بتحب مين اكتر مراتك ولا شغلك

بتحب مين أكتر...مراتك ولا شغلك
سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟؟
مراتك...........ولا..شغلك
تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات........،
وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل:
أولا.......... الشغل بيصرف عليا.......بس أنا اللي بصرف عليها!!!
ثانيا........ في الشغل ممكن تزعق براحتك و زعيقك يجيب نتيجة...
مع مراتك صعب انك تزعق براحتك ومهما زعقت مش هييجى بنتيجة..........
ثالثا........ ممكن تزوغ من الشغل في أي وقت من غير ماحد ياخد باله أو
حد من الزملاء يغطيك أنما تزوغ من مراتك........هيهات.......أنسى يا عمرو
رابعا........في الشغل عندك مدير ممكن ترضيه لو أشتغلت كويس..... إنما
مراتك لو عملت قرد.........مش ممكن ترضيها !!! وإذا رضيت....... عندك
حماتك عمرها ما ها ترضى أبد !!!!!!!
خامسا....... في الشغل من حقك تاخد أجازه.......عندك عارضه..و اعتيادي.....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك
و إلا يبقى نهار اهلك مالوش ملامح.....لك أجازه واحده فقط......و طويلة جداً !!!!........
سادسا........ في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك.............يا بركه...........
سابعا....... الشغل لو زهقت منه ممكن تسيبه بدون مشاكل....وبسهوله.... أنما مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا.
ثامنا........في الشغل...لو سبته أو سويت معاشك....أو بلغت سن المعاش بتاخد مكافأة كبيره....ومعاش...وحفله تكريم.....، أما مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش..........
تاسعا......... ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم
عاشرا........ في الشغل....متأمن عليك عشان لو حصل لك حاجه....... ولو حصل لك حاجه.....مراتك هي اللي هاتقبض التأمين
في النهاية....بتحب مين أكتر...مراتك ولا شغلك..
الإجابة ممكن اعرفها....[/center][/b][/color]

هههههههههههه

والله موت من الضحك

وجوزى بيقلك الله ينور هو ده الصح

في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة.....والكل يضرب لك تعظيم سلام في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال......أو.......يا حاج.......... ولما تعجز.......وتسلم النمر...تقولك.............يا بركه...........
هههههههههههههههههههههههههه

ماشى كل ده علينااااا

داحنا النص الحلو

اشكرك اختى الفاضله على مرورك العطر لصفحتى
وانتوا الخير والبركه برده دحنا من غيركم ولا حاجه
سلامى لاخى الفاضل ابو عبد الرحمن واى خدمه ياباشمهندس
جزاكم الله كل خير

حلة أخي المهندس

جزاك الله خيرا

زائر

ايه ده كله اخى المهندس معنى كده اننا احنا الى وحشين ومفتريين وكبتين الرجالة وانهم الطيبين والغلابة

اخى فى الشغل الزوج ممكن يزعق صح

وهل فى البيت ممكن يزعق طب ما نتكلم براحة احسن

ولو فرضنا ان الزوج زعق مع زوجته فى راااااااااااااااااجل ما بيقدرش يعمل كده؟؟؟؟؟؟؟!!!!!!!!!!!1

والله بتقدروا وبنزعقوا وساعتها الواحدة فينا ما تقدرش تقول بمممممم لما تشوفكم متنرفزين حضرتك طبعا عارف ليه

فتنقوم منفذين على طووووووووووووووول

والله دى الحقيقة وده الى بيحصل فى اغلب البيوت المصرية البسيطة

يبقى مين الظالم اخى احنا ولا انتم؟؟؟؟؟؟؟!!!!!!

وبعدين اه تزوغ من الشغل لانه ممل ومتعب على الرغم ان ده غلط انت عليك مسئولية فى شغلك

انما البيت لو كانت الزوجة قادرة تخليه مليان حب وسعادة يبقى يزوغ ليه ؟؟؟؟

وان كانت الست مش قادرة كان بيتجوز ليه من الاساس لما هو عارف انه مش هيحترم بيته ويحب يزوغ

اخى المهندس صحيح فى بعض النساء لا يرضوا ابداااااااا مهما فعل ازواجهم معهن لا يرضوا

ولكن هناك ايضااااااااا وهذة هى النسبة الكبيرة من النساء من يرضين باحوالهن والحمد لله

ايوا لازم تدفعوا لو سبتنوا دى اقل حاجة ممكن تقدموها فى مقابل الى انتم عملتوه بش هديتوا بيت واسرة ادفعواااااااااا بقىىىىىىى

ههههههههههه

لاءة ظلمتنا اخى المهندس بالمشاركة الجميلة دى

احنا وحشين كده

وطبعا الرجالة هم الملا ئكة

طيب لو خلينا حواء هى الى تكتب موضوع زى ده

جوزى هيحبنى اكثر ولا هيحب شغله

تفتكر هتعرضه ازاى

هتقدملك شكوووووووووووى طويلة عريضة

ان الراجل بيهتم بشغله وهر ركنها على الرف خلاص

ههههههههههه

وان اتكلمت معاه يقولها ما كله ليكى ولعيالك

هو فى حد بيحب الشقااا

ايوا معاك حق بس ميراتك فين يا عم

انت متجوز علشان تصرف وخلاص

يعنى وجودك فى البيت شبهته بالخزنة

معلش على الفاظى

بس عايزة اقول ان لو حواء كتبت الموضوع ده

هتقدمه مختلف تمااااااااااااااااااامااااااااااا

اخى المهندس لقد جعلتنا مشاركتك هذة الجناة فى حين اننا الضحاااااااااااايا

اخيرا اقول لك كلمة..............

أعجبتنى كثيييييييييييييييييييييييييييرا هذة المشاركة الرائعة

لا تعلم كم ضحكت وانا أقرأها ورايت انه لا مفر من الرد على هذا الكلام الجميل

ولكن مع بعض التوضيح في من الظالم ومن المظلووووووووووووووووم

مشكور اخى المهندس

اختى الفاضله / بنت مصر
انا كتبت المشاركه دى لسبب واحد عايز اعرف رد فعلكم الاول وراى الرجال فى هذا الموضوع بس انا مش مسئول عن اللى يجراله وده يتوقف على رده
وعلى فكره انا من انصار المراه ودائما ادافع عنها برده انتم الخير والبركه عدوها المره دى

زائر

المهندس كتب:: اختى الفاضله / بنت مصر
انا كتبت المشاركه دى لسبب واحد عايز اعرف رد فعلكم الاول وراى الرجال فى هذا الموضوع بس انا مش مسئول عن اللى يجراله وده يتوقف على رده
وعلى فكره انا من انصار المراه ودائما ادافع عنها برده انتم الخير والبركه عدوها المره دى

اخى الكريم المهندس

احييك على هذا الرد

فلقد اعجنى كثيييييييييرا

نحن نعلم يا اخى انك انسان كريم وتملك شخصية طيبة محبة للاخرين

وهذا واضح من خلال ردودك علينا وتصرفاتك اخى الكريم

ولقد اعجبنى موضوعك للغاية واعجبنى اسلوبه المتميز

ولكنى اردت ان اوضح انه اذا كان هناك من الرجال من يظن هكذا

فهناك غيرهم لا يقومون بذلك

وان كان هناك من النساء من تفعل هذا

فهناك غيرهن لا يفعلن ذلك

اخى الكريم مشاركتك هذة لم تزعجنا ولم تؤلمنا انت اخ فاضل ومعظم مشاركاتك بفضل الله ثم بقدرتك الرائعة فى اختيار الموضوعات المتميزة تنال على استحساسنا وقبولنا

وهذة مشاركة اخرى منهم

ارجوك اخى المهندس الا تعتبر ردى السابق هو نقض لموضوعك لا ابدا

على الاطلاق يا اخى

فلقد اعجبنى للغاية ولقد ذكرت لك ذلك

ولكنى اذا اردت ان اكتب تعليقا على احدى الموضوعات اقوم بكتابة ما فهمته منها ليس اكثر يا اخى

طبعااااااا لازم نعديها المرة دى يا شاعر رحيل

لانك اخ فاضل لم نرى منك الا كل الخير

دمت لنا يا شاعر رحيل بكل الخير

واعانك ربى على تحقيق ما تتمناه

اللهم امييييين

» إمسك مراتك
» لو بتحب امك ادخل
» بتحب الشيكولاتة؟؟؟ اعملها على كيفك
» سؤال مهم محتاج اكتر من اجابه ؟؟؟
» رحيل جمعت بين اكتر من مكان ولله الحمد فما اجواء العيد عند كل مكان؟؟