أتدرون بمن يذكرنى اوباما؟؟

السلام عليكم ورحمه الله وبركاته
النهارده يا جماعه هتكلم عن زيارة اوباما لمصر مع انها متأخرة اوى بس عشان الامتحانات
الموضوع وما فيه ان كل الكلام اللى قاله السيد اوباما ضحك ع الدقون واى دقون لا دقون المصريين اللى اول ناس صدقوه حتى فى مشايخ كمان صدقوا الخرافات والمزاعم دى

يعنى اوباما وحاشيته فضلوا يحضروا الخطاب بيشكل يجعل المسلمين يصدقوه ويشربوه كمان
واحنا مكلفناش نفسنا نفكر حتى فيه.. حقيقى ونعم العقول!
عشان كده بالظبط فكرنى اوباما بنابليون المجرم
ها فاكرين نابليون ولا افكركم لما دخل مصر عمل ايه
فعندما دخل نابليون مصرجمع العلماء والمشايخ وألقى فيهم خطابًا تاريخيًا استفتحه بالبسملة, استشهد فيه بالآيات القرآنية قائلاً: (بسم الله الرحمن الرحيم.. لا إله إلا الله، لا ولد له ولا شريك له في ملكه.. أيها المشايخ والأئمة قولوا لأمّتكم أن الفرنساوية هم أيضًا مسلمون مخلصون، وإثبات ذلك أنهم قد نزلوا في روما الكبرى وخرّبوا فيها كرسي البابا الذي كان دائمًا يحث النصارى على محاربة الإسلام، ثم قصدوا جزيرة مالطا وطردوا منها الكوالليرية الذين كانوا يزعمون أن الله تعالى يطلب منهم مقاتلة المسلمين
ها يلا افتكروا بعدها ايه اللى حصل
ولا حاجه يا دوب دخل الازهر وخرب فيه وجعله اسطبل لجنوده وذبح واراق دماء المسلمين فيه فلما يجى الناس اصحاب العقول يحللوا هذا الخطاب هيفهموا ع طول انه نسخه طبق الاصل من الطريقه اللى دخل بيها نابليون ع مصرطبعا فى ناس هتقول يا جماعه انتوا ناسيين انه اصله مسلم اكيد برضو هيبقى بينه وبين المسلمين معامله تانيه وكمياء خاصه عن اللى سبقوه هرد واقول ومتنسوش برضو انه رئيس امريكا وامريكا دى ليها سياسه خاصه وان اللى ماسكها اللوب الصهيونى فالسيد اوباما كان يلقى خطابه فى الوقت الذى كانت فيه الطيارات والاليات الامريكيه تدك المسلمين دكا فى افغانستان وباكستان والعراق وغيرها من بلاد المسلمين

باختصار شديد جدا لو قارننا بما حدث فى الماضى هنلاقى ان نابليون اصبح اوباما والمماليك اصبحوا الارهاب والمصريين هم انفسهم المصريين
لكن فى فرق كبير اوى بين مصريين زمان ومصريين دلوقتى تعرفوا ايه هو؟مصريين زمان مصدقوش نابليون ومدخلتش عليهم اللعبه لكن مصريين دلوقتى ما شاء الله صدقوها وشربوها كمان
أسأل الله تعالى ان يبدلنا خيرا ويعوض علينا
وينصر الاسلام ويعز المسلمين فى جميع بقاع الارض

أتدرون بمن يذكرنى اوباما؟؟ JyzaYnlVEYDA