حوار مع عضو

السلام عليكم ورحمه الله وبركاته
واهلا بسيادة العضو اللي مشرفنا انهاردا
لو طلب منك انك تتركي منتدي رحيل ودا لظروف ممكن تكون صعبة ؟
هاتعملي ايه وردك هايكون زااي لرحيل؟؟؟؟؟؟؟؟؟؟
يا مشتافة انت بتحسي باية لما تقرئي قصة رومانسية جميلة؟؟؟؟؟؟
ما هي الحكمة اللي انت بتحبيها ودايما فاكراها؟؟؟؟؟؟؟؟؟؟؟؟؟
هل فعلا منتدي رحيل هو أحب المنتديات ليكي ولا في منتديات تانية؟؟؟؟؟؟؟؟؟؟

ومش عايزة اطول عليكي ربنا معاكي في الاجابة

وعليكي السلام ورحمة الله وبركاته

واهلا بسيادة العضو اللي مشرفنا انهارد
اهلا بيكي اختي في الله
لو طلب منك انك تتركي منتدي رحيل ودا لظروف ممكن تكون صعبة ؟
هاتعملي ايه وردك هايكون زااي لرحيل؟؟؟؟؟؟؟؟؟؟
سؤال صعب يارب يجيب الي فيه خير وما اترك رحيل خالص
يا مشتافة انت بتحسي باية لما تقرئي قصة رومانسية جميلة؟؟؟؟؟؟
؟؟؟؟
ما هي الحكمة اللي انت بتحبيها ودايما فاكراها؟؟؟؟؟؟؟؟؟؟؟؟؟
كل شئ بالامل الا النجاح بالعمل

هل فعلا منتدي رحيل هو أحب المنتديات ليكي ولا في منتديات تانية؟؟؟؟؟؟؟؟؟؟

نعم وما في غيره بتاتا

بارك الله فيكي اختي فتاة الاسلام

جزاكم الله خيرا اختنا المشتاقه ونحن نسال الله ان تظلى معنا دائما وان يجعل حروف كلماتك نافعه لنا ولاخوانك واخواتك وتجدينها كالجبال فى ميزان حسناتك يوم القيامه
مع تقديرى لكى وتمنياتى بالتوفيق

مااااااااااااشي يا مشتاقة
وجزاك الله كل خير علي الردود الرائعة
ويلا نشرب العصير
ههههههههههه

جزاكي الله كل خير
ربنا يبارك فيكي

اعتقد انه الدور عليا خلص صح؟؟؟

السلام عليكم

انا ان شاء الله رح اختار اختي فتاة الاسلام

ورح اسالك كم سؤال
اول شي عرفينا بنفسك اذا ممكن؟؟

س2 انتي عرفتي رحيل ازاي وهل بتحسي انه بيتك فعلا وبترتاحي فيه؟
س3 شو رايك بالشعب الفلسطيني
س4 ايه الحاجة الي مش موجودة فيكي وتحبي تكون فيكي والعكس
سواء شكلا او معنويا

رحيل بالنسبة ليكي شو؟؟

خلاص طولت عليكي
ربنا معك
سلام عليكم

اختنا المشتاقه نورتى الصفحه بالتعارف الطيب
اختنا فتاة الاسلام هى جاء دورك

هذه اسئلتى لفتاه الاسلام


متى تشعرين بالحزن

هل انتى راضيه عن نفسك

متى تشعرين بالوحده


لو عرض عليكى شاب من النت الزواج ماذا تفعلين

ما طموحك بالحياه

ممن تخافين بعد الله

ما هو حلمك الذى لم يتحقق


ما موصفات فارس احلامك

بكفى تقله دم عليكى ههههههههه

متى تشعرين بالحزن
عندنا اكون وحيدة
هل انتى راضيه عن نفسك
احيانا
متى تشعرين بالوحده
عندما اكون حزينة
لو عرض عليكى شاب من النت الزواج ماذا تفعلين
اعمل اللي يرضي بيه الله سبحانه وتعالي
ما طموحك بالحياه
الستر واكيد مش هلاقي الستر الا برضا الله سبحانه وتعالي ثم رضا والديا
ممن تخافين بعد الله
من غدر الدنيا
ما هو حلمك الذى لم يتحقق
ان يكون لي زوج اولاد ..ولم يحقق ..ادعو بقي ليا وكل بنااااااااااات المسلمين
ما موصفات فارس احلامك
اول حاجه بجد ياريت يكون ان شاء الله بيته جنب بيتي عشان مش ابعد عن ماما..هههه
ثانيا ....ودا لازم واساسي...انه يتق الله
ثالثا..ان يكون مستواه التعليمي متوافق مع مستوايا
وان شاء الله دي تعتبر المواصفات االاساسية لاي بنت
دا انت عسل في اسئلتك بجد يا سلمي والحمد لله جاوبت بكل حاجه ومش بخبي علي رحيل اااااااااااييييييييييييي حاجه

تحدثى عن نفسك
نشاتكى
هواياتك
ميولك
حدث سعيد فى حياتك
حدث مؤلم
موقف لا تنسيه
امنياتك
وصيتك لنا ولاسرة المنتدى

اختى المشتاقة اهلا بكِ
بما انك من بلدى فلسطين حسأل شوية اسئله

اوصفى لنا الوضع فى البلد الى عايشة فيه
ما شعورك ونحن محاصرين فى غزة
ماذا تتمنين لبلدنا
ما رايك فى منتدى رحيل واعضاء رحيل
صنفى لنا مقدار حبك واحترامك للاعضاء فى رحيل
دعاء تحبين ان تدعى به
بس كفاية كدة عشان تلحقى تردى على الباقى
شكرا لك

بسم الله الرحمن الرحيم
السلام عليكم ورحمه الله وبركاته

جزاك الله كل خير علي اسئلتك الجميلة ايها الجندي وان شاء الله اجاباتي تكون واضحة وصريحة


تحدثى عن نفسك
فتاة الاسلام فتاة عادية ترجو رضا الله سبحانه وتعالي ثم رضا والديها
واحارب من اجل ان ابعد عن شر نفسي
نشاتكى
نشأت في قرية تابعة لمحافظة الدقهلية...نشأت في ظل العادات والتقاليد الاسلامية الجميلة ....في بيت عائلة ولكن الان ادعو الرحمة للجدي وجدتي
هواياتك
بجد والله اني افتح رحيل كل يوم واتابع الموضوعات فيها
ميولك
اكيد ميولي تتطبع مع البيئة اللي انا عشت فيها وان شاء الله ميولي دينية
حدث سعيد فى حياتك
يوم ما شوفت الفرحة علي وجه والدي لما عرف اني نحجت واخرجت وبتقدير الحمد لله كويس
حدث مؤلم
هو اكيد في كتير بس اكترهم يوم وفاة جدتي
موقف لا تنسيه
يوم ما قابلت دكتورة من كلية الزراعة وقعدت احكيلها عن دكتور في مادة عندنا من كلية الزراعة بس قعدت اتكلم عليه وفي الاخر طلع والدها
امنياتك
الستر ويفضل ابويا وامي راضين عني
وصيتك لنا ولاسرة المنتدى
عايزة اقولهم رحيل مش منتدي اسلامي وبس لاء
رحيل دي رسالة بنأديها وبنحتسب اجرنا عند الله
يبقي نفوم بكل جهدنا عشان نعمل الرسالة بتاعتنا

ربنا يكرمك ويبارك فيك اخي الجندي
كن لله كما يريد يكن لك فوق ما تريد

اهلا اختي فتاة الاسلام

مشكورة على ردك الجميل للاسئلة ربنا يبارك فيكي

اعتقد ان دوري انتهي
وان شاء الله اختار اللي بعدي

أحمد فيرس

وان شاء الله ابدأ اسئلتي

ا1- ان شاء الله لما تتخرج هاتحاول تكمل دراسة ولا هاتفضل انك تشتغل ؟؟؟؟؟
2- عرفنا علي نفسك؟؟؟؟؟
3-ايه هي اهم طموحاتك في الحياة؟
4- لو انت عملت حاجه غلط وعايز تصصح نفسك تعمل ايه؟؟؟؟؟؟
5-عايزة منك دعاء انت بتحب تقوله وتشكر ربنا بيه؟؟؟؟؟

وجزاك ربي خير الجزاء واعانك اللهم امين علي دراستك وبارك فيك
وجعل كل اعمالك في ميزان حسناتك

احمد ازيك
علشان انت الى عليك الدور لازم اسالك ي باشا

ايه اكثر لعبه بتحبها ؟

وايه الرقم الى بتحبوا ؟

وانت ناوى تسافر ولا ناوى تشتغل ف ام الدنيا ؟

كفايا كده انا مش عارف اقول ايه بس بحب اعندك هههههههههه

جزاك الله خيرا اختى فتاة الاسلام لاختياري

و ان شاء الله هحاول اجاوب باسهاب و بكل صراحة و هحاول اتخلى عن طبيعتي في ميلي الى الغموض!

لانى و الله أحبكم جميعا في الله و اعتبركم اخوتى منذ ان دخلت هذا المنتدى المبارك

و جزاك الله خيرا اختي فتاة الاسلام و اجى تروى على اسئلتكما الجميلة و ان شاء الله اجاوب عليها بكل صراحة

و ربنا يستر من اسئلة اختى سلمى التى اتوقعها هههههههههههههههههههههه

ا1- ان شاء الله لما تتخرج هاتحاول تكمل دراسة ولا هاتفضل انك تشتغل ؟؟؟؟؟
و الله السؤال ده طالما طرحته على نفسي و هو محيرني جدا ..بصراحة انا نفسي أكمل دراسات عليا بس مش في التربوي .. نفسي أتخصص في اللغة العربية في فرع علم اللغة و بالتحديد علم الدلالة و المعاجم ..لكن في نفس الوقت عاوز أكون نفسي ..و اتمنى اولا لما اتخرج انى اعمل اعفاء من اداء الخدمة العسكرية (ده من ضمن الاهداف ههههههههه) ثم انى الاقي وظيفة في مطبعة للعمل كمراجع لغوي (حصلت هذا الصيف بفضل الله على شهادة من كلية دار العلوم جامعة القاهرة تجيز لى العمل بهذه الوظيفة) أما موضوع انى الاقي مدرسة (حكومية او خاصة) و أوفق بينها و بين الدراسة في الفرقة التالتة و الرابعة من كلية الآداب أو دار العلوم (لان الدراسات العليا في اللغة العربية تحتم على خريج التربية ذلك) فكل ده لم احسمه بعد و أتركه لظروفه وقتها .
بس كويس انك قلتي (هتحاول تكمل ) و لم تقولي (هتكمل- أو - ناوي تكمل) ..فعلا ..ان شاء الله (هحاول)!
2- عرفنا علي نفسك؟؟؟؟؟
اسمي أحمد - 20 سنة - طالب -أدرس في كلية التربية قسم لغة عربية و دراسات اسلامية (عام) - أسكن بأقصى شمال القاهرة - (مش عارف اقول ايه تانى؟ لو سالتونى هجاوب) ههههههههههههه - الكل بيشكر في خطي و بيقولوا انه نكش فراخ هههههههههههه (لكن و الله بحس انه حلو ..و اهم شئ انى بفهمه !)...على فكرة انا كل شوية بعمل تعديل و اضيف كلام جديد للتعريف بنفسي بس بجد مش عارف اتكلم في ايه بالضبط؟
ع العموم بالنسبة لتعاملاتي مع الاخرين ..مش بحب ازعل حد مني و بحاول اكون دبلوماسي كتير خاصة في المواقف اللي تضايقني و بحاول اهدي من عصبيتي (عصبي جدااااااااا) ..لكن الدبلوماسية ((المصطنعة!)) دي مش بتمنعني إني أعبر عما في نفس بكل صراحة ..كل ما تفعله هذه الدبلوماسية هي تهذيب الألفاظ ..أما المعاني فواحدة!
3-ايه هي اهم طموحاتك في الحياة؟
إني أخدم ديني و أقف أمام كل من يحاربه بقلمي (طبعا انا لسة على ادى جدا في العلم) من أصحاب الأفكار الهدامة من علمانيين و نصارى و رافضة و غيرهم(و ما أكثرهم في زماننا!)..و نفسي يكون لي قيمة في الحياة ..يعنى بعد وفاتي يكون لي أثر
و ما اكنش زى اللي اتولدوا و عاشوا ثم ماتوا و ليس لهم أى أثر... و بحاول استحضار النية في كل طموح و كل عمل وسيلة له.(و أسباب طموحاتي دى ممكن احكيها في صفحات)
4- لو انت عملت حاجه غلط وعايز تصصح نفسك تعمل ايه؟؟؟؟؟؟
بصراحة مش فاهم السؤال اوى(لان هناك الاخطاء الاجتماعية و الشخصية و العلمية و الدينية {الذنوب} و غيرها) ..لكن اى حاجة بعملها بفكر فيها قبل ما اعملها و باخد وقت فيها (الا للأسف بعض الذنوب ..أسال الله ان يغفرها لي) و ساعات بحسبها بالورقة و القلم ..لكن طبعا باقع في اخطاء كتيرة ..بردو بحاول افكر في اسبابها و دوافعها و ازاى اصحح من اخطائي.و الحمد لله انا صريح جدا مع نفسي و مش بخجل من نفسي انى اصارحها باي خطأ..و عاوز أقول إني مش سريع البديهة!( لا أتكلم الا عن فكرة و اجتهاد و خلوة ) كما يقول الجاحظ .
أحيانا بكون بكلم حد او بجادله و احس ان من توفيق ربنا انى قلت كذا وقتها لكن أحسن رد لي هو اللي بأتأنى فيه مهما كان سؤاله صعب (خاصة في جدال بعض الدكاترة او غيرهم من النت {منتديات - ياهو - بالتوك})
5-عايزة منك دعاء انت بتحب تقوله وتشكر ربنا بيه؟؟؟؟؟

اللي بحب أشكر ربنا بيه هو (اللهم لك الحمد حمدا كثيرا طيبا مباركا فيه كما تحب يا رب و ترضى)
و اللي بحب أقوله كتير هو (اللهم آتنا في الدنيا حسنة و في الآخرة حسنة و قنا عذاب النار).
__________________________
و جزاك الله خيرا أختي فتاة الاسلام على هذه الاسئلة الجميلة و ارجو ان لو في اى تعليق على اى اجابة منى او اى اسئلة تانى او اى استفهام ..فانا ارحب بذلك.
و بارك الله فيك.
_________________________
إضافة من عندي : لم أحب اللغة العربية حقيقة أو أفكر أن أدرسها و أتخصص فيها في الجامعة إلا في الفصل الدراسي الثاني من الصف الثالث الثانوي ! (كنت أدرس كيمياء في 2 ث و كنت أنوي دخول كلية علمية)!
و لمّا جاء التنسيق اخترت تربية ثم آداب ثم دار علوم ..و لم أختر اقتصاد و علوم سياسية او ألسن (كما يفعل الكثير)
و لما دخلت كلية التربية - في التنسيق الداخلي - اخترت اللغة العربية ثم التاريخ ..و لم أختر الانجليزية كما يفعل الكثيرون.(رغم معارضة الجميع لي في هذا القرار)..و الحمد لله لو خيرت الآن بين أي دراسة اخرى و اللغة العربية فسأختار اللغة العربية ..مهما كان أهل زماننا يعظمون هذه الدراسة الأخرى!
و الحمد لله مرتاح جدا لهذا القرار و أحمد الله عليه لانى وقت اتخاذه ما كنت أعرف أهمية دراسة اللغة العربية كما أعرف الآن..
و معلش طولت عليكم برغيي هههههههههههههههههههه

ايه اكثر لعبه بتحبها ؟
كرة القدم بس بقالي فترة كبيرة ما لعبتش كورة (آخر مرة لعبت كورة كان من شهور مع زملائي و طلاب الاعدادى في التربية العملية..طريقة لعبي تشبه طريقة لعب محمد بركات .. ربما لصغر حجم جسمي مثله!
وايه الرقم الى بتحبوا ؟
1
وانت ناوى تسافر ولا ناوى تشتغل ف ام الدنيا ؟
و الله لو الاقي شغل برة احسن من هنا فياريت
طبعا انت عارف ان المعلم (المدرس) في بلدنا دى ملوش قيمة .
صحيح في بلاد الخليج بيعاملوا المدرسين المصريين - كما يحكى لي - باحتقار
و كما قال لي جاري المدرس الذي يعمل حاليا بالمملكة العربية السعودية أن الطلبة قالوا له (انت بتشتغل عندنا بفلوسنا)!
لكن الدولة هناك بتعوضهم ماديا (طبعا عشان يشتروا علاج للضغط و السكر اللي بيجيلهم من سوء معاملة الكفيل ثم المدير ثم الطلبة)!
و الحمد لله جاري رجع في زيارة و جايب لوالده عربية مرسيدس اخر موديل
لكن بصراحة احسن ناس بيتكرموا هناك (ماديا و معنويا) هما أساتذة الجامعة .. فربنا يسهل و يرزقنا .
السنة دي خدت الكويت من مصر أساتذة لغة عربية(رتبة أستاذ دكتور) في شتى التخصصات براتب 60000 جنيه شهريا!

بردو انا مش حاطط في دماغي مهنة التدريس بس ..
أتمنى اشتغل في اي وظيفة متعلقة باللغة العربية و الكتب و التراث..
_________________________
و جزاك الله خيرا أخي تروي على أسئلتك الجميلة
** عرفت مؤخرا - قدرا - أن تروي اسم مدينة فرنسية ! يعني زي باريس مثلا هههههههههههه
***و عاوز أصحح معلومة كنت قلتها في المشاركة قبل الماضية لما قلت (انى بعتبركم اخواتي)
ده مش صح .. لانكم اخواتي فعلا .

بجد بجد بجد
انت كلامك فوق الوصف
ايه يا عم الكلام الجامد موت ده
عارف انا لو بعرف اقول ربع الكلام ده كنت علقت نوص بنات مصر
هههههههههههههههههههههههههههههههههه
بس يا ولداه موصلتش للدرجادى

جزاك الله كل خير علي الاجابة
بس طالما انت حاطط لنفسك اهداف اللي قولتلها بجد ياريت تكمل في الدراسة دا هايكون حافذ ليك انك تتعمق في اللغة ودا برده هايرفع من قيمتك اللغوية
ربنا يعينك ويوفئك

جزاك الله خيرا أخي تروي

و جزاك الله خيرا أختي فتاة الاسلام على نصائحك الغالية اللى اتمنى انفذها و الله


و بارك الله فيكم .. و أدام المعروف و المودة بيننا جميعا - أسرة رحيل - و وفقنا الله تعالى لما يحبه و يرضاه.

جزاكم الله كل خير
مشكور اخي احمد على الاجابات الكاملة

انا رح اسال كم سؤال

ايه رايك بالشعب الفلسطيني وكيف بتنظر للفلسطين بالنسبة لحماس وفتح

توضح لي من خلال مساهمتك انك مدرس كيف مهنة التدريس اكيد متعبة بس شعورك وانت بدرس ؟؟
وبتنصح الاعضاء الي نفسهم يصيروا مدرسين يدخلوها ولا لا
؟
شو رايك برحيل

بكفي بارك الله فيك