ارجو من جميع الاعضاء الدخول

تعالو نتعاون على الخير
ونساعد بعضنا البعض
انا من اطلب المساعدة اخوانى
مشكلتى انى نفسى ابنى ينتظم فى الصلاة
وهو يعتبر مش بيصلى خالص الا بعض ايام وبعض الفروض
ومش عارفة اعمل اية الصراحة انا مش عاوزة اضغط علية واجبرة على الصلاة حتى لا ينفر منها لانة بطبعة عندى اوى
اتكلمت معاة وانبتة وآخر حاجة بدات اعملها كان لو طلب منى اى حاجة واجبة عليا
كنت برفض اعملها واقولة اعطى ربنا حقة علشان تاخد انت حقك
دى الصراحة كانت بتكسفة ويدخل يصلى وهو متضايق
بس لاحظت انة بيصلى علشان يوصل لللى هو عاوزة مش علشان عاوز يصلى
بطلت اضغط علية كدة

انا عاوزة اسلوب يكون افضل او طريقة فعلا تجيب نتيجة انة يحب يصلى مش يصلى بس
المهم عندى انة هو يحب يصلى

للعلم مازن عمرو 8سنوات ونص

انتظر اقتراحاتكم

والله يا جىجى دى برده نفس مشكلتى مع عبد الرحمن

طول الصيف ينزل يصلى كل الفروض فالمسجد وايام المدارس بيصلى بس يوم الامتحانات ..ال يعنى عشان ربنا ينجحنى

وباقى الايام بقا صوتى بيتنبح معاه ..بس اكتشفت ان الولد بالذات بيتاثر جدا بابوه ..والده هو اللى لازم يشجعه ويخليه يقف يصلى جنبه

وياخده معاه صلاة الجمعة واى صلاة اخرى فالمسجد ..ساعات كتير بلفت نظر زوجى وقوله قول لعبد الرحمن يقوم يتوضا ويصلى معاك واوقات كتير بننساااا ..ربنا يسامحنا

والطفل بطبعه متوااااكل وما بيصدق يطنش ويقعد يلعب ..لكن حاولى معاه تانى وتالت حبيبتى هما لسة صغيرين

وربنا يجازيكى فيهم خير وتفرحى بيهم ان شاء الله جميعا

موضوع جميل ياجي جي وفعلا مشكلة بتعاني منها امهات كتير واشكر فيكي حرصك علي ان ابنك يلتزم بالصلاة وانة موضوع فعلا بيارقكك وبيشغل تفكيرك

انا فعلا شايفة زي ماقالت مروة الاب لة دور كبير جدا فالحكاية دي اساسا الولد دايما بيعمل حساب لابوة واما يكون الاب بيصلي فالمسجد بياخد ابنة معاة ممكن مش كل الصلوات وهوا فالسن دة عشان ميزهقش لكن لازم يتابعة

طالما انتي حاولتي معاة ومش قادرة علية اوي لازم الاب يتدخل حتي لو هوا مش هيكون موجود طول اليوم ف يجي يقعد مع ابنة باليل ويفهمة انة لازم يتابع الصلاة واما يرجع هيسالك هل مازن التزم ولا لا ويكون محضرلة حاجة حلوة يجيبهالة معاة

لو التزم فعلا بياخد الهدية"وطبعا هدية بسيطة" لو مالتزمش يبقي مياخدهاش ويكتفي الاب انة يحرمة منها ويبينلة انة زعلان منة

او مثلا توعدية لو صلي الاسبوع كلة هتاخدية فاخر الاسبوع لماكن هوا بيحبة او تلبيلة حاجة نفسة فيها

يعني اقصد اسلوب الترغيب اكتر من الترهيب فالمرحلة دي

ولو اختة مثلا بتصلي او اخوة وهوا مصلاش تكافئي اختة قدامة وهوا لا عشان يغير ويقلدها وهكذا

وطبعا مننساش الدعاء المتواصل ربنا يهدية هوا وكل اولاد المسلمين

وجزاكي الله خيرا

اشكركم على الاهتمام بارك الله فيكم
المشكلة فعلا ان المسؤلية عليا لوحدى وبباة مش فاضى خالص

ادعولى ربنا يكرمنى فيى اولادى ويهديهم يارب
اللى بيحزنى انى بشوف شباب كبير ومش بيصلى ومش فى اهتماماتة خالص الصلاة بحزن اوى عليهم
وبخاف اكتر على اولادى لا قدر الله يصبحو فى يوم مثلهم

اسئلكم الدعاء

جزاكم الله خيرا

فعلا المشكلة دي عندنا برده

بس ابن خالتي برده في عمر مازن

بس مامته بتكون معاه في كل فرض وبتخليه يصليه

يعني يمكن لانه لسه صغير ومش فاهم اوي انه لازم يصلي عشان كدا بتخليه يصلي

الطفل في السن دا بيكون متعلق باللعب والكمبيوتر والتليفزيون

ودا بيشكل معظم اهتمامته

بس ألحي عليه وفهميه دايما ان الصلاااااااااااة لازم نعملها لان دي تعتبر نقطة بتوصلنا لربنا
وهي وسيلة تخليك تقرب من ربنا أكتر ويحبك

وممكن تحاولي معاه بطريقتين ....الثواب والعقاب
وطبعا العقاب لان الحديث عن سيدنا محمد عليه الصلاة والسلام صريح فيما معناه...لاني مش متذكرة نص الحديث...مروا اولادكم بالصلاه عند سبع واضربوهم عليه عند عشر...

يعني انت دلوقتي تؤمري ابنك بالصلاة وتفهميه كل حاجة عنها
ولو مش استجاب يبقي العقاب بس دا عند سن عشرة

اولا انت ممكن تشجعيه انه يروح يصلي في المسجد مع والده مع اصحابه ...ويستمر علي كدا مش يروح يوم وبعد كدا يكسل

خليكي واخده بالك منه عشان لو كسل ومش وجد تشجيع منك ممكن فعلا يكسل ويقول ماما مش أخدت بالها

عوديه انه يصلي جماعة في البيت
كلكم مع بعض كدا وتصلوا جماعة

شجعيه المكافأت المادية ...اي حاجة هو بيحبها تشجعيه بيها

خصصي وقت كل يوم تكلموا فيه عن الدين ...الصلاة ...الصيام...الزكاة...اركان الاسلام كلها....يعني دا مثل

ولو جزء مش كتير من اليوم وخصوصا اننا في الاجازة دلوقتي

اعملي بين اولادك منافسة...مين اللي قدر يصلي كل الفروض

وبعدين منافسة تانية مين اللي يقدر يصلي كل الفروض في مواعيدها

بس خليها منافسة ايجابية ...عشان كل يوم تختاري منهم اللي يفوز

وتنوعي بين الجوائز ليهم

وفهميهم انهم بيحافظوا علي عبادة الله فربنا هايرزقهم بهدايا ومكافأت كتيرة

ولو مش صلوا ربنا مش هايكافأهم بحاجة

خليه يسمع اناشيد عن الصلاة ...وخليه يقولك هو فهم منها ايه

ممكن تخليه يعمل جدول ...ورقة صغيرة ويكتب في الفروض الخمسة ويعلم جنب كل فرض يصليه

ومش مع مازن بس لاء مع كل اولادك

بجد كل الافكار اللي قولتلك عليها من ذاكرتي ولو عرفت حاجة تانية اقولك عليها

ربنا معاكي وادعي لكل أطفال المسلمين انه يحافظوا علي الصلوات وان شاء الله ربنا يكرم كل اولادك بالصلاة ويكون قرة أعينهم الصلاة اقتداء برسول الله صلي الله عليه وسلم

كفيتم ووفيتم اخواتي ربنا يبارك فيكم جميعا

انتي فهميه معنى الصلاة وليش بيصليها وانه ربنا بيزعل منه ومابحبه لو ماصلى

انتي ام وادرى بذلك اختي جيجي حاولي معاه سياسىة الكلام الطيب والجميل
واوعي الضرب الضرب بيعمل عناد عند الاولاد وبالذات في الامور هاد

حببييه في الصلاة قوليه قصص عن الي ماكان يصلي وصار يصلي وقد ايه ربنا بقى بيحيه

يعني كلمة هيك وهيك رح تمشي معاه
ابنك متل العجينة في السن هاد بامكانك تشكليه زي ما انتي بدك بس بالخير طبعا

ربنا يهديه ويهدينا كلنا يااااااااااااااارب

شكرا لكم اخوتى الفاضلات
جعلكم الله سيدات حور العين

وشكرا لكل ارائكم الجميله
وشكرا لكى اختى جى جى لموضوعك المتميز وهو كيف نبنى صداقه مع اطفالنا
موضوعك جميل وشيق وان شاء الله ساكتب عنه موضوع
وهو كيف نبنى صداقه مع ابنائنا
معظم الاطفال يتعلقون بالصلاه فى الصغر والبعض الاخر للعب ولكن لغه الحوار مع الاطفال تختلف تماما من اللعب الى الصلاه فلا بد ان تتذكرى ان طفلك بحاجه الى الطمأنينه وسياسه الاطفال لها عامل اساسى فى تكوين صداقه بين الابن ووالدية
وغالبا الابن يتعلق بابيه كما ذكرت اختنا فدائما اجعليه يراكى وانتى ووالده يصلى سواء فروض او سنه
اجعلى الصلاه اولا هى المراد لكى يحصل على مايرده
وليس بالغصب او بالكره ولكن بالكلمه الحلوه

واتمنى ان ارى ابنتى كبيره واطبق عليها نفس الطريقه

اتمنى ان ارى ذلك فى ابنائنا جميعا

شكرا لكم اخوتى

» ارجو دخول جميع الاعضاء للتصويت
» ارجو ا الدخول
» حوار هام جدا ...ارجو الدخول
» مشكله مستعجله ارجو الدخول
» جميع الاعضاء والمشرفين مطلوبين فى التحقيق