إزاى اتعرفت على منتدى رحيل ؟؟؟

اشكرك يا عصفورة المنتدى يا رقيقة على اهتمامك الدائم بمنتدانا وسؤالك فعلا جميل ويستدعى النقاش من قبل كل اسرة رحيل

دمتم جميعا لى بخير وسعادة

مشكورة اختي عصفورة
والله سعيدة بانضمامك اختي هدير

انا تعرفت عليه بالصدفة كنت في كونفرنس للقران فاجتني اضافة من اخي الجندي
مع اني ما بضيف اي ايميل مابعرفه بس سبحان الله كويس اني ضفته يعني لو ماضفته كان مابعرفه خالص
فقلي عنه وفتحته وحبيته كتير
وبجد انا مبسوطة كتير اني معكم

جزاك الله خيرا أختي عصفورة الجنة على موضوعاتك المميزة

أول مرة عرفت منتدى رحيل ، ما كانش لي قبلها في المنتديات خالص

و لا كنت اعرف حاجة عن المنتديات !

في إيميل عندى كنت مخصصه للرسائل فقط (رسائل دعوية)

فلقيت إخوة و أخوات بيبعتوا لى موضوعات عناوينها تشدّ و معاها رابط رحيل

أدخل ألاقيهم مشترطين التسجيل أروح قافله و أخدها عناد

حتى إن بقا يتبعت موضوعات كتير كدة فبقيت ما ابصش للرسالة اصلا هههههههههههههههه

و اتخنقت ساعتها من المنتدى ده اللي يشترط عليّ إنى اسجل ههههههههههههههههههه

و ما كنتش أتوقع انى في يوم مش هقدر استغنى عنه!حقيقة و الله مش مجاملة.

في إحدى الغرف قابلت أخي الجندي المصري - قدرا- فقال لي تعرف منتدى رحيل)

طبعا كنت مخنوق منه زى ما قلت لكم !.....قلت له آه)

فعرض عليا أشترك ، فقلت له انى مش بعرف اشترك ..فمشي معايا خطوة خطوة لحد ما اشتركت و فعّل لي اشتراكى من عنده كمان.

و دخلت كتبت موضوع (حتى توارت في الحجاب)

و رغم انى اشتركت في 3 منتديات اخرى ، و عملت منتدى بعد انضمامي لرحيل بعشرين يوم سميته (ثمار الأوراق) {أعضاؤه حاليا 79 عضو و موضوعاته تقريبا 2500موضوع - طبعا موضوعاتي اللي هناك هي هي اللي هنا}

لكن و الله - مش مجاملة - مش بحس بالتفاعل الا هنا وسط اخواتي في رحيل ..و بجد اول ما بفتح الكمبيوتر بفتح رحيل اول حاجة ثم ثمار الاوراق و نسيت ال3 منتديات الاخرى !

و بجد انا ما اقدرش اعبر لكم عن مدى حبي لرحيل و اخواتي هنا اد ايه

و معلش لانى طولت اوى ...بس اعمل ايه؟... رغاااااااااااي بقا هههههههههههههههههه

بارك الله فيكى على الموضوع
انا اتعرفت على المنتدى مثل اغلب اخواتى
كنت فى كونفرانس وجائتنى اضافه من اخى الجندى المصرى
وعرفت المنتدى وبجد الحمد لله انى عرفته
احبكم جميعا فى الله

وانا كمان كنت فى كونفرنس وسبحان الله كان لسة الدرس مش بدا وواحدة من الاخوات نزلت اللينك بتاع المنتدى اخذت اللينك وانا مش اعرف دة منتدى اية ولا اى حاجة عنة وحفظتة عندى وقفلت الجهاز بدون ما احضر الدرس وبعدها بحوالى يومين فتحت المنتدى علشان اشوف هوة اية بالظبط واشتركت بالرغم من انى مش بحب موضوع الاشتراك دة بسببة بتوصلنى رسايل كتير مش عارفة اتخلص منها وكنت مقررة انى مش هشترك تانى فى اى منتدى
بس بعد ما اتعرفت على المنتدى حسيت ان ربنا راضى عنى وانة بعتلى المنتدى دة مساندة ليا
الشكر والحمد لك ربى
ااسف للاطالة
مشكورة حبيبتى عصفورة الجنة