تعبتى من شغل البيت ونفسك حد يساعدك ؟؟الحل هناا

ازيكم يا بنات

تعبتي من شغل البيت

الشغل كتير عليكي ومش ملاحقة على شغل البيت

وحاسة انك مش قادرة تعملي حاجة في البيت

كنس

ومسح

وطبخ

وتحضير الاكل للاولاد

وغسيل المواعين

وغسيل اللبس

وكوي اللبس بعد غسيلها

وتنفيض وتلميع

وتربية الاولاد

وطلبات الزوج او والدك ووالدتك

واخر اليوم تلاقي نفسك مجهدة جدا ونفسك السرير ييجي لغاية عندكوتقومي تاني يوم في نفس الموال برضه

انا بقى بصراحة كنت باعاني برضه من تراكم شغل البيت عندي

وبقيت باتعب من اقل حاجة ويدوبك اروق الشقة سريع سريع

واجهز الغدا واغسل المواعين وخلاص على كده

ونفسي انفض وامسح مبقدرش والاقي اليوم خلص بسرعة

وتعبت من شغل البيت اليومي

فافتكرت حاجة كنت عرفتها من كذا سنة وكنت باعملها من زمان

وكنت والله اقوم نشيطة واعمل كل شغلي بسهولة بس بقالي

شهور كتيرة ناسية الموضوع ده

فالحمد لله ربنا فكرني بيه من تاني

ورجعت تاني اعمله من كم يوم

والحمد لله بقيت أقوم انشط من الاول واخلص شغل البيت اللي

ورايه ومش ابتعب اوي زي الاول ما شاء الله لا قوة الا بالله

وقلت كويس اني افتكرت الموضوع ده قبل العيد علشان اعرف

انفض وامسح كويس

ايه بقى الموضوع اللي باقول لكم عليه ؟

إيه هو يا ترى اللي يخليكي تعملي شغل بيتك بسهولة ويسر

وبدون تعب ؟!

تجيبي خدامة تساعدك ؟

بس الخدامة هتكلفك كتير عايذه مرتب كبير كل شهر يعني

تخلصي من الارهاق البدني تدخلي في ارهاق مادي

طيب تعملي ايه ؟

هاقول لك على حاجة بسيطة ومش مكلفة واحسن لك من

الخدامة !!!

من كم سنة سمعت حديث عن رسول الله صلى الله عليه وسلم

وجربت الكلام اللي ورد في الحديث وفعلا بقيت الحمد لله باقوم

نشيطة واعمل كل شغل البيت واليوم اللي انسى اعملها والله

تلاقيني مش نشيطة وكسولة وعندي خمول

ايه هو الحديث ده ؟

حديث جميل جدا وتطبيقه سهل اوي

كانت السيدة فاطمة -رضى الله عنها- تقوم على خدمة زوجها

وأولادها، ورعاية البيت، فكان يصيبها التعب والمشقة، وقال

عنها زوجها على بن أبى طالب: لقد تزوجتُ فاطمة وما لى ولها

خادم غيرها، ولما زوجها رسول الله( أرسل معها بخميلة ووسادة

أدم حشوها ليف، ورحاءين وسقاء وجرتين، فكانت تجرُّ بالرحاء

حتى أثَّرت في يدها، واستقت بالقربة حتى أثَّرت القربة بنحرها،

وكانت تنظف بيتها حتى تغبر ثيابها، وتوقد تحت القدر حتى

دنست ثيابها. وكانت السيدة فاطمة -رضى اللَّه عنها- تشكو

الضعف، وتشارك زوجها الفقر والتعب نتيجة للعمل الشاق الذي

أثَّر في جسديهما. وعندما جاءت أباها لتطلب منه خادمة تساعدها

في العمل لم تستطع أن تطلب ذلك استحياء منه، فتولى الإمام

على عنها السؤال وهى مطرقة في استحياء. لكن الرسول ( قال

لهما في رفق وهو يقدر حالهما: "ألا أدلكما على ما هو خير لكما

من خادم؟ إذا أوتيما إلى فراشكما، أو أخذتما مضاجعكما، فكبِّرَا

أربعًا وثلاثين، وسبِّحَا ثلاثًا وثلاثين، واحمدا ثلاثًا وثلاثين، فهذا

خير لكما من خادم" [البخاري].

شفتوا يا بنات السيدة فاطمة تعبت من عمل البيت وجاءت الى

الرسول تطلب منه خادمة وكانت قد علمت انه هناك رقيقا قد اوتي

بهم إلى الرسول صلى الله عليه وسلم ومع ذلك لم يعطها منهم

شيئاً وهي من أحب أهله إليه ، بل علمها ما هو خير لها مما

سألته حيث أمرها أن تسبح عند النوم ثلاثاً وثلاثين وتحمد الله

ثلاثاً وثلاثين وتكبره أربعاً وثلاثين .

يعني رسولنا صلى الله عليه وسلم كان يستطيع أن يعطي ابنته

الحبيبة خادمة تخدمها وتريحها من عناء العمل ولكنه صلى الله

عليه وسلم علمها هذا لانه يعلم ان هذا الذكر افضل لها وخير لها

من الخادم

ليس هذا فقط ، بل إن من يداوم عليه يجد قوة في بدنه تغنيه عن

الخادم

فعلا والله صدقت يا رسول الله .

والله عن تجربة في اليوم اللي اذكر ده قبل النوم اصحى نشيطة

وشغل البيت سهل لكن الايام اللي بانسى فيها باقوم واكون

كسلانة واطبخ واروق واغسل بالعافية

والله صدقت يا رسول الله .

وجربي وانتي تعرفي الفرق بنفسك

قبل ان تنامي "سبحي ربك ثلاث وثلاثين واحمدي ربك ثلاثا

وثلاثين وكبري ربك اربع وثلاثين وتلك مائه كامله

وستصبحي باذن الله في قوه ونشاط

وبركه من الوقت

وهذا خير من خادم

حقيقي انا بجد جربتها وسبحان الله لما باقولهم بالليل قبل ما انام

باقوم تاني يوم والله باشتغل ولا اتعب لكن لما بانسى اقولهم

باتعب وباكسل اعمل حاجات كتير

( وما ينطق عن الهوى )

صدقت يا رسول الله

صلى الله على محمد صلى الله عليه وسلم

جربوها يا بنات وهتلاحظوا الفرق

وبصي علشان متناميش قبل متقوليها اول لما تنامي على سريرك

قوليهم على طول وبعدين قولي اذكار النوم وشوفي تاني يوم

الفرق وجربي وتعالي قولي لي الفرق

وكمان بقى ياريت لو بعد لما تصحي الصبح تاخدي كوب ماء

عليه ملعقة عشل نحل تدوبيها في الماء بملعقة عكس اتجاه

عقارب الساعة

يااه بقى عملتي الذكر اللي وصانا بيه الرسول اللي خير لكي من

خادم وقمتي شربتي كوب ماء بعسل اللي بيعطي النشاط

والحيوية هتشوفي بقى هتخلصي شغل بيتك بكل سهولة وبدون تعب او ارهاق

واعملي ده بس بيقين وده عن تجربة لي والله

وربنا يعينكم كلكم على شغل البيت وتربية الاولاد

~~~~~~~~~~~~~~~~~~

ملاحظة.-منقول حتى تعم الفائدة

أنا عن نفسي عايزة اعمل بالموضووع يارب يقوينا يارب على

ذكره وشكره وحسن عبادته

بس لاتنسوا بكل يوم حبيباتي اخلاص النية لله نريد الاجر حتى

واحنا بنظف البيت

ربي يبارك فيكن يارب وبالله تدعوا لي

تعبتى من شغل البيت ونفسك حد يساعدك ؟؟الحل هناا 1%20(13)

تعبتى من شغل البيت ونفسك حد يساعدك ؟؟الحل هناا 1%20(13)

انت عسلللللللللللل جدا ياقلب ياطيب ان شاء الله هجرب وهقولك بس انا لسه منضفه البيت يوم الجمعه مش مهم يلا اهو نشاط وخلاص شكراااااااااااااااااااااااااااااااااااااااااا

انتى اللى عسل والله يا شيمو وموضوعى نور بوجودك

» نفسك الناس تحبك ونفسك تدخل الجنة بعمل يسير جدا؟
» مضغ الطعام جيداً يساعدك على خفض الوزن
» هذا هو الحل نعم لك يا غزه
» مشكلة لدي الرجاء الحل
» المشكلة فى النسيان فما الحل