غريب فى الدنيا

هذه الكلمات قصة حقيقية حدثت

نزلت فى دنيا غريبة - ما لاقى اهل ولا اصحاب
لقيت نفسى فى جزيرة _ حلوها مر مزروعة اشواك
يمين حية شيفانى - عايزة تنهشلى ايمانى
شمال تعالب وديابة - حلفولى والله غلابة
سلمت قلبى لكدابين - دقت اسى وعذاب وانين
مش لاقى انا ولا قلب سليم - ولا حب لاقى ولا احباب

**************************

ركبت قارب فى بحر ضياعى - وقلت اصبر يمكن الاقى
غرق المركب ومبقتش لاقى - ايد واحدة تقولى فداك
حزن يجيبنى وهم يخدنى - وعنين واقفة تتفرج
قلت انادى على خلانى - ما لقيت واحد هيفرج
فنار بنوره نورلى - سفينة جاية تلحقنى
مديتلى ايدها بكل حنان - نشلتنى من بحر الاحزان
رجعت تانى لجزيرتى - لقيت زهرة وسط السحاب

************************

دخلت مستشفى حبيبتى - سقتنى هنا زالت حيرتى
وعشت فى هواها ليالى - طيور تغرد غنا دافى
لقيت جناينى كدا جانى - على زهرة قلبى وقطفها
قالى هى مش حقك - مكتوب تعيش فى اشواكها
اللى زيك مكتوب عليهم - يعيشوا فى الدنيا اغراب

*************************

كلمات رائعة جدا

تسلم اخى الشهاب على ابداعاتك المتميزة