عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: عاوزةأعيش قصة حب ده أمنية كل بنت الجمعة 28 نوفمبر - 17:03
بسم الله الرحمن الرحيم
أهلا بكم فى خواطرى النهاردة عاوزة اتكلم عن موضوع مهم اوى كل بنت بتمُر الا من رحم ربى طبعا يا بنات انا بنت زيكم ومريت بمراحل من عمرى كتيرة لو رجع بيا الزمن كنت هظبط فيها كتير اوى بس خلاص اليوم اللى بيعدى مبيجيش غيره والسنة اللى بتعدى محسوبة من عمرى وعمرك هكلمكم النهاردة فى أمل كل بنت فى الحياة وامنتيها الوحيدة انا عاوزة احب واتحب
عاوزة اعيش قصة حب الايام بتعدى والعمر بيفوت وانا عاوزة اتجوز واعيش حياتى بقى هو انا هفضل فى بيت اهلى كده كتير ده يأمر وده يشخط وده يتحكم قال يعنى اللى هتحبه مش هيتحكم فيها قال يعنى لو صاحبها قالها متخرجيش هتخرج ولا مترحيش متجيش اكيد هتسمع الكلام مع انه صاحبها بس لا باباها ولا ماماتها ولا اخوها يعنى من الاخر مالهوش حق عليها اغلب البنات على الحال ده دلوقت بتدخل الكلية علشان تحب وتتعرف وتصاحب مع انها المفروض داخله الحرم الجامعى (الحرم) !!!!! تبص تلاقى البنت ما شاء الله رايحة الجامعة على سنجة عشرة مش ممكن لبس ملبوس بلبيسة هيفرقع من عليها مكياج ولا اكنها طالعة من الكوافير حالا برفان ما شاء الله ريحته توصل من على بعد عشرة متر طيب ليه ده كله يا اختى !!!!!! هيكون ليه يعنى طبعا علشان اكون حلوة لنفسى طيب لما هو لنفسك مبتعمليش كده فى البيت ليه مانتى برده مع نفسك تقولك لا وهعمل فى البيت ليه طيب تانى ارجع واسال لنفسك برده !!! معتقدش انه لنفسك هو فى سبب برده بس سبب تانى ومتهيألى انت عارفاه كويس بس عاوزة اسألك سؤال يعنى لو جالك ملك الموت حالا هتقوليله استنى شويه ؟؟ ترضى تموتى على حالك ده ؟؟ يعنى لو النبى قابلك دلوقت هتقابليه وتبقى مبسوطة بيه ولا هتخافى منه وتطلعى تجرى تستخبى من منظرك ؟؟ ترضى تقابليه كده ؟؟ طيب لو الآذان أذّن عليك دلوقت وانت فى الشارع هينفع تدخلى المسجد علشان تصلى ولو هتتكسفى من شكلك ومنظرك ولبسك اللى مينفعش تقفى بيه ادام ربنا ؟؟ ترضى على نفسك كده طيب ترضى يوم القيامة تلاقى مئات الشباب اللى انت فتنتيهم بجسمك وشكلك ويوم القيامة تلاقيهم بيشاوروا عليك ويقولوا ده يارب ده اللى فتنتنى واحد يقول انا كنت خلاص هدخل فى الدين بس ده فتنتنى بجسمها !! وواحد تانى يقول انا خلاص كنت هصلى بس كل لما اجى اصلى الاقى شكلها بمكياجها وشعرها ولا حجابها الملفت ادامى فى الصلاة مش عارفه اصلى هى ده يارب اللى ضيعت صلاتى هى ده اللى خلتنى بمنظرها ادخل موقع اباحى ولا اتفرج على قناة اباحية ولا ابص على الكليبات الماجنة لما شفتها سهم مسموم دخل قلبى ولا استطيع اخراجه ترضى ... ترضى يا اختى اذا كنت ترضى على نفسك كده ياحبيبتى انا مرضلكيش ابدا تكونى على الحال ده انا خايفة عليك ولازم تخافى على نفسك يعنى هو انت فاكرة انك كده ممكن تتجوزى !!! طيب ازاى تبقى ام مربية اجيال ازاى تبقى زوجة حامله للامانه وللمسئولية لو ارتبطى انت فاكرة انك هتربتطبى بشخص يدخل جنة ؟؟ ولو قبلك كده اكيد هيوصلك لطريق تانى خالص احنا مش عاوزينه احنا عاوزين الجــــــــنة أيووووووووووووة الجـــــــنة وعلى فكرة بقى علشان تكونى عارفه وعن تجارب كثيرة سمعت عنها والله الذى لا اله غيره ما فى حب الا فى الله الحب فى الحلال انت فاكرة ان الحب ده اللى هيخلى حياتك جنة والله العظيم متهيألك صحيح هيكون جنة بس لحد قبل الجواز لو حصل واتجوزتى اللى حبيتيه ومكنش على دين صدقينى يا اختى هتتعبى اوووووى اتق الله اختى الفاضلى فى دينك وفى نفسك وفى شرفك وفى اهلك وفى زوج المستقبل متخليش لك ماضى تخجلى منه ادام ربنا اولا ثم ادام زوجك هتقوى مش هتجوز يبقى معندكيش حسن توكل على الله لانه قال وفى السماءِ رزقُكُم وما توعدون فوربِ السماءِ والارض انه لحقٌ مثلما أنكم تنطقون يعنى جوزك مكتوبلك ورزقك جايلك جايلك ووالله قصص الحب بتاع اليومين دول وهم كبير اسمه الحب المزيف تعرفى اايه اول حب اول حب لما تكونى فى الحلال لما تحسى ان كل لمسة ايه وكل كلمة فى ميزان حسناتك لأنه زوجك انما انت لو عشتى قصة حب مزيف زى ما اتفقنا بالله عليك مش لما بتيجى تنزلى تقابليه بتبقى بتستخبى لاحسن حد يشوفك من اهلك ولا قرايبك !!! يعنى انت كده من اللى ربنا قال عليها بتستخبى من الناس وربنا احق ان تخافى منه وتتقيه وتخشيه صحيح ماحدش شافك بس ربنا بصير عليم مش لما بتكلميه بتبقى موطية صوتك وعامله الموبيل من غير صوت لاحسن حد يسمعك !!! صحيح محدش سمعك لكن الله هو السميع البصير والله يا اختى ومنْ يتقِ الله يجعل له مخرجا ويرزقه من حيث لم يحتسب
هااااااااا لسه عاوزة تعيشى قصة حب لسة مصّرة على معصية الله لسة مش خايفة من عقاب الله
اختى انت مسلمة عندك حياء حافظِ عليها الحياء زينة الفتاة اوعى تضيعيه وتذكرى ما كان الحياء فى شيىء الا زانه وما انتزع من شيىء الا شانه
ويا اختى قال الله ولا مُتخِذات أخدان يعنى أصحاب وبلغة العصر بوى فرند ولا جرل فرند
انا بكلمك انت لانى عارفه انت ااااايه انت اهلك ربوكِ على الدين وعلموك ازاى تتقى رب العالمين وتحافظى على حياءك وهيبتك امام نفسك قبل الناس
وانت الاساس انت اللى بتخلى اللى ادامك يحترمك وانت اللى بتخلى اللى ادامك يحاول انه يتقربلك وتذكرى لا تخضعى بالقول فيطمع الذى فى قلبه مرض حجابك عفتك - طهارتك - نقائك
ومن ترك شيئا لله عوضه الله خيرا منه لو مصاحبة سبيه لله ووالله هيعوضك ربنا خيرا منه
حب الله حب رسول الله
novo_121 المدير الإدارى
عدد الرسائل : 15950 العمر : 42 العمل/الترفيه : محامي المزاج : الحمد لله الاوسمه : تاريخ التسجيل : 18/04/2008
موضوع: رد: عاوزةأعيش قصة حب ده أمنية كل بنت الجمعة 28 نوفمبر - 17:23
مشكورة أختي إنجي على هذه المشاركة الرائعة
انجى المسلمة مشرفه عامه
عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت السبت 29 نوفمبر - 0:36
الشكر لله اخى الفاضل وفيك بارك الله
همسة امل
عدد الرسائل : 50 العمل/الترفيه : طالبة الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت السبت 29 نوفمبر - 18:16
والله انا بوافقك بكل كلمة حكتيها وعنجد مواضيعك من اكتر المواضيع الي عجبتني بالمنتدى لانك قريبة كتير من افكاري ووجهة نظري لانو كل ده تفاهات وربنا يوفقك وللأمام دائما
انجى المسلمة مشرفه عامه
عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت الأحد 30 نوفمبر - 14:46
ربنا يعزك اختى فى الله همسة امل تشرفت بمروركم وبكلامك الرقيق بارك الله فيك اختى الغالية
troy2010 مشرف ادارى
عدد الرسائل : 1320 العمل/الترفيه : حابس نمله ومعزبها المزاج : اسألوا بينت الجران الاوسمه : تاريخ التسجيل : 14/09/2008
موضوع: رد: عاوزةأعيش قصة حب ده أمنية كل بنت الأحد 30 نوفمبر - 15:13
الاخت انجى انا مش هعارض على كلامك
بس احنا فى مجتمع مفتوح دلوقتى يعنى لو البينت او الولد ميعرفشى مثلا لكثر من 20 بينت وى العكس
هيقول عليها خايبه وكلام من ده
وانا عن تجربه انا عمرى ما فكررت اجوز وحده ملى مشيت معاها او عرفتها غير وحده
ودى مش امنيه كل بينت لوحدها وامنيه الشباب كمان
والله والله والله العظيم ماليها لزمه ان البينت تمشى مع ولد ولا الولد يمشى مع بينت
بس احنا بنشوف غيرنا بنقول ليه لا نجرب لصابت لخاببت
يلا الحمد الله على كل شىء ربنا يهدى شباب المسلمين
رولا مشرفه عامه
عدد الرسائل : 915 العمر : 36 العمل/الترفيه : معلمة رياضيات المزاج : الحمد لله الاوسمه : تاريخ التسجيل : 03/08/2008
موضوع: رد: عاوزةأعيش قصة حب ده أمنية كل بنت الأحد 30 نوفمبر - 15:18
مشكورة اختي انجي على هذه الكلمات الرائعة ويا ريت تصل لكل بنت
انجى المسلمة مشرفه عامه
عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت الأحد 30 نوفمبر - 16:16
يا اخى الفاضل اننا فى مجتمع مفتوح بحكم وسائل الاتصال الحديثة والانترنت والموبيلات وغيرها من الوسائل الحديثة وكل وسيلة لها استخدمها الحلال والحرام فلابد من استخدامها فيما يرضى الله اما بقى ان الشاب اللى ميعفرش بنت يبقى خااايب لالالا انا مش معاك ابدا الخيبة كل الخيبة هى مخالفة شرع الله عز وجل الخيبة ان ربنا يقول ولا متخذات اخدان ونروح نصاحب الخيبة ان النبى يقول اشد فتنة بنى اسرائيل كانت فى النساء واروح اعرف بنت والبنت تعرف ولد الخيبة اننا عاوزة نعايش الغرب وزى ما عرفوا ازاى يدسوا بيننا الموضة والقنوات الاباحية والمواقع الهابطة عرفوا برضوا يدخلوا عاداتهم الجاهلية بيننا بارك الله فيكم اخى وجزاك خيرا
انجى المسلمة مشرفه عامه
عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت الأحد 30 نوفمبر - 16:17
الشكر لله اختى الغالية رووولا بارك الله فيك
برقوقه عضو متميز
عدد الرسائل : 717 العمر : 39 العمل/الترفيه : انا لما حببتى هتكبر والنعمه لتاكل الجو فى جمال كده الله اكبر يا دوبك ابربش تحلو الاوسمه : تاريخ التسجيل : 05/06/2008
موضوع: رد: عاوزةأعيش قصة حب ده أمنية كل بنت الإثنين 1 ديسمبر - 5:50
كلامك فعلا صح بس زى ما قلنا لكل قاعده شواذ فعلا اغلب البنات والاولاد تفكيرهم كده بس فى شواذ للقاعده دى فى ناس بيحبوا وبيحفظوا ربنا فى علاقاتهم انا مكنتش بصلى وحبيبى هوه اللى خلانى اصلى وقربنا من ربنا مع بعض ومخطوبين ولسه بنحب بعض ومنقدرش نتنفس من غير بعض ومتافهمين جدا جدا وهوه محترم ومتدين ومش علشان كان مرتبط بيا قبل الخطوبه يبقى ميعرفش ربنا بس زى ما قلنا هى دى الحالات القليله اوى بس ليا ملاحظه صغيره انتوا بتقولوا ان دى تفاهات وحب وهم وكلام كده بس الرسول اقر وجود الحب لما قال لا ارى للمتاحبين الا النكاح صلى الله عليه وسلم يارب احفظ شباب المسلمين ويارب اللى يحب يقدر يحفظ ربنا فى علاقته موضوعك جميل ولازم نستفيد منه لان زى ما قلنا قليل اوى اللى حالاتهم زيى
برقوقه عضو متميز
عدد الرسائل : 717 العمر : 39 العمل/الترفيه : انا لما حببتى هتكبر والنعمه لتاكل الجو فى جمال كده الله اكبر يا دوبك ابربش تحلو الاوسمه : تاريخ التسجيل : 05/06/2008
موضوع: رد: عاوزةأعيش قصة حب ده أمنية كل بنت الإثنين 1 ديسمبر - 8:45
احب اقول انى طول عمرى كنت شايفه ان الحب مش حرام بس اه الحب مش حرام لكن ممارسته فى العلاقات الموجوده حاليا فى مجتمعنا حرام حتى لو فى النور وبحدود فهو حرام وانا غيرت رايى لانى اقتنعت براى اخى نوفو فى رده عليا فى موضوعى اسامه منير واحب اشكر اخى نوفو على رده اللى اقنعنى بيه واقلك يا اختى انجى انك كلامك صح وان حتى لو قصتى انا نجحه وانى سعيده فانا دلوقتى بس عرفت انها كانت حرام ويارب يغفرلى ذنبى
انجى المسلمة مشرفه عامه
عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت الثلاثاء 2 ديسمبر - 0:08
ايوة فعلا يا برقوقه ياحبيبتى النبى قال لا ارى للمتحابين الا النكاح بس النبى مكنش يعرف اللى هيحصل فى زمانا ده النبى صلى الله عليه وسلك كان يقصد الحب الشريف يعنى تلاقى الارواح اما دلوقت اغلب البنت والولاد ما شاء الله لما يعيشوا قصه حب لمس ونظرات وعبارات وممكن يوصل الموضوع لزنا كماااان وطبعا لكل قاعدة شوووواذ وارجو ان تكونى فهمتى قصثدى حبيبتى
جى جى مشرفه اداريه
عدد الرسائل : 3002 العمر : 50 العمل/الترفيه : لا اعمل الاوسمه : تاريخ التسجيل : 12/05/2008
موضوع: رد: عاوزةأعيش قصة حب ده أمنية كل بنت الثلاثاء 2 ديسمبر - 11:51
بارك الله فيكى اختى انجى وجعلة ربى فى ميزان حسناتك
انجى المسلمة مشرفه عامه
عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت الثلاثاء 2 ديسمبر - 14:07
وفيك بارك الله تقبل الله منا ومنكم صالح الاعمال اختى الغالية
فجر الاسلام اداره عامه
عدد الرسائل : 990 العمر : 38 العمل/الترفيه : ربنا ييسر المزاج : الحمد لله على كل حال الاوسمه : تاريخ التسجيل : 15/07/2008
موضوع: رد: عاوزةأعيش قصة حب ده أمنية كل بنت الإثنين 8 ديسمبر - 0:32
ومن ترك شيئا لله عوضه الله خيرا منه جزاكى الله خيرا حبيبتى فى الله موضوع جميل جدا جعله الله فى ميزان حسناتك ان شاء الله وهدانا الله جميعا الى ما يحبه ويرضاه وردنا جميعا الى الدين ردا جميلا
انجى المسلمة مشرفه عامه
عدد الرسائل : 263 العمر : 40 العمل/الترفيه : ربة منزل / الدعوة الى الله الاوسمه : تاريخ التسجيل : 27/11/2008
موضوع: رد: عاوزةأعيش قصة حب ده أمنية كل بنت الإثنين 8 ديسمبر - 3:05
جزانا واياكم كل خير اختى الغاليه ربنا يعزك ونورتييييييينى
omnia مشرفه اداريه
عدد الرسائل : 829 العمر : 29 العمل/الترفيه : طالبه المزاج : ياااااارب ارزقنى الكلية اللى بحلم بيها ياااارب الاوسمه : تاريخ التسجيل : 11/05/2009
مذكرة رحيل رحيل: رحيل
موضوع: رد: عاوزةأعيش قصة حب ده أمنية كل بنت الأحد 30 مايو - 23:39
بجد كلامك عجبنى وريحنى كتير انجى لانى كنت بحاجة ليه اوى وربنا يكرمك ويكون فى ميزان حسناتك امين
زوزو العسوله
عدد الرسائل : 7 العمر : 29 العمل/الترفيه : طالبه المزاج : متقلبة المزاج الاوسمه : تاريخ التسجيل : 09/07/2011
موضوع: رد: عاوزةأعيش قصة حب ده أمنية كل بنت السبت 9 يوليو - 2:33
فعلا ،،، الحب وهم كبير يقع فيه المراهقين والمراهقات وهذا ليس خطا لانو من الطبيعي جدا ان يمر الشباب بهذه المرحله ولكن الخطا طريقة التعامل مع هذالحب اما بطرية ترضي الله اي تكتمين مشاعرك ولاتبوحي بها لاحد وانت كذلك ،، واما والعياذ بالله غضب الله واذا احتجتم للحب الحقيقي فو الله لايوجد أجمل وانقى من حب الله جربو ان تحبوه من أعماق قلوبكم ،، نعم جميعنا يحب الله ولكن ماذا قدمنا له !!!!! اسال نفسك هذا السؤال ماذا قدمت لحبيبي؟؟!! واسفه للاطاله عليكم تسلممممممممي بجد مووضوع رااائع والاسلوب ارووع ربنا يجزيكي كل خير
عاشق الجنة مشرف عام
عدد الرسائل : 2240 العمل/الترفيه : ففروا الى الله المزاج : الحمد لله الاوسمه : تاريخ التسجيل : 06/04/2009
موضوع: رد: عاوزةأعيش قصة حب ده أمنية كل بنت السبت 9 يوليو - 10:24
شكرا ابنتى زوزو ذكرتينا باختنا الغاليه انجى ومواضيعها المتميزه جزاكم الله كل خير ودمتم لرحيل
syriangirl90 مشرفه اداريه
عدد الرسائل : 1956 العمر : 34 العمل/الترفيه : طالبة جامعية/قسم لغة عربية /سنة 4 المزاج : إذا الشعب يوما أراد الحياة .. فلا بد أن يستجيب القدر الاوسمه : تاريخ التسجيل : 25/05/2009
موضوع: رد: عاوزةأعيش قصة حب ده أمنية كل بنت الخميس 12 أبريل - 1:56
جزاكم الله خيرا وبارك بكم
omnia مشرفه اداريه
عدد الرسائل : 829 العمر : 29 العمل/الترفيه : طالبه المزاج : ياااااارب ارزقنى الكلية اللى بحلم بيها ياااارب الاوسمه : تاريخ التسجيل : 11/05/2009
مذكرة رحيل رحيل: رحيل
موضوع: رد: عاوزةأعيش قصة حب ده أمنية كل بنت الثلاثاء 10 يوليو - 16:14
الحب لا يكو الا فى الحلال حب الزوج لزوجته فقط اما اى شئ اخر حررررررررررررررررررررررررررررررررررام