــــــــــ ـــ3_ الحلق (الزور)
(ان، ام) ـــــــــــــــــــــــــــــــــــــــــــــــ ـ4_ الخيشوم
قال، قيل،يقول ـــــــــــــــــــــــــــــــــ5- الجوف
المعلمه: احنا عرفنا كده مكونات جهاز النطق(مخارج الحروف) طاب يا ترى انا لما بتكلم الكلام يخرج من جوه لبره والا بيدخل من بره لجوه
الدارسه :بيخرج من الداخل للخارج

المعلمه :طيب انا عايزه ارتب المخارج دى حسب خروج الكلام يبقا اول عضو ايه؟
الدارسه: الحلق
المعلمه : انا معاكى بس انا هاخد الجوف الاول وهنعرف بعد كده احنا خدنا الجوف الاول ليه يبقا الاول اجوف والثانى الحلق الكلام هيوصل لايه بعد كده؟الدارسه: اللسان
المعلمه : ثم؟
الدارسه: الشفتان
المعلمه:يبقا اخر عضو ايه؟الدارسه: الخيشوم
المعلمه :اذان عندى مكونات جهاز النطق (المخارج)5 مكونات

وبكده يبقا احنا عرفنا المخارج والمره القادمه هنتكلم عن كل عضو
نختم بدعاء

اللهم لاتؤاخذنى بما كان زياده منى اونقصان او خطأ او نسيان

وسبحانك اللهم وبحمدك نشهد ان لا اله الا انت نستغفرك ونتوب اليك

جزاكم الله خيرا اختنا الكريمه
فعلا التجويد جميل جدا ولا يشعر بذلك الا الذى مر بالتجربه
تقبل الله منا ومنكم صالح الاعمال

جزاكى الله عنا كل خير اختى

شرحك مبسط وجميل وسلس جداااااا

جعله الله فى ميزان حسناتك وان شاء الله نتابع كلنا معاكى

مشكورة أختي أحباب القرآن على هذا الشرح الجميل و المبسط

السلام عليكم ورحمه الله وبركاته

جزاكم الله خيرا إخوانى واخواتى ع مرورك الكريم

وع الردود الطيبه اسأل الله العلى العظيم ان يجعلنا

من اهل القرءان وان يرزقنا حسن تلاوته على النحو الذى يرضيه عنا

وان يجمعنا فى الاخره فى جنه قطوفها دانيه

اللهم ءاميييييييين

مع خالص احترامى وتقديرى الدائمين

» برنامج " أحكام التجويد " لتعليم أحكام التجويد وقراءة القرآن الكري
» الجدول الميسر في المواريث
» درس تعريف علم التجويد
» حكم تعلم التجويد
» اقسام التجويد