اتصدمتوا فى ايه بصراحه اوى

بسم الله الرحمن الرحيم
سوال لكل اللى اتجوزا او اللى عندهم خبرات من اصحابهم المتجوزين
كلنا قبل الجواز بنرسم احلام وحياه وبنخطط لدنيا جميله جدا
تلاقى الاتنين ليل نهار عمالين يرسموا احلامهم وحياتهم
وهوه هيتعامل ازاى وهى هتتعامل ازاى
والدنيا بمبى خالص
بس اكيد الكلام حاجه والواقع حاجه تانى
مش لعيب فى احد الاطراف لا بس ده اللى بيحصل
كل عضو وعضوه يكتبلنا بصراحه اتصدمتوا فى ايه
ايه اللى مكنتوش متوقعينه واتصدمتوا فى بعد الجواز
من الاخر عاوزين نبص لنص الكبايه الفاضيه فى الجواز
يعنى اللى كان خطيبها هادى جدا وبعد الجواز اكتشفت انه بيعرف يعلى صوته ههههههههه
حاجات كده يعنى
يلا مستنينكوا تفوقونا من احلامنا

موضوع جميل يا برقوقة ومهم جداااا

اما عن تجربتى الشخصية فهى غريبة شوية نظرا لغرابة شخصيتى هههههههه انا من النوع اللى بنساااااا بسوح زى ما بيقولوا عندى هدوء اعصاب لا احسد عليه وده اللى نافعنى فحياتى لان جوزى عصبى مووووووووووت ولولا انى كدا كان زمنا منفصلين من اول شهر فالجواز (بعد الشر طبعا )..ودى تعتبر اولى صدماتى عصبية جوزى المفرطة ..واللى كانت السبب فانه خسر ناس كتير قريبين منه وحاجات كتير بتعدى فحياته حلوة ..ده مش معناه انى خالية من العيوب بالعكس ..محدش فينا كامل الا اشرف الخلق

لكن عشان اكون صريحة جدا معاكى الجواز جميل ومؤسسة ناجحة بفضل الله وبفضل الزووووووجة فعلا دى الحقيقة

حاولى تحتويه تكونى هادية على اد ما تقدرى تعتبريه ابنك اللى لازم تاخديه على طبعك وتدلعيه

ومع اول طفل الحياة بتبقا احلى واحلى بتحسى انها بقت اجمل وارتبطوا ببعض اكتر وابنكم بيبقا هو كل حياتكم


اسفة لانى طولت عليكم ..ربنا يسعدك حبيبتى ويسعد كل البنات

منكم نستفيد

هههههههههههههههههه

لسة متصدمتش

لكن عارفة الواقع الاليم

ومحدش بيتمررررررر فية حاحة

لو وقفتي علي صوابعك هيعتبرة حق مكتسب

لكن انتي بتصبري وتحتسبي الاجر عند الله

ههههههههههههههههه
والله انتى سكر يا هدير
بس عشان كلامك صح يبقى انا مش هقف على صوابعى ولا اعبر
ههههههههه
شكرا على ردك الجميل
وشكرا يا جى جى
وشكرا يا القلب الطيب
ومش معقول بنات بس اللى هيردوا امال فين الولاد
ولا الولاد هنا متصدموش فى حاجه
صح والله ممكن ما هما مفترين

اقتباس :

لكن عشان اكون صريحة جدا معاكى الجواز جميل ومؤسسة ناجحة بفضل الله وبفضل الزووووووجة فعلا دى الحقيقة

والله يا القلب الطيب ردودك بتطمني شويه وبتعطيني أمل في الحياة

الله يسعدك دايما

أنا صحيح لسه متصدمتش لكن متوقعه كل شئ

لكن أكتر حاجه اتعلمتها من أصحابي ان لا أثق في وعود ما قبل الزواج
لأنها غالبا بتكون زي كلام الليل المدهون بزبده

عسل يا برقوقة ههههههههه هما فعلا ان قدروا ما يعفوش ....افترااااااا يا بنتى

اما حبيبتى سلسبيل ف عاوزة اقولك سيبيها على الله الجواز وزوج المستقبل وما بعد الزواج هما اغرب شىء ممكن تعيشيه لان كل اللى بتشوفيه ايام الخطوبة هو مختلف تماما عن ما بعد الجواز ..صدقونى

وده معناه عشان محدش يبص لنص الكوباية الفاضى ..انك انتى اللى بتكيفى الامور وبتظبطيها وبتمسكى كل الخيوط ف ايدك بس بذكاااااااااء ح تفردى عضلاتك وتبينى انك هيرو وقوية والحركات بتاعتنا دى لالالالالالالا مش ح ينفع خالص لانه راااااجل

ومن ضهر راجل وسى السيد وسى عبده ههههههههههههه وكل الحركات دى ..انتى بقا تبقى هادية ذكية حكيمة وقت المشاكل تبقا هادية وباردة تكسبيه ووقت الهدوء والحنية تفرضى انتى شروطك بس بالزوق

وفى الاول وفى الاخر صوابعك مش زى بعضها يعنى مش كل الرجالة زى بعضهم ومش كل الستات زى بعضهم

انتى توكلى على الله وشغلى مخك شوية من اول ايام الجواز والحياة ح تمشى بسلاسة وبسااااااااطة لو اخدتى بنصيحتى

واخر نصيحة اقولهالكم يا بنات ...سرك جوا قلبك اللى يحصل بينك وبينه من مشاكل اوعى تقوليه لاى حد من اهلك

الشكوى لغير الله مذلة وكمان بياخدوا موقف منه لانهم بيزعلوا عشانك .....قولى الحلوة بسسسسس لكل الناس

ح تكسبى ثقته وحبه اكتر الراجل ما يحبش الست الشكاية البكاية اللى تطلع سر بيته برا

ربنا يسعدكم بناااااااااااااااات

ياجماااااااااااااااعه محدش يخوفني الجوااااز حلو وجمييييييييييييل

والله انا مقدرش استحمل اكون هاديه والكلام ده
انا لما بتعصب مبعرفش اخبى وبغلط كمان
واللى ينرفزنى اكتر انه هوه هادى جدا جدا
اكتر مره اتنرفز عليا
انا كنت بستفزه قاصده عشان اشوف رد فعله لما زودتها خالص
وشوا احمر اوى وراح باصللى بعينه اوى كده
وقالى بمنتهى البرود لوسمحتى نتكلم وقت تانى فى الموضوع ده لانى متنرفز
ده اخره وده بيعصبنى اكتر
انا عاوزه واحد ياخد ويدى معايا فى الكلام
نرد على بعض مش افضل اتكلم وهوه باصللى وساكت
ودى المشكله اللى بنا وسالت الكل عنه الكل قالى انه مش بيتعصب ابدا
معرفش اكون زيك يا القلب الطيب ولا اعرف اكون زيه

حالتك صعبه اوي يا برقوقه