الفصل الرابع من قصة يعنى ايه حب

الفصل الرابع من قصة يعنى ايه حب
**( الحب !! يعني إية حب ؟؟)**
- الفصل الرابع تحت عنوان :-
***( العطاء , التضحية , الإيثار )***
- تعالوا نشوف سها و ماجد في التليفون :-
- سها :- دودي باين عليك رايق و فايق كده , انا عندي صداع من كتر الكلام على فكره ..
- ماجد :- يعني عاوزاني اقفل ؟ مفيش مشاكل يا سوسو , انا اسف اني بصدعلك دماغك ..
- سها :- انت زعلت مني يا دودي , انا بهذر معاك , بس ممكن نتكلم في اي حاجه تانيه , فاكر من اول يوم عرفتني فيه لحد انهارده ؟؟؟
- ماجد :- طبعا و دي ايام تتنسي , فاكرها زي ما انا فاكر كل لحظه بعيشها معاكي ...
- سها :- فاكر لما دخت جامد و انا في المحاضرة و انت قابلتني على السلم , و اخدتني على الدكتور و جبتلي الدوا و عصير .....
- ماجد :- فاكر طبعا , كل اليوم من اولة لأخرة ....
- سها :- فاكر كمان لما كنا طالعين رحلة شرم و كنت تعبانة جدا و انت قمت من على كرسيك اكتر من خمس ساعات علشان تسيبني امدد على الكرسيين , انت استحملت خمس ساعات واقف يا دودي ...
- ماجد :- و اقدر استحمل مليون ساعة واقف كمان ....
- سها :- فاكر فاكر لما اتخانقت مع بابا و مرضيش يديني فلوس اشحن الموبايل و انت جبتلي كارت شحن على حسابك علشان الخط ميفصلش و الشركة تقطعه ....
- ماجد :- اه طبعا فاكر , لأني وقتها كان ميعاد شحني انا كمان و قسمت فلوس الشحن على كارتين , ليا و ليكي ...
- سها :- فاكر لما كنت مش فاهمه حاجه في مادة الدكتور اسماعيل , وانت قعدت اسبوعين كاملين تشرحلي الماده دي بدل ما تحضر محاضراتك , كنت تقعد معايا في الجنينة في الكليه علشان تخليني انجح في الماده ..
- ماجد :- في الترم ده انا شلت ماده بسبب اني كنت بزاكرلك اكتر ما بزاكر لنفسي ....
- سها :- فاكر لما بابا شال عدة التليفون من اوضتي علشان الفاتورة جت غالية , و قاللي ان انا اللي بتكلم كتير و عقابا ليا شال عدة التليفون من اوضتي ...
- ماجد :- اه !! تاني يوم اشتريتلك عدة تانيه صغنتوته اوي علشان تخبيها تحت المخده و نتكلم سوا براحتنا ...
- سها :- فاكر لما كان بينا ميعاد على الكورنيش و انا إتأخرت عليك ساعه و نص بحالهم و الجو كان مطرة شديده اوي , و انت فضلت واقف تحت المطرة مستنيني ..
- ماجد :- كنت خايف يكون حصل حاجه ليكي في الطريق , و انتي موبايلك كان مقفول و كنت هموت و اعرف اللي حصل ......
- سها :- فاكر لما طلبت منك ورق الماده اللي كنت بمتحنها , و انت جبته من واحد صاحبك , فاكر اليوم ده ؟
- ماجد :- اكيد , كان عندك الصبح امتحان و انتي طلبتيني الساعه 12 بالليل تقوليلي الحقني الورق اللي هذاكر فيه ضايع و مش لقياه و هسقط , و قعدتي تعيطي في التليفون ...
- سها :- ليلتها انت قعدت تدور على حد يكون من دفعتي , و نزلتله البي و اخدت منه الورق ...
- ماجد :- اه , و بعدها مكنش فيه و لا مكتبة فاتحه علشان اصور الورق فيها , و طلبت واحد زميلي ابن خالتة عنده مكتبة و نزلناه من بيته يفتح المكتبة و يصور الورق , و جبتهولك على الساعه اتنين و نص .......
- سها :- فاكر لما كنت تعبانة اوي , و بابا و ماما كانوا مسافرين و انت فضلت معايا على التليفون اكتر من 12 ساعه علشان تطمن عليا و تونسني ....
- ماجد :- فاكر طبعا , يوميها كل اصاحبي زعلوا مني علشان منزلتش ليهم و كمان كان حفلة عيد ميلاد هيثم و مرحتش و فضل مقموص مني اسبوعين ..........
- سها :- فاكر بقى يوم ما .......................
- و استمرت سها تقول فاكر و ماجد يقول طبعا فاكر ........
- ماجد :- انتي ليه بتفتكري كل ده دلوقتي مخصوص ؟
- سها :- علشان افتكرت دلوقتي قد ايه انت ضحيت علشاني و فضلتني على نفسك كتير و كمان اعطيتنب كتير من وقتك و فلوسك و تعبك و سهرك
...........................................
- .........................................
- ما تيجوا نقرأ سوا التعليق :-
......................../ باسم فوزي ( الجنايني )

**( الحب !! يعني إية حب ؟؟)**
- الفصل الرابع تحت عنوان :-
***( العطاء , التضحية , الإيثار )***
- يا ترى قيمة العطاء و التضحية و الإيثار في الحب إية ؟
- و هل مفهوم سها عن التضحية و العطاء هوه بس اللي سمعناه من مواقف بينها و بين ماجد ؟
- اعتقد ان التضحية و العطاء حاجه تانيه خالص غير موضوع سها و ماجد .....
- الايثار يعني لو شفت شخص يهمني امره محتاج حاجه تخصني , بعطيها ليه دون ان اراعي مدى النقص اللي هحس بيه ....
- الايثار اني اعطي الكثير مما احب من اجل من احب .....
- و كمان الايمان مش بيكتمل من غير ما انفق مما احب .........
- ( و انفقوا من طيبات ما رزقناكم ) ( اعطوا الطعام على حبة )
- مفهومنا عن الايثار و التضحية لازم يكون اعمق و اشمل من كده بكتير ......
- سها فهمت ان ماجد وقت ما كان بيضحي بوقته علشان يذاكر ليها , كده يبقى بيضحي علشانها .....
- فهمت انه لما يكلمها على التليفون 12 ساعه علشان يونسها , كانت دي تضحية .....
- فهمت انه لما يشحنلها الموبايل يبقى بيضحي .....
- طيب بأي حق ماجد اعطاكي الفلوس و كارت الشحن ......
- لما ربنا امرنا بالعطاء و الايثار كان المقابل جنة الفردوس ....
- لكن لما ماجد يعطيكي الاموال يا ترى المقابل هيكون ايه ؟
- تفتكري المقابل هيكون مجرد شعورة بالحب منك ليه ؟
- المقابل يا سها كان معصية بترتكبيها كل يوم معاه .....
- المقابل كان حيائك و ايمانك بالله و تعاليم الاسلام .....
- المقابل كان قصة حب وهمية و مليانه معاصي .....
- اهلك و زوجك بس هما اللي من حقهم العطاء المادي ....
- لكن غير دول مفيش عطاء مادي مسموح بيه .....
- ماجد لما ضحى بوقته علشان يزاكر معاكي .. كان المقابل معصية بتاخديها و انتي قاعده معاه .....
- ماجد لما وقف في الاتوبيس علشان ترتاحي انتي و تمددي , كان المقابل وقت طويل عصيتي فيه ربنا معاه في الرحلة ......
- التضحية و الايثار بتكون في الخير و بس ,, مهما كان نوع التضحية , لو بيجي من وراها معصية في المقابل , فوقتها بتكون مش تضحية , بيكون اسمها خطيئة ........
- الايثار لو بين زوج و زوجته بيكون وقتها حق من حقوقك على زوجك , لكن لما تكون بينك و بين واحد عايشه معاه قصة معصية و خطيئة , بيكون اسمها اغراض دنيئة مش ايثار ..........
- عاوزاه يضحي في سبيلك و يؤثرك عن غيرك , يبقى خلية يتجوزك او يسيبك في حالك و يسيبلك المجال لطاعة ربنا و البعد عن المعاصي .....
- يا ترى عرفنا الفرق بين التضحية و الايثار و العطاء بين طرفين مش مسموح ليهم بالمفاهيم دي , و بين شخصين كان العطاء و التضحية في حياتهم امر من اوامر الاسلام عليهم ...؟
- الحب فعلا عطاء و تضحية و إيثار الغير .....
- لكن لما يكون الحب بين زوجين او بين الاهل او يكون العطاء ده لوجه الله تعالى ........
- عرفنا انهارده كمان اركان اساسية من اركان الحب و اللي بيتكون بيها حب حقيقي ......
- عرفنا ان الحب اخلاص و صدق و تعاون و مشاركه و تضحية و عطاء و إيثار .......
- لسه فاضل معانا اركان كتير من اركان الحب الحقيقي .....
- دائما مع / اسرة حب في الله
............../ اسرة قصة حب من واقع الحياه
................................../ باسم فوزي ( الجنايني )

الايثار يعني لو شفت شخص يهمني امره محتاج حاجه تخصني , بعطيها ليه دون ان اراعي مدى النقص اللي هحس بيه ....
- الايثار اني اعطي الكثير مما احب من اجل من احب .....
- و كمان الايمان مش بيكتمل من غير ما انفق مما احب .........
- ( و انفقوا من طيبات ما رزقناكم ) ( اعطوا الطعام على حبة )
- مفهومنا عن الايثار و التضحية لازم يكون اعمق و اشمل من كده بكتير ......

انا من اشد المعجبات بالقصص دى يا اية

وبقراها ومتابعاها وعجبانى جدااااااااااا

ومنتظرة باقى الاحداث بشوق

دمتى حبيبتى بخير وسعادة

تكرمى اختى الجميله القلب الطيب
وشكرا انك مهتميه بقصصى
عنجد انتى انسانه رائعه
جزااااكى الله خير بما تعملين
ونفعك به دنيا واخره
اللهم امين

الفصل الرابع من قصة يعنى ايه حب 51

AYA FLOWRS

تكرم اخى الفاضل نوفو على مرورك العطر
جزااااااك الله كل خير

الفصل الرابع من قصة يعنى ايه حب 37

AYA FLOWRS