حوار مع عضو

اشكرك حبيبتى جىجى على اسئلتك الجميلة والمتنوعة وان شاء الله اجاوبها بكل صراحة

اى الطاعات تتقنيها؟
اتمنا ان اتقن طاعة الله ورسوله وان يرضا عنى ربى وان اظل اطيع والدى وزوجى لاخر يوم فى عمرى

اى الامثال تؤمنى بيها؟

حب لاخيك ما تحب لنفسك..كما تدين تدان
اى البرامج تحبيها؟
القاهرة اليوم
اللون المفضل لكى؟
البرتقالى والازرق والابيض

الاكلة التى تجيديها ؟
الحمد لله معظم الاكل بعمله حلو وجوزى بيشهدلى ان نفسى حلو فى الاكل
اى الفصول تفضلين؟
الصيف علشان مفيش مدارس وفى خروج وفسح وبحر
اية الشىء اللى اتمنتية ومش حققتية؟
اتمنيت ان ربنا يرزقنى باخ لابنى عبد الرحمن لان وحدته دى معذبانى ولحد الان ما اتحققشى
اغلى امنية حققتيها؟
انى اجيب بنتين واسميهم شروق وشمس وانى اقرا الفاتحة على روح امى فالسعودية والحمد لله الاتنين اتحققوا
اية الفكرة المجنونة اللى جواكى؟
انى اهاجر برة مصر واعيش مع اختى بس زوجى رافض جدا فكرة الهجرة
كيف تعبرين عن حبك؟
بكل الوسائل بحب الرومانسية جدا والافعال والكلمات الطيبة الرقيقة
متى شعرتى بالعجز؟
لما بشوف ابنى تعبان ومقدرشى اعمله اى حاجة
اسعد خبر سمعتية؟
ان واحدة صحبتى من فلسطين حتيجى مصر الصيف الجاى وتكون ضيفتى هية وزوجه وبناتها
اسؤ خبر سمعتية؟
وفاة امى رحمها الله كانت صعقة وصدمة عمرى

هل انتى عقلانية ام وجدانية؟
وجدانية جدا طول الوقت واحيانا قليلة عقلانية ومش عارفة دى ميزة ولا عيب قوليلى انتى يا اعز واحسن صحباتى.
من درب الخيال بقى
اذا تواجدتى فوق السحاب مع من تحبى قضاء وقتك؟
لو اقلك حتقولى بتبالغى ..والله ولادى وانتم كلكم ..نعمل حفلة كدة فوق السحاب ونكون كلنا متجمعين واشوفكم على الطبيعة كلكم ونتكلم ونضحك ونقرب من بعض اكتر واكتر يا احلى واطيب اسرة هية اسرة رحيل
اى المخلوقات تفضلى؟
الانساااااااااااااااان بطيبة قلبه ونقاء سريرته ووجدانه وحبه لكل اللى حواليه

وبترعب موت من اى حيوان حتى ولو عصفورة او سلحفاة اى حاجة بتترك بخاف منها جدااااا

يارب اكون ضيفة خفيفة على قلوبكم واكون جاوبت على اسئلتك بكل صراحة يا قلبى

بتمنى من الله العلى القدير ان يجمعنى واياكى اختى قلبى الطيب
مشكورة علىردودك الصريحة

ردوردك جميله فعلا اختى القلب الطيب
بارك الله فيكى انتى واختى جى جى يارب
انا عايزه اسأل سؤال واحد بس
انتى من اى مدينه؟؟؟؟؟

اشكرك اختى فجر الاسلام على مرورك الجميل

انا من الاسكندرية

شكرا على صراحتك اختى الطيبه وان شاء الله نتقابل فى الدنيا على خير وانا اتمنى ان يكون لملك عريس زى عبد الرحمن والدته طيبه وحنونه وبتخاف عليه اكيد هتخاف على ملك طبعا وزى ما عبد الرحمن غالى عندك قوى انا ملك اغلى عندى من روحى الى بتنفس بيها
وبتمنى ان باقى الاعضاء تشاركنا الحوار لا يكتفى المنتدى على هذه الاسءله فقط عاوزين نعرف كل خباياواسرار وروايات اختنا القلب الطيب
فى انتظار باق الاعضاء للمناقشه

مشكورة اختي على صراحتك

وربنا يحقق كل امانيكي يرحم امك ويجعل الفردوس الاعلى مسكنها

بصراحة اخواتي ما خلو شي الا وسالوه

عندي بس كم سؤال

شو رايك بالشعب الفلسطيني؟

لو قالولك تزوري دولة اي دولة رح تختاري

ومين من الاعضاء المقربين ليكي

وقولنا طريقة كيف بتوفقي بين البيت والنت

وربنا يبارك فيكي وفي زوجك واولادك وتشوفي كل واحد زي ما بتحبي وهما كمان ياااااااارب

مشكورين جميعا

ربنا يكرمك اختى القلب الطيب على صراحتك الرائعه
بارك الله فيكى حبيبتى فى الله
وانا مبسوطه جدا انك من اسكندريه
انا كمان من اسكندريه واكيد اسكندريه ستظل بخير طول ما فيها ناس زى القلب الطيب

ربنا يسعدك يا بسمة يا قمر والله احساسى كان بيقولى انك قريبة منى ليه معرفشى

والحمد لله انك من بلدنا الجميلة اللى هوا بحرها يخلى اى حد طيب وحنين زيك كدة يا فجر يا قمراية

اما اختى الجميلة المحترمة المشتاقة فانا بشكرك جدا على زوقك واخلاقك العالية اللى مش غريبة على الفلسطينيات اللى انا بحبهم جدا واعز صحباتى من الضفة من عندكم ربنا يباركلى فيكم جميعا وحرد على اسئلتك يا حبيبتى بكل صراحة

شو رايك بالشعب الفلسطيني؟
الشعب الفلسطينى شعب طيب جدا مطحون زى حالتنا ومضيافين جدا وبيحبوا الخير للناس كلها وانا بجد بحبكم جدا وليا اصحاب كتير من فلسطين ومخلصين جدا جدا ربنا يفك اسركم وينصر اقصانا يارب
لو قالولك تزوري دولة اي دولة رح تختاري
انا رحت اليونان ولفيت السبع جزر بتوعها وكانت رحلة هايلة جدا وانا بحب الدول الاوربية جدا وبتمنا اروح عند ميادة اختى فى انجلترا ازورها واقعد معاها شوية لانها صعب جدا تنزل الا بعد كذا سنة وكمان اخواتى الولاد بيشتغلوا ومستقرين فى ميلانو ونفسهم انى اسافر لهم بس اعمل ايه غصب عنى ياريت الظروف تسمح وانا اروح واقعد معاهم وما سبهمشى ابدا ابدا وكمان فى الدول العربية نفسى اروح الاردن ولبنان وفلسطين
ومين من الاعضاء المقربين ليكي
لو اقلك كلكم حتقولى انى مبالغة جدا بس والله كلكم بحبكم من قلبى واتمنا اننا نتعرف اكتر على بعض ونتواصل طول الوقت فالمنتدى وخارج المنتدى ربنا يجمعنى بيكم على خير ياااااارب ويباركلى فيكم
وقولنا طريقة كيف بتوفقي بين البيت والنت
اقلك يا قمر النت دخل البيت بعد جواز اختى وسفرها مع عريسها وكمان استقرار اخواتى فى ايطاليا وكان بيتخرب بيتنا فى التلفونات فاختارنا الوسيلة دى النت اسرع واسهل وليل ونهار مع بعض عالنت بنشوف بعض وبنتكلم احنا وولادنا مع بعض وبحاول طول الوقت اهتم بجوزى وولادى ومذاكرتهم عشان دوا امانة بين ايديا وربنا حيسالنى عنهم يوم القبامة

دعواتكم ليا يا اطيب واحلى اخوات فالدنيا كلها

اشكرك جزيل الشكر اختي

اولا هاد شهادة بعتز فيها اختي
وثانيا ربنا معاكي ويوفقك في حياتك كلها

وربنا يجمعك مع اخواتك في اقرب وقت وتروحي وتزوريهم

بارك الله في رحيل كلها

اشكرك اخى المصرووى على زوقك وكلامك المحترم واشكرك اختى الحبيبة المشتاقة على اسئلتك الجميلة الممتعة

اخى طيب القلب ابو ماك انا سعيدة جدا والله باسئلتكم وبجاوب عنها بكل صراحة وانا فغاية الفرح



1_ماهي قيمه الذهب عندك
والله الذهب غالى على كل الستات بس انا بصراحة لاحب ارتدائه فى البيت فيما عدا دبلة جوازى اللى مش بقدر استغنا عنها ابدا وبصراحة اكتر انا كان عندى دهب كتير ولما جوزى جه يفتح مشروع صغير بعته لانه هو احتاجه وكمان كله من خيره وان شاء الله ربنا حيعوضنى باحسن منه وكفاية اننا مستورين وسعداء جدا والحمد لله
2_هل اهديك زوجك الغالى عند خطبتكم ذهب وكم وزنه

اكيدطبعا اهدانى طقم غالى عندى اوى والله بس بصراحة مش فاكرة وزنه انما فاكرة ثمنه كان من 13 سنة ايام الخطوبة ب3000جنية ومازلت احتفظ بيه لانه له ذكرى غالية اوى عندى

3_ما هى فصيله دمك ولاتقولى (زى العسل )

ربنا يخليك ويبارك فيك العسل ده هو ملك القمراية خطيبة ابنى ومش حتصدق بقا ان اختك ولا تعرف فصيلة دمها ولا طولها ولا وزنها عايشة والله كدة ببركة ربنا فالدنيا انسانة كدا عادية وخلاااص وكل ما حد يسالنى عن اى تفاصيل اقلهم معرفشى يحسبونى ببالغ والله ابداااا وكمان كانت مكتوبة فى البطاقة القديمة بتاعتى وطبعا هية راحت من زمان ولما عملت الرقم القومى اظن انها مش مكتوبة فيها الفصيلة

4_وجه مقارنه بين
اخوتك الان واولادك وزوجك من حيث التعامل والحب والغيره ولكن لابد وان تختارى من الثلاثه واحد فقط سؤال محرج ولكن سامحينى
اولا انا مسامحاك من غير ما تقول اى حاجة لانك اخويا وبالنسبة للمقارنة والله حقولك الصراحة من قلبى جدا وربنا شاهد عليا
ولادى هما رقم واحد فى حياتى وعايشة عشان اسعدهم واربيهم على اد ما اقدر احسن تربية اى نعم انا مش زى امهاتنا فى تربيتنا اللى كانوا امهات بجد بس بحاول ازرع فيهم الاخلاق الكويسة اللى اتربينا عليها وبتابع نفسياتهم جدا ودراستهم ومزاجهم وصحتهم والحمد لله فى المرتبة التانية بجد بيجى ابويا اللى ربنا يخليهولى هو وجوزى العسل سعيد لانه دايما بيغير من حبى ورومانسيتى لابويا ويقولى الحاج ده ضرتى لانكم حنينين اوى ورومانسين مع بعض
اما المرتبة الثالثة وليست الاخيرة طبعا بيجوا اخواتى التلاتة اللى بحبهم جدا ومفتقداهم جدا انما ربنا يجمع شملنا على خير ويخليلنا النت اللى مجمعنا طول الوقت وبنطمن على بعض كل يوم ونشوف بعض وولادنا بيقربوا من بعض ويتكلموا مع بعض
5_ماذا تمثل الالوان عندك وما هو احب لون تحبينه
الالوان بحبها جدا وخاصة الالوان الفاتحة الروز والابيض واللبنى والاورانج
6_ماذا تمثل لكى الازهارواحب الازهار اليك ولمن تهديها
الزهور بعشقها وبرتاج جدا لما اشوفها قدامى ولو تلاحظ توقيعى كله ورد وبحب احتفظ بالورد الطبيعى واجففه وخاصة الورد اللى جالى فى مناسبات معينة ليها جوة قلبى ذكرى غالية
7_ما هى اغلى هديه قدمت لكى ومن من
هدايا ولادى فى عيد الام والله يا محمد دى اغلى حاجة بتجيلى كل سنة وعندى بنتى شروق بتهدينى كل يوم جواب بتكتبلى فيه احبك يا ماما وكل يوم مش بتمل من كتابة الجوابات دى وباخدها ابوسها ومحتفظة بيهم كلهم لان شروق حساسة ورقيقة جدا واذا لقتنى فى مرة اهملت جواباتها بتزعل وكمان هدايا اخواتى اللى بجد حنينين جدا عليا وعلى ولادى وهداياهم كلها جميلة
8_ اغلى هديه هديتها ولمن
صعب اقول والله بس اعتقد
عمرى وحياتى وحبى ودنيتى كلها لبيتى وولادى عبد الرحمن وشروق وشموسة

اشكرك اخى محمد على اسئلتك اللى بجد خلتنى ابتسم وابكى واطلع كل حاجة حلوة جوايا

كدا انا اقدر اعرف مقدار الحب عندك
اولا انت رومانسيه جدا فى بيتك ودليل على ذلك احتفاظك بكل شئ ثمين يقدم لكى
اختيارك الثانى وحب المرتبه الاولى الاولاد هم اغلى ما فى الوجود وصدقينى انا صرت اب منذو شهور ولكن ملك هى كل شئ فى حياتى حتى نسيت امها خالص كل حاجه دلوقتى ملك فقط لا غيرولكن امور كثيره جدا تتغير اما الزوج والاب فى المرتبه الثانيه انهم فى القلب والى القلب دائما وحبك للوالد اكبر دليل انه يكون دره السيد زوجك ولكن قولى له لا تقلق يوجد من يعرف حبه بلنسبه له فهذا شئ احسده عليه اما الاخوه فيارب بارك لكى فيهم ويحفظهم لكى فهم اصدقاء الطفوله الذى لا نستغنى عنهم ابد

شكرا على سعه صدرك لنا اختنا الطيبه
واتمنى ان لا اكون اخ ثقيل الدم لان فصيلتى نادره الوجود فهى o_
جزاكى الله خير وبرجاء ابلاغ سلامى الى عريس ابنتى عبد الرحمن

بجد بشكرك كتير اختي القلب على اجاباتك الجميلة والصادقة
ربنا يخليلك اولادك ويحفظم يااااااااارب

ما شاء الله عليكى اختى القلب الطيب
اجابتك رائعه
ربنا يسعدك دائما حبيبتى

اهلا بيكى حبيبتى جىجى على صفحة حوار مع عضو ويارب اسئلتى تكون خفيفة عليكىىىىى

صــفى نفســـك بكلمتيـــن فقـــط..!
< 2> -مــاهــو الشــئ الذي ندمــتى علــي عمـلــــه؟!؟
< 3> -كـلمـــة تمنيـــــتى انك تسـتطيـــعى سحـبهــــا؟!؟
<4>-دمـعـــه انـذرفــــت رغـمــاً عنـــكى؟!؟

<5>-شــئ او شخــص غيــّر مجــري حياتـــك؟!؟
<6>-كلمة تودى سماعها كل يوم؟!؟
<7>- شــئ او عمــل لا تستطيــع مســامحته؟!؟
<8>-حلم لم تستطعى تحقيقه؟
<9>-موقف صدمك ولن تنساه؟
<10>-شخص تتمنى ان تقولى له شكرا

اخى ابو ملك
الجلاديوس دى زهرة كنت عاوزة انزل صورة للزهرة بس مش عرفت

لو كنت أدركت..

انك يا حلمي..

ستستعجل يوما..

يأسي..

لما غفوت..

لظللت اشرب..

من معين الحياة..

ذات الماء..

الذي يحرر سباتي..

لظللت احكي..

لأوراقي..

ذات التفاصيل..

فتمل مني..

و ترميني..

لشاطئ أمسي..

تمدحني ضلالي..

فأتوارى خجلا..

بين ذرات الرمال..

لو أدركت..

انك يا حلمي..

تعلمت..

لغة الأزهار..

انك تفهم..

المعاني..

تتركها تتعثر في لسانك..

فتكافئني...

بزهرة الجلاديولس..

لما علمتك تاريخي..

لما عريت..

مقبرة حاجاتي..

العذراى..

لتعرف أن..

للزهر أنصالا..

مزقت أشلائي..

لو أدركت..

انك تتجول..

همسا..

في عيوني...لتترك فيهما ألغاما..

تذكرني بشتاء أسرارك..

كلما ترك المطر..

سحرا على نوافذي..

لزينت العيون..

بأجمل القيود..

لتعلق روحك..

فيهما..

فتستكين داخلهما..

بنشوة الذئاب..

لو كنت انتبهت..

يا حلمي..

أن رياحك..

تأتي من الشرق..

تزحف بألم..

تئن من وجع..

نقاب اصفر..

لمزقت أشرعتي..

و أغرقت زوارقي..

في المهد..

فانا..بين الصور الغائبة..

أقف في منتصف العهد..

كن جميلا يا حلمي حين تحين ..

صلاة الفجر..

وودع سواحل آهاتي..

بسفن مكسورة..

و دعني..

اكتفي..

بان اسقي..

زهرتك..

زهرة الجلاديولس...

اولا كلامك جمييييييييييييل اخي ابو ملك
رنا يبارك فيكي وفي اجابتك الصريحة اختي جي جي
سؤالي
انت بتحبي النجوم؟؟؟؟؟ ايه هو احساسك لما تبصي للسما في يوم مليان بالنجوم؟؟

ممكن تحكيلنا موقف انت ضحكتي فيه اوووووووووي؟ موقف انت بكيتي فيه؟؟؟؟؟؟؟؟

هل تحبي ان الزمن يرجع بيكي وتقولي كلمة لشخص عزيز عليكي؟ ايه هي كلمة ومين الشخص دا؟؟؟؟؟؟؟؟

وكفاية كدا عشان تكون اسئلتي خفيفة عليكي بس كل الاسئلة اللي فاتت

وجزاك الله كل خير يا زهرة الجلاديولس