تكونى كتاب مفتوح ولا لا

والله انا مقتنعة تماما ان الافضل هى الصراحة وانك فعلا تكونى كتاب مفتوح لشريك حياتك
ولكــــــــــــــــــن

ولكـــــــــــــــــــن

الوقع حاجة تانى خالص
المشاعر لازم تكون بحدود مهما كانت طاغية بداخلك تحكمى فى اظهارها دائما
واتفق تماما مع القلب الطيب فى ان فضفضتك دائما تكون مع المقربين لكى غير زوجك
والخلاصة اوعى تكونى كتاب مفتوح
خليكى دائما وسطية

شكرا للاختين الحلوين على ردودهم
ومنتظرين باقى الاعضاء

انا اتبع الطريقة الاخرى لست كتاب مفتوح ودائما مشاعري تكون غير متوقعة وهيك بعطي جو وتغيير بلا زهق ودائما زوجي يتفاجئ من افعالي لا يكون يتوقع ذلك ويكون مبسوط

اياكى اختى وان تكونى كتاب مفتوح
صراحتك ستجلب عليكى الكتير من الشكوك والغيرة من قبل زوجك
جوزيتى الجنة اختى على المناقشات الجميلة

يا برقوقه
لكل حادث حديث
اولا لو كنتى متزوجه يختلف الامر لو كنتى متلا بتحبى

فى حاله الزوج هناك مشاعر لا بد ان تقال للزوج ولكن هناك امور بحياه الانسان وبماضيه صعب ان تقال للزوج لكنك متلا لو قلتى ما بداخلك وما حصل معك فلن تدركى طبيعه زوجك ومدى ردة فعله تجاهك
فالماضى ماضى لن يعود ونحن ابناء الحاضر
اما عن المشاعر فلماذا لا تقال للزوج ولماذا نخبئها عنه ان كانت هذه المشاعر ترفع من معنويات زوجك وتجعله يحبك اكثر
وتجعله يشعر بك اكثر

اما لو كان هناك اى حد بقلبك بلا زواج فانصحك ان لا تبوحى باى مشاعر خاصه انه لا يوجد ارتباط وكل ما هو بلا ارتباط فهوه فى مهب الريح وحتى الخطيب ايظا ليس كل شى يمكن ان يقال له


اما ردى على القلب الطيب

اختى القلب الطيب ربنا قال فى كتابه وجعلنا من انفسكم ازواجا لتسكنوا اليها
فالزوجين سكن لبعضهم ونفس الرجل هيه نفسها ايضا اقولها من معرفتى وتجربتى بحياتى
لماذا تكون الاخت هيه القريبه او الاخ او اى حد وربنا قلنا انفسكم ولا اقرب من النفس الا النفس
فالزوج سكينه
انيس وونيس للزوجه وايضا له
فلو قلت لاختى او اى احد غير زوجى فمن ينقذنى من مشكله ما او نفسيه متعبه غير قلب حنون يخفف عنى حملى
مع ان الزوج واجب ومعك ان الزوج له مقياس معين لكن انا لم اتزوج لاشكو همى لغيره ولن اشكوا لغيره ما دام الله كتب لى انه نفسى

هل بالفعل اختى اقرب من زوجى لا اعتقد اختى جزء منى وامى انا جزء منها وزوجى هو كلى ونفسى وربنا قلى اسكن اليه فلماذا اسكن لغيره

حبيبتى الغالية سلمىىىىىىى

الزوج هو سكن ومودة وكل شىء لكن صدقينى لو الزوج عصبى الحياة بتختلف كتير انا حتى لما هو بيزعلنى بفضل انى اشتكى لاختى وافضفض معاها ولا انى اعاتبه او اتكلم معاه .......تخيلى

لازم اسكت عشان الحياة تمشى ..ده الواقع

اما اذا كان الزوج هادى وواسع الصدر وباله طويل حيكون ليكى الاب والاخ والصديق والحبيب وكل شىء

ده مش معناه ان زوجى عكس كدا بالعكس هو حنون علينا جدا وكريم ودمه خفيف وعشرى انما عصبى جدااااااا

ما بينفعشى ابدا اشتكى له حتى من نفسه او حتى من افعال الولاد بخاف على البيت اوى من العكننة والمشاكل

يبقا فالحالة دى لازم اكون كتاب مواااااااااااااااااارب هههههههههههههههههههه
ولا مفتوح ولا مقفول عشان المركب تسيييييييييييير

اشكركم على سعة صدركن يا بنات والمناقشات الجميلة اللى بينا
ويلا شدوا حيلكم عاوزين القسم ينشط وينور بمروركم

سلمى حبيبتى انا طبعا متفقى معاكى ودة كلام ربنا بس انتى بتتعاملى مع ناس مش شرط انهم بيتاعملو معاكى بنفس الطريقة
يعنى لو انا فعلا كتاب مفتوح ولزوجى مثل نفسى وهوة طبعا عاوز كدة ومفيش زوج مش عاوز كدة
تعالى بقى على الجانب الاخر وشوفى هوة بيتعامل ازاى مع صراحتك وفضفتك؟؟؟؟؟؟؟؟؟؟؟؟
انا هقولك مثل انا عشتة فعلا كنت كتاب مفتوح والله حتى احلامى كل ما تتخيلية كان فعلا ليا زى ما بتقولى كدة هوة نفسى
تعالى نشوف اية اللى كان مقابل هذة الصراحة والوضوع الغير عادى والله غير عادى
كل كلمة وكل حرف بيتاخدو عليكى بتتحاسبى حتى على احلامك
كل حرف بيتسجل وبيخرج وقت اللزوم

بجد انا بندم على صراحتى ووضوحى وعمرى ما هنسى نصيحة اتقالتلى وانا استهنت بيها
اوعى تخرجى كل مشاعرك ولا تعلمية بيها حبى زى ما انتى عاوزة حبية اوى ولكن اخبرية بقدر منها
ومش كل حاجة تتحكى
والله يا بنات مش كل حاجة تتحكى
اوعو وانا فعلا نبصحكم جميعا اوعو تكونو كتاب مفتوح

معلش سامحونى بالتاكيد كل زوجه تختلف حياتها مع زوجها
والصراحه كان زوجى كل شى بحياتي ا لصديق الاخ والاب والحبيب والعشيق واخر شى كان الزوج

كنا بنفس العمر ونفس الاحلام ونفس الكلام حتى نفس الطبيعه والشكل
فى اول حياتنا كانت هناك خلافات شديده بين المد والجزر وفجاءه تغير الحال ولاحضته منه بدأ يتعامل بطريقه هاديه جدا اذا عصبت بيكون هادى جدا وبيتستوعب منى كل عصبيتى وكان العكس كمان بيننا

لكن بعدم وجود اى حد بينا متل امى او اخته او اى انسان غريب قريب

هههههههههههههههه
واغرب شى انه كان معى قبل زواجى وكان يعرف عنى اكتر من نفسى وبعد الزواج قال لى كل شى عن حياتى وكنت بصدق اجهل كل شى ونضلمت كتير بس كان يقف بجانبى وقفه الحبيب والزوج والصديق
وللصدق لم اندم على اى كلمه قلتها له وانقذنى عده مات دون ان اعلم
ومتل ما قالت امى الانسان الكويس بيموت بسرعه والوحش بيفضل هههههههههه

ولو رجع بيه الزمان للماضى رح اختاره واختار حياتى معه

اكيد لو حبت مش لازم تقله بس انا كان اول حب ليه يعنى ما فى مشاكل ولا غيره ولا كنت اغار عليه ولا يغار عليه
جىجى القلب الطيب يمكن ما عشت كتير حياه زوجيه حتى ادرك ما سوف يحصل لكن وقعت فى مشاكل كتيره لو كان بالفعل لا يثق بى ما فضلت زوجه له لكن معرفه بطبيعتى وشخصيتى وحبه لى كان اكبر من اى شى يجمعنا
وللصدق لم اجد بقوه شخصيته وحبه واحترامه لي واحتوائه

بارك الله فيكم جميعا على ردودكم الجميله بس انا احب اقول لسلمى ان فعلا مش كل العلاقات زى بعض ولا كل البنات زى بعض وطبعا الرجاله كمان مش زى بعض انا عن نفسى رايى من رايى جى جى انى لازم احب بحذر واكون دائما غير متوقعه ويكون دائما بيتفاجا بيا ولما اكون زعلانه منه اشتكيله هوه زعلانه من حد غيره يبقى مش اجيبله هوه سيره يعنى احب بحدود ومكنش مدلوقه عليه ولازم اكون عارفه ان هوه مش كل حياتى وانه مجرد شخص فى حياتى ساعتها هكون انا عنده كل حاجه فى حياته
بس الكلام ده مش للكل طبعا
من الاخر كل علاقه ليها طريقه تعامل تختلف عن الاخرى البنت الذكيه هى اللى تفهم اللى قدمها وتعرف تتعامل معاه فى راجل بيحب يحس انه ملك حبيبته وانها ملهاش غيره وساعتها بتلاقيه بيحبها اكتر
وفى راجل تانى لو حس الشعور ده بيزهق ويبدا يتعامل معها كانها شى مسلم بيه
فلازم كل بنت تعرف طبيعه الراجل اللى معاها وتتعامل بذكاء وساعتها هتوصل للسعاده الحقيقه
العلاقات ملهاش قاعده واحده
وياريت الكل يفهم كده ومحدش يقول ان رايه هوه الصح واسلوبه صح واسلوب غيره خطا
لان كل واحد بياخد بالقاعده او الفكر اللى يتماشى مع ظروف علاقته
واتمنى يكون البنات فهموا كده ونبطل نقع فى اكبر غلطه تلاقى البنات او الزوجات بتقارن علاقتها بعلاقات غيرها وده غلط لكل علاقه ولكل راجل اسلوب مختلف فى التعامل ولو فهمنا كده هنعرف كلنا نوصل للسعاده
نقارن النتيجه ان دى سعيده وانا لا وابدا ادرس علاقتى اكتر مش اقران هوه بيعاملها ازاى وهى بتعمل ايه لكل علاقه ولكل راجل اسلوب تعامل والا مكنش يتقال علينا ان كيدهن عظيم

على فكره انا عمرى ما قصدت ان ميكونش فى ثقه او انى اخفى عنه حاجه لا انا قصدت مثلا مش كل شويه اعبرله عن مشاعرى
اتقل عليه بمعنى اخر وزى ما قلت على حسب طبيعه الرجل وطبيعه العلاقه بس فى كل الحالات لا اقول بالكذب او الخداع انا اقصد انى اتقل عليه مش اكتر ياريت تكونى فهمتينى صح انا والقلب الطيب وجى جى لان كلنا لم نقصد الكذب ابدا ابدا

واقصد كمان ان فى بنات بتلاقيها كل حاجه لازم تحكيها لشريكها وده فى حالات بيكون عادى وحلات اخرى لا مش صح بصى يعنى مثلا تلاقى البنت بتحكى موافق مرت بيها واحده صاحبتها وتقعد تحكى عن كل اللى تعرفهم فى علاقتى انا انا مش بعمل كده ابدا وهوه بيحترم ده عارفه احنا كنا فى كليه واحده اصحابنا هما هما كان اصدقاءه الاولاد اصحابى انا كمان كان صاحبه يجى يقعد يتكلم معايا كتير اوى فى موضوع يخصه هوه طبعا يجى خطيبى يسالنى فى حاجه كنت اقله لا ده موضوع يخصه هوه مش يخصنا احنا كان يقلى اوك ويحترم خصوصيه صاحبه وكان مفيش حاجه اه كان بيغير اوى بس مكنش بيعترض انى احفظ سر عنه حتى لو سر صاحبه هوه واثق فيا جدا جدا وانا واثقه فيه جدا جدا بس مش كل حاجه بحكيهاله وهوه عارف كده وبيحترم كده وهوه نفس النظام معايا يبقى فى النهايه كل علاقه وعلى حسب ايه يناسبها بس فى كل الحالات لازم يكون فى ثقه وصراحه بعرفه ان فى سر بينى وبين صاحبه يخص صاحبه بس مش اعرفه السر لكن مش بخبى الموضوع كله

ما اجمل ان تكون كتابا مفتوح مع من تحبين ومن يحبك

اخى الجندى يمكن ده رايك لان انت شخصيتك كده بس صدقنى فى رجال تانيه رايها مخالف لرايك او مش هتقول لا بس لو كانت شريكتهم كتاب مفتحوح هيفقدوا السعاده

هوه ليه مفيش رجاله قالو رائيهم هوه فعلا للسيدات فقط ولا ايه اصل راى الرجاله فى الموضوع ده مهم جدا حد يفهمنى للسيدات فقط فعلا يبقى اشمعنى الجندى المصرى رد

لا ارغب ان اكون كتاب مفتوح مع من احب
مشكورة عزيزتى

برقوقه اكيد مش رح كل شويه تعبرى عن مشاعرك بكلمات
ممكن تعبرى بالافعال
ممكن اى شى منك تعمليه من داخل قلبك يوصل لقلبه بدون كلام
معظم الرجاله ما تقدر تعبر عن مشاعرها لكن بتشوفيها بعيونه بافعاله بحركاته والكلام الكتير يصبح مستهلك وما الو اى معنى خاصه بدون افعال
ومش معقوله بس نجلس الزوج ونفقعد نحب فيه ونسمعه بس كلام

اما المواضيع التى تخص الصداقه اعتقد وااكد ان لا يعرفها الزوج لانها امانه والامانه يجب ان تصان الا اذا لزم الامر وشعرتى ان هناك مشكله ممكن تقعى فيها

اما ما قالته الدعاء الى الله فانى معها
فلو ان الرجل كان كتاب مغلق لزوجته لاكلتها الغيره وحاولت بكل جهدها ان تعرف ما يخبىء فى عقله وبالتاكيد لو كان الرجل كتاب مفتوح لها فسوف ترتاح وتثق فيه اكتر ولا يلزمها لا العتاب ولا الغيره
وبالتاكيد المؤمن كيس فطن فليس كل ما يعُرف يقال والزوجه العاقله تبنى ولا تهدم

جزاكم الله خيرا اختى سلمى

جزاكى الله خيرا يا برقوقه
موضوعك جميل جدا يا حبيبتى
بارك الله فيكى
وبصراحه انا عن نفسى متفقه جدا مع حبيبتى سلمى
انا نفسى ابقى كده بصراحه
بس فعلا الواقع غير كده بس احنا بنحاول نغيره والله المستعان
جميل اوى كلامك اختى سلمى بجد رائع ما شاء الله
كلكم ماشاء الله كلامكم جميل اختى جى جى والقلب الطيب والدعاء الى الله
والحمد لله اننا بنستفاد من ناس زى العسل زيكم
بارك الله فيكم

تانى وتالت ورابع انا رايى ان كل راجل ليه شخصيته وكل علاقه ليها طبيعتها ومفيش قاعده اساسيه فى العلاقات لازم نفهم ده كويس اللى انتى شيفاه صح ممكن يكون مناسب ليكى فى علاقتك ومع غيرك مش مناسب المهم ان فى النهايه كلنا نوصل للسعاده يا جماعه كل الطرق تودى الى روما بس كل واحد يختار الطريقه المناسبه معاه صح كلامى ولا لا عاوزه الرد على الكلام ده مش ان حد يدخل يقول رايه الشخصى او اسلوبه هوه ممكن

شكرا اختى فجر الاسلام على ردك الجميل وربنا يوفقك

اتفق معكى يا روئة جدا المشكلة ان معظمنا بيكون مقتنع وعاوز يكون كتاب مفتوح للزوج ودة ابل الارتباط وبتبداء علاقتها معاة بوجهة نظرها هى ابل ما تعرف شخصيتة ولا حتى تكتشفة من اى الانواع هوة ودة خطاء معظمنا بيقع فية
نصيحتى لكم اكتشفو شخصية شريككم ابل ما تفتحو كتبكم