يلا سجل حالتك النفسية ..فكرة جديدة..يلا شاركونىىىىىىىىىىىى

الحمد لله على كل حال

يلا سجل حالتك النفسية ..فكرة جديدة..يلا شاركونىىىىىىىىىىىى - صفحة 3 9

اليوم الاربعاء 30/7

الساعة 6:23 عصرا

وحشتوني جدا كلكم

حمد لله على سلامتك يا نوفو المنتدى كله كان زعلان انك مش موجود بس الحمد لله

جي جي حبيبتي انا بادعيلك على طول انتي وكل اخوتي

اهلا بيكي يا سلسبيل انتي نورتينا بجد

اما اخبار ابو ملك فعندي انا

هو الحقيقة اخد اجازة صغيرة علشان ينزل مصر ويشوف ملك ومامتها وهو حاليا في الطريق

ربنا يوصله بالسلامة

ادعولي يا اخواني الدكاترة في الجامعة ناويين يموتونا من الرعب على النتيجة

انا بصراحة مرعوبة ودماغي مش فيا وخايفة جدا ربنا يستر

يلا سجل حالتك النفسية ..فكرة جديدة..يلا شاركونىىىىىىىىىىىى - صفحة 3 16

يلا سجل حالتك النفسية ..فكرة جديدة..يلا شاركونىىىىىىىىىىىى - صفحة 3 16

السلام عليكم اخواني الاعزاء

اليوم السبت 2/8

الساعة 12 مساء

وحشتوني جدا بس زعلانة منكم

من يومين من اخر مرة سجلت فيها محدش دخل ليه؟؟؟؟؟؟

مش المفروض ان يكون في تواصل دائم على الصفحة دي

فين التواصل دا ؟؟؟؟؟؟

على العموم انا احب اقولكم اني نجحت والحمد لله ويعتبر خلصت كلية بس ناوية اكمل دراسة ان شاء الله

وكمان في حاجة مهمة جدا لازم اقولها

وهي ان في شخص عزيز علينا كلنا باعت لكل الاعضاء في المنتدى السلام

العضو دا هو محمد السعيد ابو ملك

هو دلوقتي في مصر نزل يشوف البنوتة

ياريت يا اخواني مينقطعش التواصل

في رعاية الله

حبيبتى الامل انتى وحشتينا اكتر والف الف مبروك على النجاح

اما الصفحة فهية بجد مفتقداكم جدا انتى واخونا ابو ملك واختنا جىجى وبوسىى

كلكم كدة حصلتلكم ظروف وسيبتونى لوحدى

بس ان شاء الله كل الامور تتحسن وربنا يجمع شملنا هنا تانىىىىىىىىىىى عن قريب

اما اخونا محمد السعيد فهو منور مصر ويارب يكون اطمن على ملك القمر واخونا الجندى المصرى طمنا عليه وقال

انه شافه فى صلاة العشا ربنا يجمعنا واياكم فى جنة الفردوس الاعلى يارب

دمتى بخير سا امل المنتدى ومبروك النجاح يا حبيبة قلبىىىى

الأحد 3/8/2008 اليوم انا سعيد بتسجيلي في هذا المنتدي

ولكن هناك حزن أكثر نتيجة احتمال ضياع التخصص الذي تمنيته منذ بداية الدراسة

وذلك لتعنت بعض المسؤلين

دى اروع فكرة اطرحت فى المنتدى بس للاسف شفتها متاخر

اشكرك اختى القلب الطيب لطرحك واشكرك اختى جى جى على سؤالك الغالى فعلا بحس ودا مش مجرد احساس انى بين اخواتى وان لم اراهم بعينى ولكن قلبى يعرفهم جميعا

اليوم الاحد الساعة 9 مساء 3 /8
مضى اسبوع من الالم على فراق اعز انسانة عندى فى الوجود حبيبة قلبى واقولها غصب عنى لانها تزوجت يوم الاحد الماضى وكنت فى حالة نفسية سيئة جدا ولكن كل شىء يولد صغيرا ويكبر الا الحزن

انا بين اخوانى وانتم اول من اعترفت له بسرى بعد امى وكنت اريد ان اكتب لها تهئنة فى المنتدى ولكن قلبى لم يطاوعنى

اما الان وان كنت لم انساها لحظة ولكن لابد ان انحنى امام ارادة الله ولانها اصبحت لا تحل لى وفقها الله فى حياتها الجديدة

مشكورين اخوانى جميعا فى المنتدى على اهتمامكم باخوانكم فى المنتدى

نمت غلط امبارح ورقبتى مشنكله اوى ومشنكله معاها نفسيتى حد يفك نفسيتى ...........ههههههههههههه

السلام عليكم
انا بعتذر عن غيابى الفترة السابقة
بس دة كان لظروف والله غصب عنى
وحشتونى كلكم جدا
وحشنى وجودى معاكم وبينكم وحشتنى موضوعات منتدانا
سلامى ليكم جميعا

السلام عليكم اخباركم ايه يا طيبين كلكم وحشتونى والله وخاصة جىجى حبيبتى نورت النهاردة المنتدى بوجودها وللاسف معرفتش اكلمها لضعف النت عندها بس ان شاء الله اطمن عليها وعلى اولادها حبايبى ربنا يباركلها فيهم وييسرلها امورها اللهم امين

اما اخونا الشهاب فبقوله انت فعلا نورت صفحتنا اللى اتعودنا نتجمع كلنا فيها ونتابع اخبار بعض واكيد دايما نسمع اخبارك ونشوف موضوعاتك الجميلة ولا تغيب عننا ابدا يا طيب

اخونا نوفو مخاصم صفحتنا ليه يارب نطمن دايما على اخبارك

اما اخونا الجندى المصرى سلامتك يا طيب وسلامة رقابتك ويارب تكون اتفكت شنكلة نفسيتك ربنا يشفيك ويعافيك اخى

اختى الجميلى الامل منورنا بموضوعاتها الحلوة وبوسى بتقولك الف مبروك عالنجاح وسلميلنا على اخونا ابو ملك وبوسيى ملك القمر عقبال ما نفرح بيكى يا طيبة وبذريتك الصالحة يارب

عاوزة اقلكم كلكم كل سنة وانتم طيبين فاضل 25 يوم على رمضان والايام الحلوة على الابواب وعلى فكرة انا صايمة النهاردة ربنا يعينا كلنا على امور دنيانا وديننا اللهم امين

اختى سلسبيل الجنة وكمان عصفورة الجنة وحشتونى كتير ابقوا طمنونا عليكم هنا ربنا يوفق الجميع ان شاء الله

يلا اشوفكم على خير وبحبكم كلكم فى الله

السلام عليكم ورحمة الله وبركاته
جزاك الله خير اختي القلب الطيب على سؤالك
النهارده الثلاثاء الساعه 5030
الحاله النفسيه : متغاظه ومخنوقه علشان الكمبيوتر عطلان من يومين وكل شويه يهنج
وموش راضي ينزل antivirus
ادعوله ربنا يهديه ويروق

بسم الله الرحمن الرحيم

أزيكو وحشتونى أوى انا اسفه لانى

كنت متغيبه على المنتدى من يومين

لانى كنت مشغوله فى خطوبة خالتى

على فكرة خالتى صغيرة فى السن

وشكرا على سؤال أختى القلب الطيب

والف سلامه على أخى الجندى المصرى

انا بحبكم اوى كلكم ونفسى منتدى رحيل يكون احلى منتدى فى كل المنتديات بحس وانا ومعاكم بدفا الاسرة اللى محرومة منها اوى

ربنا يبارك فيكم جميعا ونكون كلنا اسرة واحدة فعلا ونتجمع دايما ونفضفض عن كل اللى جوانا وبنحلم بيه

اختكم الحلم الجميل

بصبح عليكم كلكم واهديكم احبائى افراد اسرتى اجمل وارق باقة زهور
حالتى النهاردة الحمد لله افضل وكتير انا متفآئلة
جوايا احساس قوى بالبهجة وبدعيلكم جميعا بان تسعدو وتنالو كل ما تتمنوة يا رب
النهاردة ان شاء الله هنبداء معرض خيرى متنقل ودة هيكون طول شهر 8
اجمل حاجة انك تحس انك بتعمل حاجة لله
وان ربنا بيوفقك فيها دة معناة ان ان شاء الله عملك مقبول ومن هنا انا بشكر كل المجموعة اللى معايا والصراحة هما بيتعبو جامد لنجاح الفكرة
انا كنت كلمتكم ابل كدة عن المشروع بتاع اعادة المتسربين من التعليم للمدارس واقامة مشروعات لاهاليهم وكانت فكرة المعرض الخيرى احدى الافكار الناجحة لدعم المشروع
انا كتير بكون سعيدة وانا بتكلم عن المشروع وعن المعارض اللى قمنا بيها وحبيت بس اعرفكم لانكم اسرتى الغالية
يا ريت تدعو للمشروع بالنجاح وان يوفقنا الله دائما فى كل الافكار يا رب لدعم المشروع
وقولو معى
اللهم استخدمنا ولا تستبدلنا

اليوم الخميس 7 / 8
الساعة 3 / 30 ظهرا

انا حاسس النهاردة انه بداية جديدة لحياتى
ناوى اغير روتين حياتى ككل
اغير تفكيرى ناحية امور معينة
والاهم انسى الماضى تماما
قرات فى هذه الصفحة كلام اعيش فيه مثل كاتبه واعانى منه كما يعانى
لنكن معا نتغير معا نبدا معا

ادعى لاختى جى جى ربنا يوفقها فى مشروعها

ادعيلكم كلكم

اهلا بيكم يا احلى اخواة واخوات فى احلى منتدى فعلا هو رحيل

ولو انى النهاردة حالتى النفسية سيئة جدا لانى بجد اتصدمت جدا فى حد كنت بثق فيه وبحترمه جدا وطلعت مغفلة ومضحوك عليا جدا

لكن ده نصيبى دايما بيحصل معايا كدة ودى مش اول مرة لكن جزاكى عند ربنا كبير ان شاء الله وهو ربنا يسهله اموره

بس انا مش ندمانة لانه ادانى درس كبير جدا فى الحياة ربنا يسامحه

سامحونى لانى بفضفض معاكم وبشيلكم همى لكن من وقت للتانى بحب اكون بينكم ارمى همومى عليكم ووالله برتاح جدا جدا

وحعمل زيك اخويا الشهاب وابدء من جديد واعيد ترتيب اوراقى وافكر كويس قبل ما اثق فى اى حد

جزاكم ربنا عنى كل خير ولا تنسونى من دعائكم

اختكم الحلم الجميل

اليوم الجمعة الموافق السابع من شعبان عام 1429 هـ الساعة 5:10 مساءا

وحشني رحيل و وحشني كل أعضاءة و موضوعاتهم معلش إنشغلت عنكم اليومين الماضيين بس كنت مشغول شويا
المهم إني مبسوط إني رجعلتلكم تاني
و يا رب يجمعني بيكم في جنة الفردوس

اهلا بعودتك من جديد اخونا المحترم نوفو والله كل ما تغيب نقلق كلنا عليك ولما بترجع المنتدى فعلا بينور وبكون كل مرة عاوزين نعملك ترحيب واحتفال من جديد ربى يديم علينا الاخوة والمحبة لوجه الله تعالى

وفينك اخونا الجندى المصرى لعل المانع خير من غيابك عن رحيل

واختنا الامل وحشتينا جداااااااااا وكمان ابو ملك القاعدة مع ملك والاسرة نسيتك رحي واخواتك اللى فى رحيل ؟ ربنا يسعدك ويطمنك على اسرتك وتفرح بملك يارب

اما اختى الطيبة جىجى فانا بدعيلها فى كل صلاة بتيسير امورها اللهم امين

اهلا بكم جميعا الحلم الجميل عصفورة وسلسبيل واخونا الشهاب نورتوا الصفحة ونورتوا رحيل بجد كلكم

انى احبكم فالله

السلام عليكم اخواني واخواتي العزاء

اليوم7/8

الساعة 10:00 مساء

وحشتوني جدا جدا

انا باعتذر عن تغيبي طول الفترة اللي فاتت دي لان كان عندنا ضيوف وكان لازم نبقى معاهم

ومكنش في وقت خالص بالاضافة لان النت كان فاصل

المهم اني رجعت وان شاء الله مأغبش تاني لاني بجد بحب المنتدى واخواني اللي في المنتدى

ربنا يوفقك يا جي جي في مشروعك لان اهم حاجة ان يكون للانسان هدف في الدنيا

يا ريت متنسوش دعواتكم لاختي ان ربنا يكرمها ويرزقها بالطفل اللي بتتمناه

اترككم في رعاية الله

اللهم ارزقها بالذرية الصالحة واعطها ما تتمنى
حبيبتى الامل ربنا ان شاء الله سيرزقها بالولد طول ما الدعاء موجود فلتكن مؤمنة بالاجابة ان شاء الله
اخوانى واخواتى الدعاء هوة السحر المباح
حمدلله على سلامة اخونا نوفو نورت المنتدى تانى بمواضيعك الشيقة
اختى الحلم الجميل ثقى ان الطيبين موجودين ولكن ولكن تريسى دائما فى علاقاتك وتخيرى الافضل وان شاء الله تكونى موفقة
حبيبتى القلب الطيب النت عندى وحش اوى ومش عارفة اكلمك طمنينى عنك وعن الاولاديارب تكونو بخير وسعادة اللهم آمين
لكل اعضاء المنتدى علشان منساش حد فينكم وفين اسهاماتكم الرائعة فين نشاطكم؟
بتمنى انكم ترجعو تانى ومش تغيبو علينا
طمنونا عليكم
اما عنى انا فالحمد لله البرد تاعبنى جدا اللهم اشفى مرضى المسلمين اجمعين اللهم آمين
ادعولى ان النت يتظبط شوية النهاردة بجد عاوزة اكون على المنتدى لفترة طويلة عندى كام موضوع نفسى انقلهم لكم ومش مساعدنى النت خالص
نتقابل بكرة ان شاء الله

السلام عليكم ورحمه الله وبركاته
اخوتى فى الله السلام عليكم ورحمه الله وبركاته

سعيد جدا بعودتى اليكم ولكن سامحونى لعدم تواجدى معكم الفتره الماضيه وذلك لعودتى الى بلدى الحبيب مصر وكذلك الى اسرتى الثانيه رحيل

اما سعادتى اليوم فلا تفوق اى شى بوجودى معكم ودائما معكم

وان شاء الله ساظل معكم

اهلا اهلا بابو ملك الطيب
نورت المنتدى بوجودك بين اسرتك التانية رحيل
دعائنا لك بأن تسعد بالاجازة مع بنوتك الامورة ملك ومامتها الطيبة

[center][b]السلام عليكم ورحمه لله وبركاته
اخوتى فى الله وحشتوووووووووووووووووووووووووونى كثيرا جدا
واشتقت لكم اكثر واكثر ولكن سامحونى لعدم مشاركتى هذه الايام ولكن دائما اخباركم متواجده معى دائما وسعادتى لا تفوق الوصف بتواجدى معكم ولان الكمبيوتر بتاعى كان عطلان ولان ست ملك هانم مبعرفش انام منها ولكن كل هذا يهون علشان خاطر عيونها
الحمد لله على عودتى لارض الاوطن بسلام وسعادتى اكتملت بتواجدى وسط افراد اسرتى رحيل التى دائما تاتى بكل يوم بفرد جديد وسعادتى اكثر بسؤالكم على وعلى اخوتى الاعضاء المتواجدين احسست اننى غائب عن اشياء كثيره وهم الاهل والاحبة لاننى احبكم فى الله مع العلم ان العين لا تراكم ولكن القلب رسم لكل فرد صوره فى خيالى بموضواعاته ومشاركاته فكل موضوع يدل عن صاحبه ونعم الاهل والصحبه انتم
الف الف الف مليون مبروك اختى بوسى المجاهده الصغيره وان شاء الله المزيد والمزيد من النجاح الدائم ى الحياه العمليه والمعمليه ولا تنسى اخوكى من حلاوه النجاح فالف الف مليون مبروك وشكرا على سؤالك
اختى الامل مليــــون مبروك يا جميل على نجاحك وعقبال يارب اشوفك احسن واحده فى الدنيا وكمان اشوفك على كرسى كبير ولابسه ابيض فى ابيض وقاعد جنبك واحد صحبى
اختى القلب الطيب شكرا على سؤالك واتمنى ان تكون اختك وضعت مولودها الجديد واتمنى ان تكون افراد الاسره بخير وسلام فسلامى لبودى وشمس وقمر ونجوم وكواكب وجميع الكواكب الى عندك اخى الجندى المصرى الف سلامه على رقبتك ونفسيتك بس انا شايفك 100\100الف مليون سلامه
اخى نوفو اهلا بعودتك الى صفحات رحيل ونتمنى لك السلامه فى كل مكان
اختى جى جى لا تثقى فى احد كل الثقه واعرفى ماذا يريد ولا تغضبى ابدا من اى شئ وتذكرى دائما ان الحياه ماهى الا حقل تجارب نختبر به انفسنا وانت تعلمتى الكثير فلنحاول ان نصحح اخطائنا ولنبحث عن ما يفيدنا ونستفلاد منه وفقك الله لما يحبه ويرضاه
اخى الشهاب كل شاب منا مر بهذه التجربه ولكنى اقول لك ان دائما ستجد ان الامور خيرا لك كثيرا ولعل الله كتب لك السعاده مع انسانه اخرى وصدقنى ابحث عنها فى كل مكان وستجد ان اختيارك الاول كان خطا واختيارك الثانى هو الصواب ولكن كن جديد وانسى الذكريات واقلب هذه الصفحه وابدا بصفحه جديده وصدقنى ستنسى كل شئ ولكن بمرور الوقت لا تقول ان حياتك انتهت هنا ولكن تمنا لها السعاده لان من ذاق قلبه الحب لا يعرف معنى الكره فتمنى لها السعاده وابدا انت من ى جيد وستجد الافضل ان شاء الله
اختى عصفوره الجنه!!!!!!!
الحياه ماهى الا حقل تجارب نختار منها الصالح ونترك الفاسد ولكن لا بد وان نتعلم من اخطائنا ونصححها فاتمنى لكى ذلك ولكن لا نغضب ونياس ونترك الحزن يسيطر علينا كليا ولكن نتعلم ونصمد امام اى شى والحياه لن تتوقف الى هذه الدرجه فا شاء الله ستجدى من يطرق باب قلبك ويملئ عليك السعاده ويكون خير الزوج الصالح للزوجه الصالحه ولا نريد ان نسمع او نرى دموعك تنهار فالحياه لا تساوى دمعه حزن ابدا اتمنى لك حياه سعيده والف مليون مبروك لخالتك وعقبالك ان شاء الله

الى كل افراد اسرتى الحبيبه اسرتى رحيل والى كل فرد فيها لعدم النسيان الى كل فرد فيها اتمنى من الله ان يوفقك ويرعاكم الى مافيه خير وان يديم علينا الحب والصداقه وا ن يجمعنا سويا فى جنه الخلد اتمنى لكم اسعد وامتع الاوقات تقضونها فى طاعه الله والحمد لله على عودتى لكم بالسلامه وجزاكم الله خير
والسلام عليكم ورحمه الله وبركاته

[/b][/center]

السلام عليكم جميعااااااااااا

اد ايه انا فرحانة النهاردة بوجود اخونا الطيب ابو ملك بينا من تانى واسمه هو وملك رجعوا ينوروا صفحات رحيل

بتمنا لك ولاسرتك الجميلة اجازة سعيدة وفعلاااااا نورت مصر يا طيب

اما اختى الحبوبة جى جى فانا واسرتى بخير والحمد لله ولكن النت عندك بيتظبط فالوقت االى انا بكون فيه مشغولة جداااا

ولما برجع وادخل تانى مش بلاقيكى موجودة ربنا يجمعنا على خير ونتقابل ونتطمن على اخبار بعض سلامى ليكى حبيبتى

ولاولادك وكمان سلامى لكل فرد فى اسرة رحيل

بحبكم فى الله

بسم الله الرحمن الرحيم

اخواني واخواتي الاعزاء

اولا ومن غير زعل لازم ابدأ باخي ابو ملك وارحب بعودته للمنتدى لان المنتدى من غيره كان مضلم جدا وشكرا ليك على دعوتك الحلوة دي بس ياريت تدعي ربنا يهدي صاحبنا ده

ثانيا اختي جي جي الف سلامة عليكي وان شاء الله البرد يروح على طول والنت كمان يتظبط
اختي القلب الطيب وحشتيني ووحشني كل اخواتي واخواني الاخرين بدون استثناء

بسم الله الرحمن الرحيم

ازيكو وحشتنى كل أسرة رحيل

وحمد لله على السلامه يابو ملك

انا انهاردة انا تعبانه ومرهقه جدا من قلة النوم

بس لازم أدخل المنتدى

» نصائح للتغلب على المشاكل النفسية للأبناء عند التحاقهم بمدرسة جديدة
» فنجان قهوة مع ادم \حواء ..فكرة جديدة يلا شاركونى
» التوتر والضغوط النفسية
» اكتب حالتك اليوم بالانجليزى ..
» نوعية الطعام والحالة النفسية