يلا سجل حالتك النفسية ..فكرة جديدة..يلا شاركونىىىىىىىىىىىى

اهلا بيكى حبيبتى هدير نورتى صفحتنا وبيتنا رحيل ويارب يطمنك على اخوكى ويعجبك بيتنا الصغير الجميل رحيل

وانت يا تروى ربنا يسعدك ويفك اسر النملة الغلبانة دى ويهديك وييسرلك امورك يارب

اما انا النهاردة فرحانة اوى بعودتى لرحيل اللى لما بغيب عنه روحى والله بتروح منى وربنا يخليكم ليا ويباركلى فيكم وفرحيل يارب

انا جيييييييييييييييييييييييييت
السلام عليكم ازيكم انهرضا يوم جديد يوم السبت
لحد دلوقتى اليوم طبيعى خالص بس هخرج بليل بقى وى الحياه هتبقا كول

السلام عليكم ورحمة الله وبركاته
انا بقالى كتير فى المنتدى بس اول مره اشترك فى هذا الموضوع
بارك الله فيكم جميعا
النهارده يوم السبت اليوم جميل الحمد لله وانا مستقره نفسيا جدا
يارب لك الحمد كما ينبغى لجلال وجهك وعظيم سلطانك
وجزاكم الله خيرا

السلام عليكم ورحمة الله وبركاتة
وحشتونى اوى اوى اوى اوى اوى
ليا فترة طويلة مش دخلت على الصفحة دى بالرغم من انى كل يوم اقول هدخل واتكلم معاكم بس بنشغل
ازيكم جميعا عاملين اية
بجد انا حابة انى اطمن عليكم كلكم اللى فى دراستة واللى فى عملة وبيتة كلكم كلكم اخواتى واخوانى
حمدلله على سلامة اخى ابو ملك اللهم يا سامع الدعاء سدد دين اخى وكل المسلمين وردهم لبيوتهم واجمعهم مع اهلهم فى اطيب حال يا رب
اختى هدير احبك فالله يا ري تقبل دعائى بان يرجع اخوكى اليكم بالسلامة وتطمئنو علية ويصلح لكى الحال اللهم آمين
عصفو الجنة وحشتينى يا رب ديما تكونى فى احسن حال فجر الاسلام بدعى ربى انك تكونى دائما فجر ليوم جديد ملىء بالامل والاشراقةوتنعمى يا رب بالاستقرار النفسى
اخى تروووووىربنا يهديك ويصلح لك شئنك كلة ويبعدك عن السجاير اللهم آمين رجاء ان تبتعد عنها لمرضاة الله مش لاى سبب تانى وتعامل دائما مع الاشياء بانك تعامل الله وتسعى لرضاة وقتها هتبقى كل حاجة سهلة ان شاء الله وتكون ((كوووووووووول يا عم))اتفقنا
حبيبة قلبى قلبى الطيب وحشتينى فالمنتدى فانتى دائما معى اما فالمنتدى حاجة تانى انتى بجد بتنورى المنتى وبيكى بتكون لية روح جميلة اللهم اجمعنا فالفردوس الاعلى
اسئلكم الدعاء لى ولاولادى بالصلاح والهداية
اخى ابو ملك ارجوك متنساناش فى الدعاء فى بيت الله الحرام
اشوفكم جميعا فى احسن حال يا رب
غدا ان شاء الله نتقابل

انا بجد فرحااااااااااااااااااانه اووووووووي ان الصفحة رجعت تاني
كنت دايما اكتب واستني ان حد يفتحها بس فين وفين لما الاقي حد يفتح
ورجعت نورت تاني لما جي جي جت
وكمان لما اخونا الطيب ابو ملك رجع تاني بالصورة الجميلة للملك العسل
ويارب يطمنا علي الامل ؟؟؟؟؟؟؟؟؟؟ وعامله ايه واخبارها ايه؟؟؟؟؟؟؟
وربنا يطمنا علي سلمي
وهي مسافرة يا عصفورة الجنة وان شاء الله هاتغيب لفترة وهاتجي تاني ان شاء الله
السبت
الساعة9:25
التاريخ:1\11

انهرضا الاحد
زى الزفت يوم كلوا اكتئاب وخناق مع الناس

بس بردوا ولا يهمنى طنش تعيش تاكل ارائيش

اولا السلام عليكم ورحمه الله وبركاته

تروي مش تقول كدا علي اي يوم لان الله سبحانه وتعالي قال لا تسبوا الدهر فانا الدهر..

قول الحمد لله وقدر الله وما شاء فعل

اليوم يعتبر الاتنين
وان شاء الله يا جماعة صيام الاتنين والخميس سنة عن سيدنا محمد(ص) احب ان ترفع اعمالي الي الله وانا صايم.......ياريت نصوم ونحتسب الاجر

التاريخ 3\11
الساعة1:05

حالتي النفسية بتكون ساعات مستقرة وساعات مش مستقرة
واكيد عارفه الاسباب وان شاء الله اتغلب عليها ودا اكيد ان شاء الله بتوكلي علي الله...واذا استعنت فاستعن بالله

السلام عليكم ورحمه الله وبركاته
اهلا وسهلا بيكم اخوتى فى الله اهلا بيكم جميعا منورين الصفحه اتمنى ان تكونوا دائما بخير
اهلا بعودتك اختى جى جى ونورت الصفحه الجميله وكل الاصدقاء تروووووى اهلا بك ولكن اعتب عليك فى اسلوبك
وسامحنى على كلماتى ولكنى اقول لك شئ مهم جدا جداجداجداجداجدا
فى عهد الصحابه كانوا عندما يتحدثون يختارون انقى واشهى الكلام كما ينقون اشهى الطعام
اتمنى ان تستوعب هذا الكلام جيدا
وكما قالت اختنا قتاة الاسلام جزاها الله خير
قال تعالى ( لاتسبوا الدهر فان الدهر ؟؟؟؟؟؟؟؟)

فجميع ايام الله كويسه والحمد لله نحن من نسئ لها سامحنى فى التعبير ولا تؤاخذنى فى كلامى وانت اخى الصغير
اما بخصوص اختى الجميله الصغيره الامل فهى الان مدرسه فادعوا لها ان يديم عليها السعاده وهى بتسلم عليكم كتيييييييييييييييييييييييييييييييييييييييييييييييييييييييييييييير
اما انا فالحمد لله امه جمعنى بصحبه رحيل الخير والحمد لله على ما انا فيه وشكرا لكم واعزرونى

انا جييييييييييييييييييييييييييييييييييييييييييييييييييييييييييييييييييييييييييييييييييييييييييت

المفروض يعنى انهرضا انى مخنوق لحد الساعه 5 زى الساعه 6 كنت فرحان جدا انهرضا يوم الاثنين

اصل لثانى مرا اعمل تصميم كارت وينطبع كارت طبعا الشخصى بتاع المحلات وكده الى هما بيكونوا
نونو دول

النهاردة بقى من الصبح وانا عاوزة ادخل المنتدى بس للاسف الجهاز متفيرس ومش كان عاوز يفتح لحد ما عملنالو شوية اسعافات
لحد ما الحمد لله فتح
بجد البعد عن رحيل صعب اوى وصدقونى انا مش بلاقى نفسى غير معاكم ربنا يجمعنى بيكم فالدنيا والاخرة اللهم آمين
اراكم جميعا على خير ان شاء الله

انا جييييييييييييييييييييييييييييييييييييييييييييييييييييييييييييييت

حالتى النفسيه انهرضا كويسه كنت فى صيدله طنطا وبجد كان اليوم جامد موووووت

والله اخى ابو ملك موضوع ان الاعضاءكتير وبيدخلوا احيانا يتصفحوا من غير ما يضعوا مشاركات انا كنت لسة بطرحه امبارح فالمنتدى العام وياريت كل المشتركين فى رحيل يمروا ويقروا ويكفى انهم يدعولنا بظهر الغيب وهو ده بينى وبينك هدفنا الحقيقى وليس عدد المشاركات وانا شخصيا يهمنى جدا وهدفى الاساسى ان كل الناس تستفيد وتقرا موضوعاتنا ويكون رحيل شعاع امل وملتقى للخيرات فعلااااااااا وانا وانت والجندى ونوفو ووووووووووكل الاعضاء النشطين مش مقصرين فى الموضوعات ولا فالمرور ولا فى دعوة اعضاء جدد للمنتدى كلنا بجد عاوزين رحيل احلى منتدى وصدقنى اى حد بينضم لرحيل بيقول انه اتعلق بيه جدا وبروح الاسرة وبروح المحبة اللى بينا ودى نعمة من عند ربنا انا بدخل منتديات الاعضاء فيها بالالوفات بس والله ولا حد عارف حد ولا حاسس بحد مولد وصاحبه غايب وبحس انى تايهة من كترة الناس والاقسام والموضوعات انما رحيل متميز بانه بيت بجد كل حد فيه بيحب التانى وبيحبله الخير ونحمد ربنا على النعمة دى

ربنا يجمعنا فالدنيا وفى الاخرة على محبته

وجزاك الله عنا كل خير اخى ابو ملك على انشغالك الدائم واهتمامك بامور بيتنا الجميل رحيل

وبدعيلك من قلبى ربنا يجمعك باسرتك الجميلة ونشوف ملك وما تغيبشى ابدا عن عنيك ولا لحظة وتفرح بيها وتشوفها عروسة ...لابنى المهندس عبد الرحمن ..ان شاء الله ..واوعا ترجع فى كلامك ههههههههه

ربنا يباركلك فيها يارب

وانا بشكرك جدا اختى الطيبه يمكن انا اقل الاعضاء مساهمه بس بحس انى موجود وفيه ناس بتسال عليا بس فى رحيل واتمنى من جميع الاعضاء ولو المشاركه فقط لا غير
انا ما برجع فى كلامى ابدا سلامى للاولاد جميعا ولزجك الغالى لكم منى كل الودوالتحيه

انا مش عارفة اكتب ااول اية بس حسيت انى عاوزة اتكلم مع حد ومش لقيت غير رحيل هى اللى ممكن تسمعنى وتحسنى
تعبانة قلقة خايفة مخنوقة مشاعر واحاسيس كتييييير صعبة حساة وعيشاها فاللحظة دى
الناس بتقول الدموع بتريح وانا دموعى كترت اوى ومش لقيت راحة
كتبت واتكلمت وشكيت وبكيت لحد ما وصلت لباب الدعاء
رحيل
يا كل اعضاء رحيل امانة عليكم تدعولى
متعرفوش انا محتاجة دعاكم دة اد اية
يا اعضاء اسرتى الغالية اخلصو النية فالدعاء ان ربنا العلى القدير بفرج كربى ويزيل همى

ربنا يفك كربتك ويزيح عنك الهم والغم والقساويسعدك ويهديلك زوجك واولادك ويباركلك فيهم يارب يا حبيبتى الغالية جىجى

اللهم فك كربنا اللهم امين
كلنا فى ااشدحاجه الى الدعاء

الحمد لله رب العالمين الحالة في اتجاة الاستقرار
وبجد وحشتني صفحة الفضفضة واتكلم مع اعضاء رحيل اللي دايما منورين صفحة القلب الطيب

وبعدين يا ابو ملك مش مهم عدد المسامهات قد ايه........المهم انك موجود بينا ودايما موجود بتعليقاتك اللي مش نقدر نستغني عنها

يارب يارب تستجيب لجي جي وتفك كربتها ويهديكي وكل المسلمين
ربنا يكرمك قلبي الطيب اللي مجمعانا داااااااااااااااااااااايما

يارب اللهم اننا تجمعنا علي طاعتك ومحبتك يوم لاظل الا ظلك

بارك الله لى فيكم اخواتى ودام دعائكم لى

ويكرمكم جميعا يا اسرة رحيل

دائما متجمعين فالخير وعلى حب الله ورسوله

متحابين مخلصين فى دعائكم لاخوانكم

اللهم اجمعنا فى جنتك يارب العالمين

ربنا يوفقك يا رب فى اى مكان
وزى ما قلت احنا اسرة واحدة يعنى مهما بعدت او مش دخلت المنتدى مش ينفع ابدا ننسى اخ لنا فى اسرتنا
واللى يجمعهم ربنا مينفعش ابدا يتفرقو مهما بعدو او تغيبو
المهم انك لازم تحاول تدخل ولو مرة واحدة فالشهر تطمنا عليك وعلى بنت رحيل الامورة ملك
دعائنا ليك ان يوفقك الله الى ما يحبة ويرضاة وان نلتقى على كل خير ان شاء الله
فى رعاية الله اخى