ماضي زوج المستقبل يهمك ..؟؟

اظن ان الكلام فى الماضى بيثير الشك والمشاكل بين الزوجين لان اكيد اكيد كل منهم كانت ليه تجاربه وده الكلام الواقعى
فاحسن للطرفين انهم ما يجيبوش سيرة الماضى احسن علشان حياتهم تستمر وتفضل فى اسعد حالاتها
وختى الماضى بالنسبة لهم وهما متجوزين اذا كانت حصلت بينهم مشاكل سابقة ياريت ينسوهااااااااااااا
وما يفتكروش الا الحاجة الحلوة والايام السعيدة اللى قضوها مع بعض وبسسسسسسسسسسسسسسس
دة رايى الشخصى ويارب اكون صح
شكرا ليك اخى نوفو

بصوا يا جماعه الماضى مهم جدا لازم اعرف ماضى شريكى وهوه كمان يعرف الماضى بتاعى
لان ده بيكون دلاله على شخصيته وهوه هيعاملنى ازاى
ميقلكيش انتى حاجه تانى والكلام الفاضى ده لا
فى الاول انتى حاجه تانى بس مع الوقت هيعاملك زى ما بيعامل كل الناس
الماضى مهم علشان نفهم اللى قدمنا اكتر
مش علشان نحاكمهم ونسامح وننسى او لا
دى حاجه خاصه محدش ليه يدخل فيها
بس مهم اعرف ماضيه لان ده هيعرفنى شخصيتوا اكتر
واعتقد ان حاليا مبقاش فى حد بيعترض على العلاقات السابقه
دماغنا اكبر من كده يا جماعه ولا ايه

اه يهمنى ماضيه لو كان هياثر على علاقتى بيه
انما لو مثلا حاجه قديمه هو غلط فيها وندم على غلطه
يعنى عصى ربنا مثلا فى حاجه وندم لا مش يهمنى انى اعرف
انما لو غلطته هيبقى ليها اثر فى مستقبلى معاه يهمنى طبعا انى اعرف.

وشكرا لك اخى لطرح هذا الموضوع

اهه موضوع اسلوب ردى الطفوله دى اللى مجننانى
انا والله العظيم ما كنت كده كنت بكتب كويس اوى اوى بس بقالى كتير مش بكتب ولا بقرا ولا بفكر تقريبا
فنسيت الكلام بيكون ازاى
انا كنت فى كليه حقوق عمرى ما زاكرت ابدا بس كنت بعرف اكتب واعبر كويس بحيث ان الدكتور يقرا اجاباتى يحس انها منسقه وعارضه الاجابه بشكل جيد رغم قله معلوماتى فكنت بنجح لمجرد اسلوبى فى التعبير عن الاجابه
معرفش ايه اللى حصلى والله كنت كويسه