يوميات بنت مصرية عايزة تتجوز الجزء الثانى

زائر

يوميات بنت مصريه عايزه تتجوز الجزء الثانى

البت نهى اتخطبت....

لقد...نزل...علينا...الخبر....كالصااااااااااااعقة

البت السهنة ..ولا تقول و لاحسينا بيها..ولاسمعنالها لا حس و لاخبر..قال ايه نسيبها يوم نيجي التاني نلاقيها دخلالنا و واقفة في وسط الصيدلية

و هووب رفعتلنا ايديها اليمين و الدبلة بتلمع فيها
[/b]
مش تباركولي يا جماعة انااتخطبت[/b]
الصيدلية اللي كانت في حالة حركة فجأة كل حاجة فيها وقفت في مكانها زي ماتكون بتتفرج على شريط فيديو و هنج فجاة عشان الهيد عايز يتمسح.

.كل حاجة وقفت حتى المرضى على الشباك وقفوا و بحلقوا و هما مش فاهمين" كأنهم بيقولوا"الجماعة دول ممكن حد فيهم يتخطب بجد"؟؟؟"

شوية و الكل لفلها ببطء وعينيهم مبرقة و البت رجعت خطوتين لورا استعدادا للجري ..و فجأة انطلقت زغروتة مدوية كان مصدرها -طبعا- مدام سندس

..ماهي مش خسرانة حاجة... و بعد ماانطلقت مدام سندس وخدت البت بالحضن و احنا بصينا لبعض على أساسا

ان منظرنا هيبقى مش لطيف لو مارحناش و هنيناها دلوقت..راحت كل واحدة فينا مطلعة من شنطتها الإبتسامة اللي شايلاه اللمناسبات

اللي زي دي-حلوة الحتة دي مش دي الإستعارة المكنية بتاعت النحو زمان؟-والكل راح و هو عاصر على نفسه 12 كيلو لمون

عشان نهني و نبارك بالمناسبةالسعيدة..قال سعيدة قال[/b]
و البت عماله كل شوية ترفعلنا ايديها في وشنا كأنها نفسها تحط صابعها في عيننا..خلاص خلاص شفنا يا امي خلاص

..مش كده يعني مانتيش اول واحدة تتخطبي
[/b]
طبعا بعد موجة التهاني اللي جايةمن..القلب طبعا
.[/b]

عدى اليوم و كأننا في فيلم من أفلام الزميل الراحل شارلي شابلين..فيلم صاااامت مافيش غير نهى عماله توشوش

مدام سندس و يضحكوا و يرجعوايتوشوشوا و يضحكوا..آه ماهم خلاص هما الإتنين مرتبطشين زي بعض و كل واحدة ليهاراجل[/b]

.بقية الصيدلية بأه..أجاركم الله..البت سماح كل شوية تقوم تقف في الشباك نقولها مالك ترد علينا

مخنوقة ..مخنوقة مش عارفة آخد نفسي
[/b]
البت نيفين -ولأول مرة في تاريخ وزارة الصحة-تتعاطف مع المرضى و تكلهم بالراحة..تقريبا قالت يمكن دعاوي المرضى

اللي بيدعوها عليها لما بترمي العلاج في وشهم تكون هي السبب في وقف حالها

فقالت تغير الخطة و تخليها 4-2-4 يمكن ربنا يفك النحس[/b]

البت سمر بأه هي اللي قلقتنا قوي كل شوية تروح ناحية علبة سم الفران اللي في المخزن

وتبصلها بصات غريبة كده و ده اللي خلانا طول اليوم مراقبينها و عمالين نبعدها عن أي كوباية شاي بتاعتها

أو بتاعة نهى و ما ارتحناش غير لما بعدت عن السم و راحت تلعبب المقص..المقص سهل

..هتعور حاجة هنقدر نلمها ..لكن سم الفران ده نعمل فيه ايه؟

أنا عن نفسي كنت فرحانة...آه فرحانة فيه حاجة؟؟...البت صحيح سهنة

و غلاوية و سماوية و خبيثة ..بس زميلة كفاح يعني.

و صحيح انا بقيت باعتبر أي حالة خطوبة او جواز على سطح كوكب الأرض إهانة شخصية في حقي..بس خلاص بأه يمكن تكون اول الطابور و الكل يكر وراها.

وصحيح احنا قلنا كده لما مدام سندس اتجوزت من 4 سنين..لكن يمكن كل 4 سنين واحدة..بالمعدلده هنحتاااااج

"4*13"

يعني.... 52 سنة على مانخلص لدستة البنات اللي في الصيدلية ..لكن برضه أهو يبقى فيه أمل

زائر

عدى
اليوم اللي كان اطول يوم في تاريخ البشرية و كل شوية ترميلنا فيه

معلومة.

.أصل حسام..ده يبقى اسم المأسوف على شبابه

أصل في المستشفى بتاعته..يعني دكتور

أصل مامته الله يرحمها..و كمان مالكيش حماة ..يابنت المحظوظة

و فجاة في آخر اليوم تلتفتلنا بكل بجاحة قال و تقولنا

عن إذنكوا بأه يا جماعة أصل حسام هيجييوصلني بالعربية بتاعته

كام نظرة من تحت لتحت على 3-4 أصوات لمصمصة شفايف انطلقت من انحاء الصيدلية و راحت مكملة الجملة

ماتيجي يا مدام سندس نوصلك فيسكتنا

طبعا ماهي دي المضمونة بقيتنا خطر على المحروس...

نزلت الهانم جري واحنا وراها بنتدألج علسلم و بنوقع كل حاجة في طريقنا المرضى

و الموظفين حتى الشجر البلاستيك اللي قدام أوضة المدير ..عشان نلحق نتفرج ع المحروس و على عربيته

الواد مش وحش ..شغال يعني..هو صحيح رفع القلم الرصاص

و كل شوية يلحق البنطلون قبل مايقع منه و ودانة واضح انهم واخدين موقف شخصي

من بعض أو محترمين دماغه جدا لدرجة انهم واقفين الوقفة السودة دي..لكن خلقت ربنا يعني
صحيح لابس نضارة كعب شفشق مش كعب كوباية و كبيرة لدرجة انها مش بس بتعالج نظرة دي أكيد كمان بتعالج حواجبة و خدوده
لكن راجل ..هو حد لاقي رجالة محترمة اليومين دول

العربية صحيح مش عربية 16-اللي هي 4*4 بسانا باحب أختصر

-لكن عربية فخمة برضه 128 حمرا موديل 79..و البنت قعدت جنبه فيالعربية

ولا كإنها قاعدة جنب ابن رئيس مراجيح مولد النبي و بصتلنا بصه كلها غل وتشفي

و مدام سندس ركبت وراها..الهي يشوفك الباشمهندس الشافعي و يطين عيشتك يارب

أما روحت البيت و حكيت لماما بصت للتليفون و هي بتفكر و مدت إيديها

و بدأت تطلب في رقم أنا حافظاه كويس قوي..رقم طنط حشرية

مديت ايدي و وقفتها قبل ماتكمل و بصينا في عينين بعض و انا باقولها بعمق و تأثر

لا يا ماما...لأ.. لسه ماوصلتش للدرجة دي

هههههههههههههههههههههههههههههه

منقووول لرسم البسمات

عسسسسسسسسسسسسسسسسسسسسل

والله جميلة اوىى

تسلمى ياقمر ومستنين باقى القصة

زائر

ربنا يسعدك اختى مروة

مشكوووورة اخيتى لمرورك الكريم بالموضوع

وان شاء الله قريب اووووووووى هنزل الباقى

بوركتى اختاه

جزاك لله خيرا وجعلها في ميزان حسناتك

جميله جدا اختى ياسمين وعجبنى جدا لدرجة انى فكرت ارد بموضوع مشابه بس عن الفتى

حقيقى ضحكت من كل قلبى
شكرا لكى اختى ياسمين على كل ماتقدميه لاسعادنا
ونلتقى مع
يوميات شاب من مصر عايز يتزوج

زائر

المهندس كتب:: جميله جدا اختى ياسمين وعجبنى جدا لدرجة انى فكرت ارد بموضوع مشابه بس عن الفتى

حقيقى ضحكت من كل قلبى
شكرا لكى اختى ياسمين على كل ماتقدميه لاسعادنا
ونلتقى مع
يوميات شاب من مصر عايز يتزوج

الشكر لك انت اخى الكريم لمرورك وقرائتك الموضوع وتعليقك الجميل

ربنا يسعدك اخى المهندس

وحقيقى يوميات شاب من مصر عايز يتجوز

جميلة جداااااااااااااااااااااااا

واسلوبها راااائع وخلتنى اضحك فعلا

مشكوووووووووور اخى المهندس