ياريت نفكر للحظه ونرد

السلام عليكم ورحمه الله وبركاته
لما راجل بيتجوز زوجه تانيه ويقول انه بيحبها محدش بيقدر يتكلم
وكتير اوى رجاله بتحب اتنين فى نفس الوقت وربنا حلل اربعه للرجال
طبعا محدش يقدر يعترض اوك مفيش مشاكل
لما الرجل بيحب اكتر من واحده بنقبل ده
لكن لو بنت حبت اتنين
مش بقول جواز لان الشرع مش بيسمح بكده لكن لو بنت حبت اتنين فى نفس الوقت
الكل بيعترض وبيقول مينفعش يبقى مش حب اساسا
واغلبكوا هيقول كده
بس براحه كده بقه وفكروا شويه
تخيلوا معايا
بنت مخطوبه لشخص حبتوا جدا جدا وحصل ظروف وانفصلوا
اتخطبت لغيره وهى لسه بتحب الاول
ومع مرور الوقت حبت التانى
اصبحت بتحب اتنين ومهياش خاينه ولا بنت وحشه
صح ولا لا
ليه بنقبل ان الرجل يحب اتنين
ورافضين مجرد فكره ان البنت تحب اتنين
فى امثله كتير اوى بتخلى البنت فى الموقف ده
مش بس البنت الخاينه هى اللى تحب اتنين
ولا انتوا رايكوا ايه
شكرا

حبيبتى برقوقة

انا حقلك على اللى جوايا بصرف النظر هو صح شرعا وعرفا ولا لاء؟

بس الحقيقة ان البنت قبل الجواز وخاصة لو كانت حالمة ورومانسية وهادية بتكون متقلبه فى عواطفها وقلبها ممكن تميل لاى حد حنون وطيب معاها ولو حبته مثلا وهية مخطوبة يبقا كدة هية بتظلم خطيبها لانها حتكون محتارة ترضى مين فيهم وتدى حبها وقلبها لمين فيهم واكيد حد فيهم ح يتظلم وكمان هية ح تكون حاسة بالذنب جدا وتكون حاسة باحساس فظيع هو الخيانة

حتقوليلى سبحان الله هو مقلب القلوب حقولك فعلا هو بيده ملكوت كل شىء بس ح نعمل ايه .ماهو كمان حرام نظلم حد على حساب حدومفيش حاجة واقعية بتقول ان القلب ممكن يحب اتنين فوقت واحد حتكون بتحب واحد اوى والتانى ممكن تكون معجبه بشخصيته او بتعوض حاجة نقصاها ما عاشيتهاش او ما حستهاش مع خطيبها

اسفة للاطالة ويارب كل الناس تقول رايها وتسلمى حبيبتى على موضوعاتك الجميلة
ياريت نفكر للحظه ونرد 18a1fd8ba2

بشكرك على ردك الجميل بس انا مفصدش ان البنت تحب الاتنين وتظهر حبها لاتنين علشان تكون مضطره انها تعدل بنهم او متظلمش حد فيهم
لا بتحب التانى جواها مع نفسها ومعلش يعنى بس لو فرضنا انها بتتعامل مع الاتنين ليه شايفين انها هتظلم حد
فى حين ان الراجل اللى بيحب اتنين ومتجوزهم محدش يقدر يتهمه بالظلم
ولو البنت بتحب الاتنين بس واحد منهم بتحبه فى صمت فين الخيانه فى كده

اولا محدش بيقول ان اللى متجوز اتنين بيعدل بينهم وصدق الله تعالى حينما قال ( ولن تعدلو)دى حاجة
واعتقد انها كافية فالرد
اما بقى عن ردى انا
صدقينى موضوع حب اكتر من شخص او انك ترتبطى بواحد واقعيا وتحبية وتحبى فى صمت الاخر
فتأكدى ان الاخر دة حلم مش حقيقة
لان الحقيقة دائما ناقصة لاننا بشر وفى احلمنا بنجد الكمال وكلنا بنحلم بالكمال ودة مش موجود غير فالاحلام
يعنى واحد حقيقة والتانى تمنى
وبعدين فى واحد بيستاهل الحب دة والتانى ضعيف ميستهلش انى حتى افكر فية
واحد جرح او استسلم او خان (دة هوة التانى )اما الاول ولازم يكون هوة الاول والاخير هوة اللى يخاف على حبة ويصونة ويتمسك بية
مش عارفة انا كدة ممكن اكون رديت عليكى ولا الرد مش وافى
اسفة للاطالى ارجو متابعة الموضوع من باقى الاعضاء
حبيبتى بارك الله فيكى وجزاكى كل الخير

برقوقه انا هقلك حاجه صغيرا اوى بس معناها كبير اوى

قلب الرجل زى البانسيون ممكن يدخل فيه كل يوم بينت
انما قلب المراه مينفعشى تدخل اكثر من رجل

أختي برقوقة من ذا الذي قال لك إن الرجل عندما يتزوج بأخرى فهو يتزوجها لأنه أحبها فالرجل عندما يتزوج بأخر فهو يتزوج بها لأحد الأسباب التالية :-
1- فرط شهوة .
2- عدم الرضا بما قسمة الله له " كان تكون الزوجة لا تنجب " .
3- تقصير من الزوجة .
4- إعجابة بشئ ما في الزوجة الآخرى .
أما أن يكون السبب حبة لها فهنا نكون قد إنتقلنا لموضوع آخر و هو خيانتة لزوجتة فمن يسمح لنفسة بالإعجاب بإمرآة آخرى غير التي قسمها الله له و تزوجها فهو في نظري خائن و لم يفعل ما أمرة الله به من إجتنابة للشبهات و للخلوة غير الشرعية و للنظر المحرم كمراحل أولى لما يعتقدة حبا .
كما أن هناك حالات تكون الزوجة هي المسئولة فيها عن ما وقع به الزوج كأن تكون هناك خلافات بينهم أو أن تكون مقصرة في حقوقة أو تسئ معاملتة أو تنتقص من رجولتة .
و من كل ما تقدم نخلص إلى أن الزواج للمرة الثانية لا يكون نابع عن الحب حسب ما كنت تعتقدين .
أما عن مسألة أن يحب المرأ سواء أكان رجل أو إمرأة لإثنين معا فأقول لكل و بكل صدق أنه لا يمكن أن تكون تلك المشاعر حب للإثنين معا فهي لأحدهما حب و للآخر إعجاب أو إععجاب بكل منها أما الحب فهو إلتئاب روحين بحيث لا تستطيع إحداهما الحياة دون الآخرى و لا يرى أحدهما سوى الآخر أما الحب بصروتة " كما ورد بمسلسل الحاج متولي " فهو ليس بحب بل هو إعجاب تسيرة المصالح و الأهواء و لا يصلح لأن يسمى حب فالحب أسمى و أقدس من أن يقتسم أو يشارك به .
أما عن مسئلة لمذا تلام المرأة لقولها أنها تحب أكثر من شخص فيرجع ذلك لمكانة المرأة في المجتمعات الإسلامية فنحن ننظر للمرأة على أنها جوهرة ثمينة يجب وضعها بمكان أمين لا يمسها فية أي سوء و أو شائبة و المجتمع ينظر إلى هذا الذي ذكرتية بالحب لإثنين على أنه شائبة وشئ غير تقليدي بل حتى إن المجتمع ينظر إلى الحب على أنه شئ غريب غير تقليدي فما بالك لو كان كما سبق و ذكرتي لإثنين أم كان هذا لتلك الجوهرة المكنونة ..

أكرمك الله أختي و هداك إلى كل ما يحبة و يرضاة

» استخدامها في مهمة ما يزيد المعرفة بهادراسة حديثة: حركات اليدين هي انعكاس فعلي لما نفكر به
» ياريت تساعدوني
» ياريت احد يسمعنى
» مقدمه ياريت نقرأها
» سوال ياريت الكل يدخل