بطاطس سهلة وجميلة من مطبخ القلب الطيب

بصوا يا بنات ويا مدمااااات رحيل

وصفة جميلة وسهلة جدا لنوع من البطاطس هيعجب الاطفال واكيد انتم كمان

المكونات

شرائح بطاطس مخصصة للقلى

لحمة مفرومة متبلة بالبصل المفروم والبهارات والملح والفلفل

بيض بقسماط مخلوط بشوية دقيق

الطريقة

نقشر البطاطس ونقطعها حلقات عادية غير سميكة

وناخد كل حلقة نفتحها بالجنب بالسكينة لحد نصفهاا

ونحشيها باللحمة المفرومة اللى متبلة

ولما نخلص كل المقدار

نجهز بيضة نية نضربها بملح وفلفل

ونغطس الفتحة اللى فى شريحة البطاطس فيه

ثم نغمسها فالبقسماط المخلوط بالدقيق

كل ده ليه يا حلوين

علشان نحافظ على اللحمة جوا شريحة البطاطس وما توقعشى واحنا بنقليها

ولما نخلص المقدار

نقليها فى زيت غزير

وبالف هنا وشفا

انا جربتها وعجبتهم اوى

جنب الفراخ البانية

يارب تجربوها وتعجبكم