عفوًا ، رصيدك الحالي لا يكفي لدخول الجنه!! )

السلام عليكم ورحمة الله وبركاته !!
كيف حالكم يا أحلى شباب ؟؟
والله العظيم وحشتوني موووووت ،،

امس بعد صلاة العشا طلعت الموبايل من جيبي وجيت أتصل ..
ردت عليا واحدة قالتلي ( ليس لديك الرصيد الكافى لاجراء مكالمه )
فبجد اتضايقت أوي وجريت على اقر مركز شحن وشحنت50 درهم من مركز الشحن علشان اخد رصيد زياده عشان المكالمة كانت فعلا ضرورية ،،

وساعتها جه ف بالي موقف احكيهولكم وانتو عيشو معاه ، ماشي ؟

تخيل يوم القيامة .. وكلنا موقوفين بين يدي الله سبحانه
ومنا اللي هيدخل الجنة - ربنا يجعلنا منهم - ،،
ومنا والعياذ بالله اللي هيدخل النار - الله لا يجعلنا منهم - ،،

فتخيل لو انتا جيت تدخل الجنة فنادت عليك الملايكة مع الفارق طبعًا ،
( عفوًا رصيدك الحالي لا يكفي لدخول الجنة )

شعورك ساعتها هيكون إيه ؟
وطبعًا رصيدك ميكفيش عشان كفة السيئات رجحت على كفة الحسنات
طيب السؤال : ليــــــــــــــــــــــــــــــــــــــه ؟؟ !!
دي الحسنة بعشر أمثالها
وهنا وقف مع نفسى كتير قلت ياه علشان رصيد زياده ذهبت

لمركز الشحن

يا ترى لو كانت محاضر للشخ الفلانى والاجر فيها مضاعف

الحسنه بعشر امثالها
اسبكم انتم تحكموا

.. والسيئة بسيئة واحدة بس ،،
فلما كفة السيئات ترجح على كفة الحسنات أكيد فيه خلل حصل ، صح ولا انا غلطان ؟
الخلل ده هو ( التهاون في ارتكاب السيئات )
وعلى الصعيد الآخر ( التكاسل عن فعل الحسنات )

فكانت النتيجة إن كفة السيئات رجحت على كفة الحسنات ، وبقى :
رصيدك لا يكفي لدخول الجنة !!!!!

وطبعًا لما بيرد عليك الكمبيوتر عشان يقولك
.. عفوًا رصيدك الحالي لا يكفي لاتمام هذه المكالمة ..
بيكون على سبيل التنبيه ، يعني ممكن تروح تشحن تانى وتروح زى فى مصر حاجه اسمها شحن
على الهوا وبكده تاخد رصيد اكتر ورسايل مجانيه
وتتكلم براحتك ،،
إنما ( عفوًا رصيدك الحالي لا يكفي لدخول الجنة ) مفهاش رجوع تاني خالص !!

ولا حد تقله استنه شويه اروح اخطف ركعتين

حتى الصلا بنختفها وهى ...

عشان كده وعشان منسمعش كلمة زي دي يوم القيامة والعياذ بالله ،
يلا نحافظ على رصيدنا من الحسنات ونزوده .. ونشحن أول بأول !!
ونحاول على أد ما نقدر نتجنب السيئات عشان ندخلها سوا يا شباب
..الجنــــــــــــــــــــــــــــــــــــــــــــ ــــــة ..


الجنه يا شباب

وبدل منسمع إن رصيدنا ميكفيش لدخول الجنة ، نسمع :
" ادخلوها بسلام آمنين .. "

جعلنا الله وإياكم من أهلها
آمين ،،

.

.

.

دي مجرد تذكرة بسيطة جت على بالي وقولت أشارككم فيها ،
وإن كان من خير فمن الله وحده
وإن كان من شر فمني والشيطان ،،

.

سبحانك اللهم وبحمدك ، أشهد ألا إله إلا أنت
أستغفرك وأتوب إليك !!


_