احتفلات الكريسمس ورأس السنة..حلال أم حرام ؟؟ (دعوة للنقاش )

السلام على من اتبع الهدى




اهلا بــ رواد هذا الصرح الكبير من واعضاء وزوار ...



كما تعرفون اخوتى واخواتى الكرام انه بعد عدة ايام سوف نستقبل سنة جديد وارجو ان تكون سنة خير ومنفعة للجميع.



لكن حديثى هنا يتكلم عن ما ياتى قبل هذه السنة ، الا وهي احتفالات الكريسمس...



فــ العديد من الدول العربية او بعضها ولا اقصد الدول بحد ذاتها لكن الاشخاص (المواطنون) الذين بداخلها ينقسمون الى جزئين منذ قدوم شهر ديسيمبر، وذلك لان البعض منهم يؤيد فكرة ان هذا الامر مباح بحجة ان هذه الاحتفالات جزء من الديانة المسيحية والتى هي ديانة سماوية.



..وأننا يجب الا نكفر بأي ديانة سماوية ..



ولكن ايضا يأتى الجانب الاخر الذى يعارض هذه الفكرة بكل ما لديه من علم استاندا على الاحاديث واراء الصحابة ..



فهذا العلامة محمد بن صالح العثيمين رحمه الله قد سأله احدهم ما حكم تهنئة الكفار بعيد الكريسمس؟؟ و كيف نرد عليهم اذا هنئونا به ؟ وهل يجوز الذهاب إلى أماكن الحفلات التي يقيمونها بهذه المناسبة؟ وهل يأثم الإنسان إذا فعل شيئاً مما ذُكر بغير قصد؟ وإنما فعله إما مجاملة، أو حياءً، أو إحراجاً، أو غير ذلك من الأسباب؟ وهل يجوز التشبه بهم في ذلك؟



فكان جوابه: " تهنئة الكفار بعيد الكريسمس أو غيره من أعيادهم الدينية حرام بالاتفاق، كما نقل ذلك ابن القيم - رحمه الله - في كتابه "أحكام أهل الذمة"، حيث قال: "وأما التهنئة بشعائر الكفر المختصة به فحرام بالأتفاق، مثل أن يهنئهم بأعيادهم وصومهم، فيقول: عيد مبارك عليك، أو تهنأ بهذا العيد ونحوه فهذا إن سلم قائله من الكفر فهو من المحرمات وهو بمنزلة أن تهنئه بسجوده للصليب بل ذلك أعظم إثماً عند الله، وأشد مقتاً من التهنئة بشرب الخمر وقتل النفس، وارتكاب الفرج الحرام ونحوه. وكثير ممن لا قدر للدين عنده يقع في ذلك، ولا يدري قبح ما فعل، فمن هنأ عبداً بمعصية أو بدعة أو كفر فقد تعرض لمقت الله وسخطه " . انتهى كلامه - رحمه الله ..



كما سئل سماحة العلامة الوالد عبد العزيز بن باز ان بعض المسلمين يشاركون النصارى في أعيادهم فما توجيهكم؟
فأجاب :



لا يجوز للمسلم او المسلمة مشاركة النصارى أو اليهود أو غيرهم من الكفرة في أعيادهم بل يجب ترك ذلك لأن من تشبه بقوم فهو منهم والرسول عليه الصلاة والسلام حذرنا من مشابهتهم والتخلق بأخلاقهم فعلى المؤمن وعلى المؤمنة الحذر من ذلك ولا تجوز لهما المساعدة في ذلك بأي شئ لأنها أعياد مخالفة للشرع فلا يجوز الاشتراك فيها ولا التعاون مع أهلها ولا مساعدتهم بأي شئ لا بالشاي ولا بالقهوة ولا بغير ذلك كالأواني وغيرها ولأن الله سبحانه يقول: "وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ" فالمشاركة مع الكفرة في أعيادهم نوع من التعاون على الإثم والعدوان.



كما قال الحافظ ابن كثير رحمه الله فى تفسيره لهذه الاية قال تعالى: "وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا"
قال: قال أبو العالية و طاوس ومحمد بن سيرين والضحاك والربيع بن أنس وغيرهم: (هي أعيادُ المشركين).



وقال العلامة محمد بن إبراهيم – الرجل الذي ربَّى أُمَّة من العلماء - رحمه الله: ذُكر لنا أن بعض التجار في العام الماضي استوردوا هدايا خاصة بمناسبة العيد المسيحي لرأس السنة الميلادية من ضمن هذه الهدايا شجرة الميلاد المسيحي وأن بعض المواطنين كانوا يشترونها ويقدمونها للأجانب المسيحيين في بلادنا مشاركة منهم في هذا العيد. وهذا أمر منكر.





كانت هذه بعض المقتبسات التى تنص على ان الاحتفال بهذا العيد محرم ..



لكن تأتى المشكلة انه هناك العديد من المسسيحين فى الدول العربية ولا اقصد دول الخليج فقط بل الوطن العربى بأكمله ..



واحيانا قد تكون نسبة معتنقى الديانة المسيحية فى بعض الدول اكثر من الــ 30% من نسبة سكان الاصلين للدولة نفسها ..
فلذلك تضطر بعض الدول الى ان تفرض بأن هذا اليوم يوم مفتوح ( اجازة )، لان معظم المسيحين يعتبرون ان هذا اليوم يوم عيد كــ عيد الاضحى والفطر كمثال ..فلا يمكن ان نحرمهم من يوم هو عيدهم ..



اما بــ النسبة الى رأس السنة فأنا من وجهة نظرى انه ليس المحرم الاحتفال بها اذا لم يكن فيها تشبه بــ الــ عادات الغربية..



فأنا لم اجد اي حديث يعارض الاحتفال برأس السنة ..





لكن ياتى السؤال هنا..




احتفلات الكرسمس ورأس السنة حلال ام حرام ؟؟





فى امان الله

انت سالت السؤال اخى واجبت باستفاضة ماشاء الله عليك

انا بالنسبة لى بيعدى زى اى يوم بس بكون فرحانة ان سنة جديدة جاية علينا وبدعى ربنا وبصلى انها تكون سنة سعيدة علينا

تعالوا نشجع بعض وليلة راس السنة الساعة 12 بالليل كلنا نقوم نتوضا ونصلى وندعى ربنا ونقيم الليل ونتقرب اكتر من ربنا

منتظرة رايك اخى عماد وانت نقولنا بكل صراحة انت وباقى اخواننا واخواتنا ممكن نعمل ايه فالوقت ده

شاركوناااااا

مشكور يا قلب ي طيب

بس بالنزبه ليا انا واصدققائى ممكن نروح مصر او اسكندريه على حسب سعتها واكيد هنحتفل بيه
بس احتفال علشان احنا عيزين نفرح ونجمع مش علشان حاجه تانيه

سؤالك جيد أخي عماد

و إجابتك المنقولة ممتازة

بارك الله فيك

بالنسبة لسؤالك : (احتفلات الكريسمس ورأس السنة..حلال أم حرام ؟؟

رأيي : إنها حلال و خصوصا اخواننا يذبحون في غزة !!!!!!!!!!

ايه الشطاره دى يا عم احمد

طب كويس انها حلال بجد افاده هايله منك

منور يا غالى

سماحة العلامة الوالد عبد العزيز بن باز ان بعض المسلمين يشاركون النصارى في أعيادهم فما توجيهكم؟
فأجاب :



لا يجوز للمسلم او المسلمة مشاركة النصارى أو اليهود أو غيرهم من الكفرة في أعيادهم بل يجب ترك ذلك لأن من تشبه بقوم فهو منهم والرسول عليه الصلاة والسلام حذرنا من مشابهتهم والتخلق بأخلاقهم فعلى المؤمن وعلى المؤمنة الحذر من ذلك ولا تجوز لهما المساعدة في ذلك بأي شئ لأنها أعياد مخالفة للشرع فلا يجوز الاشتراك فيها ولا التعاون مع أهلها ولا مساعدتهم بأي شئ لا بالشاي ولا بالقهوة ولا بغير ذلك كالأواني وغيرها ولأن الله سبحانه يقول: "وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ" فالمشاركة مع الكفرة في أعيادهم نوع من التعاون على الإثم والعدوان

..........
كدا انت قولت الراي الصواب

يعني اكيد وفي رايي انا كمان حرام
وفعلا ازاي هايكون في احتفال وكل اهل غزة اللي مصاب واللي جريح واللي شهيد...

ياتري برده هانفرح ودا كله بيحصل؟؟؟؟؟؟؟؟

المهم ان السنة الهجرية هاتكون بعد يومين

هانفكر ليه بقي في السنة الميلادية؟

يلا كلنا ندعي للاخوانا الفلسطنين هما احق بالدعوة من اي حاجة تانية

جزاك الله خير اخي تروي علي المناقشة

ربنا يكرمك يا فتاه الاسلام

شوفت يا عم احمد طلع حرام اهت شوفت بقى

لا اله الا الله

انا قلت انها حلال و خصوصا و إخواننا يذبحون الآن في غزة !!!!!!!!!!!

بارك الله فيك

و هناك غرض للتكرار

و جزاك الله خيرا أختي فتاة الإسلام على إضافاتك المميزة

ليه التقليد الأعمى للغرب ؟

عندنا السنة الهجرية التي نعتز بها

للأسف معظمنا لا يعرف السنة الهجرية التي نحن فيها

بعضنا لا يعرف أننا نعيش في القرن الخامس عشر الهجري
_____________

أخي عماد

إنت عاوز تحتفل مع صحابك و تفرح

ليه تربطها بالسنة الميلادية ؟

فيها آيه لو تحتفل معاهم (طبعا احتفال يتوافق مع الشرع) بدون نية الاحتفال براس السنة و مسايرة الغرب النصراني ؟!

يقول النبي صلى الله عليه و سلم : (إنما الأعمال بالنيات ، و إنما لكل امرئ ما نوى)

و قال أيضا : (المرء مع من أحب).

وانا اضم صوتى لصوت احمد حلال ما دام اهلنا تذبح بغزه
وتتطاير الاشلاء ليبدأ البحث كل قريب عن قطع ابنه او اخيه بين الجثث المتراكمه فوق بعضها بين صياح نغمات الميلاد وترتيل الصلاه
والضمير العربى فى سبات ياخذ قيلولته طالت
وعيون تجمدت وشبعت من رؤيه الدماء على الشاشات
واذان صماء لا تتحرك وكأن دماء الفلسطينين مسلسل اعتاد الجميع رويته فى نشره الاخبار المسايئه

هههههههههههههههههههههههههههههههههههههههههههههههههههههه

حبيب قلبى احمد منورنى يا غالى يا امير اسمع كلامى بقى كالاتى

يا حبيبى مين قال انى هفرح علشان الكرسمس انا قلت كده انت للو متابع هتعرف دا اولا يا غالى

الاعمال بالنيات هوا انت دخلت جوا نيتى وعرفت انا بفكر ف ايه يا استاز احمد دا ثانيا يا برنس

المرا مع من احب انا قلبى يا سيدى عامل زى البانسيون بيس يا مان


سلمى

هوا انا عارف انك بتحبى بلدك جدا جدا جدااااااااااااااااااااااااااااااااااااااااااا
وانا مجبتش سيرتها ف حاجه غير كل خير


ومع زالك انا بحترم رايك وحضرتك تكلمى زى ما انتى عيزا اكبر منى وغير كده حضرتك غنيه عن التعريف يعنى شكرا لمرورك الغالى الغالى دده بجد

مش منوضوع بلدي و بلدك

ده موضوع (من لم يهتم بأمر المسلمين فليس منهم)

و موضوع (المسلم للمسلم كالبنيان يشد بعضه بعضه).

و طبعا أنا معرفش نيتك ، لكن اللسان هو أصدق شئ عما في القلب

إن الكلام لبلسان و إنما ... جعل اللسان على الفؤاد دليلا

ربنا يوفقنا جميعا للخير دايما

و بارك الله فيك .

حبيب قلبى احمد ينهار ابيض منور يا غالى


نرجع تانى ونقول

اولا
ده موضوع (من لم يهتم بأمر المسلمين فليس منهم)

على اساس كلامك انك مهتم بقى ياريت اعرف انت عملت ايه علشان اعمل زيك او بمعنى تانى لو المعنى الاولانى مش عجبك عرفنى انت بتعمل ايه علشان اقارب بلى انا بعملوا

ثانيا

و موضوع (المسلم للمسلم كالبنيان يشد بعضه بعضه).

برافوا عليك بس انا الحاجات الى بعملها مش بحب انشرها


ثالثا
من نحيت السان وى الرجول وى الكلام ده

انا مليش دعوه بلسان حد كل واحد حر بلسانه بقى

وبارك لك يا احمد
وكل سنه وانت طيب

الدكتورا

اولا


نفس السؤال يا دكتوره مين قال انى هخرج علشان الكرسمس ؟

حضرتك بتخمنى دى حاجه ترجعلك انا خارج خروجه زى خروجه كل مرا بس الوضع مختلف ششويه


ثانيا


ده سؤال تانى بس للاسف مش هعرف اجاوب عليه ومستنى حضرتك تجوبينى عليه


ممكن حضرتك تعرفينى اعتفل امتى يعنى لو فيه ساعه معينه كده الناس بتحتفل بيها ولا سعتين
ولا يوم ولا مرا ف الشهر اعرف بس الوقت وان شاء الله هحتفل على طول من غير نقاش ؟



دا مش جدال دا نقاش لانتى الى تقنعينى لانا الى اقنعك وزى ما كلنا عرفين ان مفيش حاجه اسمها كرسمس
وكلام من دا بس انا هخرج وافرح انا وزميلى ان شاء الله ايه الى فيها هوا حررام الفرح كمان
مدام مش بنعمل حاجه غلط يبقا خلاص مفيش مشكله ولا علشان ده يوم الكرسمس يبقا مخرجشى من البيت


وكمان حاجه انا مقلتش انى مش مقتنع


جزاكى الله خيرا يا دكتوره

جزاك الله خيرا

هقولك حاجة بسيطة

مشكلة ردودك فالموضوع دة ان كل واحد بيدخل بيوضحلك وجهة نظرة ومبيقولولكش حرام ولاحد جاب سيرة كريسماس لكن بردو بترجع لنفس النقطة وتجادل ولا كان حد قال حاجة........ومش حكاية انك تقنعني او اقنعك كل واحد عندو قناعاتة الخاصة وواضح جدا انك مقتنع برايك ومفيش مجال انك تقتنع........زولا انا بهدف اني اقنع حد

انا بقول رايي بما يخلص ضميري زيماتعودنا الراي والراي الاخر

وعموما نرجع ونقول تاني...لعل وعسي الفكرة توصل

ا اخي الكريم انا لا دخلت ف نيتك ولا اعرف انت ناوي تعمل اية واللي متاكدة منة انك مش خارج تحتفل بالكريسماس طبعا اكيدلا

انت بتبحث عن انك تقضي وقت كويس مع اصحابك ودة مفيش علية اي مشكلة..افرح واخرج ديننا عمرة مانهي عن الفرح

لكن انت اكيد عارف ان في ناس مسلمة متعرفش دينها اوي بتخرج تحتفل براس السنة بطريقة وحشة ولا تليق وانت كاي واحد ماشي ف اليوم دة اكيد هيصادفك اشكال من دي فعشان كدة الناس بتجنب انها تخرج فاليوم دة عشان متبقاش موجودة ف نفس المكان اللي الناس التانية بتعصي فية...الا بقي اذا كانت هتكون خروجة عادية خالص وكل النية انة تفريج عن النفس وهتبعد قدر الامكان عن الاماكن اللي فيها معاصي وبنات وكلام من دة

يعني انا بس كان سؤالي لية اما بتيجي السنة الهجرية زي امبارح كدة مبنفكرش نتجمع مع اصحابنا ونحتفل بردو؟؟؟؟؟

ياريت تجاوب وياريت تكون فهمتني

كلام جميل وكويس ان حضرتك عرفتى انى خارج علشان اقضى وقت ولا علشان كرسمس ولا غيرا


وكمان الحمد الله يعنى عارف دينى كويس وعارف ايه الى حلال وايه الى حرام



وجوابى على سؤالك بقى

احنا فعلا خرجنا امبارح وفرحنا بس مش الخروجه الاساسيه واحسن احتفال هوا الصيام مش الخروج

ومن نحيت الخروجه بقى الاساسيه فيها بنات مفهاش بنات دى ترجع حسب الانسان
وافرض يا دكتوره دا افتتراض ان روحنا مكن فيه مسيحيين هوا حرام انى ابص عليهم ؟ او اقعد ف مكان هوا فيهم ؟ ده سؤال بس حقيقى معرفشى الاجابه

وشكرا على المعلومات يا دكتوره

لا حول ولا قوة الا بالله

هوا حد قال اننا نبص عالمسيحين حرام

دة حاجة تانية غير غض البصر طبعا

عموما

اخرج اتفسح بكرة مع اصحابك وبص عالمسيحين وغير المسحسن ودقق كويس ها

وعيش حياتك وفضك بقي من الموضوع دة

كل واحد حر ف تصرفاتة

واضح ان الجدال ممنوش فايدة

فى الاسلام عيدين الفطر والاضحى فقط اخوانى
ليس من الاسلام الكريسماس وكل مسلم يجب ان يترك ما ينافى الشرع والدين الحنيف
بغض النظر عن الظروف التى تعيشها الامه
فهو من اعياد النصارى ولا يجب ان نتشبه بهم لان نبينا نهى عن ذلك وهو الذى لا ينطق عن الهوى اى انه لا ياتى بكلام الا من عند الله
اخى الكريم اذا كنت تحب ان تلهو وتلعب مع اصحابك فى ذلك اليوم فاحتفظ بذلك لنفسك واستتر من باب اذا باتليتم فاستتروا مع العلم بانه ان كان مكروه او حرام وهذا يرجع لاراء العلماء فانه فى هذه الايام اشد حرمة عند الله لما يحدث فى امتنا
اما عن التهنئه وغيرها فلا داعى لانك عندما تهنىء فانك تقر بصحة العيد الذى يقتنع به النصرانى او المسيحى او غيرها من الديانات
ارجو ان تتجنب الشبهات وتتحرى الدقه فى كل احوالك
تقبل فائق احترامى لك اخى المسلم عماد

لا اله الا الله

وهوا يعنى خلاص مبقاش غير المسحيين الى هبص عليهم

يا انسه يريت تفهمى الكلام قبل ما تكتبى لو سمحت يعنى قصدى ابص عليهم بيعملوا ايه مش ابص عليهم لغرض وحش خلاص يعنى ودنك منين يا جحه

ايوه يا ستى هخرج اتفسح كل واحد حر ف تصرفاتوا

وفعلا على رقى واحد كده الدكترا مفكرين نفسهم عباقرا

سلام خلص الكلام



ماشى يا جندى

اخى الكريم اذا كنت تحب ان تلهو وتلعب مع اصحابك فى ذلك اليوم فاحتفظ بذلك لنفسك واستتر من باب اذا باتليتم فاستتروا مع العلم بانه ان كان مكروه او حرام وهذا يرجع لاراء العلماء فانه فى هذه الايام اشد حرمة عند الله لما يحدث فى امتنا

ده كلامك
من نحيت امتنا وى الكلام ده مش موضوعنا دلوقتى

انما هعلق ع حاجه ايه العب دى ما علينا عادى مدان منك يا سيدى بس هيا خروجه


فاحتفظ بذلك لنفسك واستتر من باب اذا باتليتم فاستتروا

على اى اساس يعنى ولا حرام ولا عيب انا مش بقول انى رايح اجوز عرفى يعنى

ده شرع ولازم نحترمه يا عماد واراء العلما ء فوق راسنا مش كلام
لا اكراه فى الدين
وصلك رائى

ماشى يا جندى انا هقول لاصحابى مش خارج او ناجلها وهصوم اليوم ده كمان

ماشاء الله بارك الله فيك

ما شاء الله عليك

ياريت كلنا نصوم اليوم ده الخميس وكمان الساعة 12 نقوم كلنا نصلى قيام الليل وندعى لاهالينا فى فلسطين

ها ايه رايك ؟؟؟؟؟؟؟؟

الراى راى الجميع ومن نحيتى بجد انا موافق
ان شاء الله يعنى