موضوع حساس وشائك جدأ جدأ زمطروح للمناقشة

السلام عليكم و رحمة الله و بركاتة
الحقيقة الموضوع الي حتكلم فيه حساس جداو شائك جدا جدا لكن في نفس الوقت هو خطير جدا و ان دل علي شئ فانه يدل علي ان معظم العرب علي وجه العموم و المصريين علي وجه الخصوص مصابين بمرض انفصام الشخصية , وبيدل ايضا علي انهيار القيم و المبادئ في المجتمع و ان الدين بالنسبة للمسلمين ركعتين و حجاب و برنامج فتاوي علي الفضائيات 90% بتتكلم عن امور ثانوية جدا في حين ان الامور و القيم الاساسية في الدين منهارة تماما.
دراسه:

اما بالنسبة للدراسة هي دراسة عملها موقع جوجل عن اكثر المواضيع التي يبحث عنها الشباب المصري علي الانترنت و اللي غالبا لا تختلف اهتماماته عن اهتمامات الشباب في اغلب البلاد الاسلامية - الدراسة بتقول ان اكبر كلمه يتم البحث عنها علي الانترنت هي كلمة - سكس - يليها اغاني ثم افلام . طبعا انا متأكد ان الموضوع مش مفاجأه لنا و علي الرغم من ده مثل لى اناشخصيا صدمة كبيره جدا و الحقيقه انا أتأكدت من ده بنفسي فيgoogle trend و الكارثه الاكبر ان الدول الاسلاميه بما فيها تركيا و باكستان هم الاكثر بحثا عن هذه النوعية من المواضيع في العالم كله.
بريد:
بالنسبة لبريد الجمعه اللي نسبه كبيره جدا من المصرين بتتبعه من سنين طويله , في الفتره الاخيره احتوي علي رسائل كتير مضمونها الخيانه عبر الانترنت من خلال ممارسة الجنس عبر برامج الشات و المصيبه ان بعض اللي بيعملوا كده متزوجين يعني المفروض انهم مش محتاجين لمثل هذه الامور

مواقف:

بالنسبة للمواقف اللي بتحصل من خلال برنامج الما سنجر اكثر الشباب الا من رحم ربي متصور انه طالما بيتكلم مع بنت عبر الانترنت يبقي كل شئ مباح و الغريب في الامر ان الشاب بيتصدم من موقف البنت الي بترفض تتكلم في الامور دي و لو عليه حيقولها "امال انتي داخلة النت ليه " و كأن المفروض علي كل مستخدمي الانترنت انهم داخلين لممارسة الرذيلة علي الانترنت.

بعد ايضاح اسباب فتح هذا الموضوع نبدأ في الحديث عن دلالاته
-1من المفترض ان المسلمين هم اكثر الناس تمسكا بدينهم و عقائدهم والعلاقات الغير مباحه بمختلف اشكالها و مسمياتها تعتبر من الكبائر في الدينالاسلامي و رغم ذلك انتشارها علي الانترنت يدل علي عكس ذلك.
-2 الطبيعة القبليه في المجتمع العربي (القبائل و العائلات) تسببت في جعل المجتمع العربي اكثر محافظه لان الناس عارفه بعضها و دايما بينسبه الشخص لعائلته و قبيلته و طبعا ده بيجعل الشخص محافظ اكتر علي تصرفاته و افعاله طبعا ده كله ادي الي ثقافه اجتماعيه عامه متعلقه بالمجتمع كله علي اختلاف اديانه و ثقافاته , و بالتالي مش الدين وحدة المسئول عن المجتمع العربي المحافظ.
3- اذن من 1, 2 نستنتج اننا في مجتمع متدين بطبعه محافظ له تقاليده و عاداته الشرقيه التي تعتبر الشرف من اهم مقومات الحياه وفي نفس الوقت 1, 2بيتعارضوا تعارض كامل عن الدراسة الي طرحتها علينا جوجل و عن المشكلات اللى بيعرضها علينا باب بريد الجمعة:- و ده يجعلني استنتج عدةاشياء:-

1- ان المجتمع العربي مصاب بمرض الفصام اي انه يعيش بشخصية بين الناس الي يعرفوه و لكن مع الناس اللى مايعرفهوش له شخصيه اخري و طبعا مرض الفصام بيكون مصاحب لامراض نفسية تانيه خطيره يعني المجتمع العربي مصاب بمجموعة امراض نفسيه.
2- الشباب العربي يعاني من خواء الشخصيه لان اللى بيضيع كل الوقت ده في البحث عن الاشياء دي صاحب شخصيه جوفاء ضعيفه مهتزه غير محدده المبادئ و القيم والمعايير اي شخصيه منهاره.
3- اعتقد ان السببين 1, 2 كفيلين باننا نعرف ليه مجتماعتنا منهاره سياسيا و اقتصاديا و فكريا و ثقافيا و دينيا و ليه مفيش ولا جامعه مصريه ضمن قائمة افضل 500 جامعة في العالم.

اسئلتي الان و اللي بطرحها للمناقشه
تفتكروا بعد كله ده هل فعلا الشباب العربي مؤهل لمشاركات السياسية وتكون فعاله لو جائت له فرصه؟؟
هل فعلا هو مؤهل لتحمل مسئوليه بلاده؟؟
هل المشكلة مشكلة تربيه و لا تعليم و لا اعلام و لا ايه؟؟
بعض الناس بيعتبروا ان في ظل المغريات الحاليه من افلام و كليبات و ما الي ذلك , ممارسة الرذيله عبر الانترنت هو افضل حل باقل خسائر علي اعتبار ان مفيش اولاد و ان ده حصل بشكل تخيلى؟؟ يا تري حد يؤيد الرأي ده؟؟ و يا تري بعد الزواج الموضوع ده حيكون له تأثير علي العلاقه الزوجيه والماديه و المعنويه؟؟ و يا تري اللي بيعمل كده, اييه هي القيم و المبادئ الي حيعلموها لولادهم ؟

اتمني اكبر مشاركة في الموضوع لان الموضوع فعلا هام جدا فهو سبب ونتيجه - نتيجة لما نمر به من انهيار في جميع المجالات و سبب في انهيار اخلاقي وامراض نفسيه , و ده اللى خلاني اسأل هل فعلا احنا مؤهلين للاصلاح و اذا تم الاصلاح هل نقدر نتعامل معاه.
و لكن لي رجاء ان نناقش الموضوع بايجابيه وموضوعيه
دون الخروج عن الاسلوب الاخلاقى المتبع فى منتدانا العظيم
اقول قولى هذا واسغفر الله لى ولكم
والسلام عليكم ورحمة الله وبركاته

فعلا اختى ولكن هذا لا يمنع بان مجتمعاتنا افضل من المجتع الغربى بكثير اولا لاننامسلمون
ثانيا لانه مازلنا نملك تقاليد ومبادىء وعادات اجتماعيه جيده
وما تحدثتى فيه بسبب السياسات العامه للشعوب وبسبب الحكومات التى تحكمها
ولن يحدث التغير فى يوم وليله
الامر يحتاج صبر وتضحيه
موضوع موفق

جزاك الله كل خير اخي الجندي المصري
واتمنى من الكل يشارك

موضوع مهم جدا فعلا ويستحق النقاش

واسمحيلى اختى ان افتحه من جديد لانه لم ياخد حظه من الاهتماااام

هاجاوب على اسئلتك من وجهه نظرى المتواضعة

تفتكروا بعد كله ده هل فعلا الشباب العربي مؤهل لمشاركات السياسية وتكون فعاله لو جائت له فرصه؟؟
نعم اختى مجاديف الشباب العربى وكما خصيتى بالذكر الشباب المصرى تحديدا فيهم المئات بل الالوف من الشباب الملتزم المثقف المحترم ولو جت له الفرصة فالمشاركة فالحياة السياية والاجتماعية لا يتردد ابدا بل ويثبت جدارته

هل فعلا هو مؤهل لتحمل مسئوليه بلاده؟؟

اكيد طبعااااااااا ولو بصيتى لتاريخ مصر هتلاقى بلدنا اتعرضت لكثير من الحروب على مر التاريخ تفتكرى مين اللى كان بيحارب هما رجال مصر وشبابها المخلصين الجادين المحبين لوطنهم
هل المشكلة مشكلة تربيه و لا تعليم و لا اعلام و لا ايه؟؟

اولا طبعا التربية عليها عامل كبير انا فى رايى انه لازم ان الام والاب يعطوا لاولادهم مساحة من الحرية للاطلاع والخوض فى عالم الانترنت لكن تحت المراقبة ومرة اخرى اكررها المراااااااااقبة والمتابعة

بعض الناس بيعتبروا ان في ظل المغريات الحاليه من افلام و كليبات و ما الي ذلك , ممارسة الرذيله عبر الانترنت هو افضل حل باقل خسائر علي اعتبار ان مفيش اولاد و ان ده حصل بشكل تخيلى؟؟ يا تري حد يؤيد الرأي ده؟؟
الغلط غلط والحرام حرااااام سواء عالنت او فى اى مكان اخر

و يا تري بعد الزواج الموضوع ده حيكون له تأثير علي العلاقه الزوجيه والماديه و المعنويه؟؟
طبعا اختى العادة السرية لها اخطار جسيمة على الجنسين وخاصتا على البناااااات ولها تاثير مرعب جدا بعد الزواج على كل من الشاب والفتاة

و يا تري اللي بيعمل كده, اييه هي القيم و المبادئ الي حيعلموها لولادهم ؟
اكيد طبعا هيكونوا اهل ملوثين مشوشين غير مستقرين نفسيااااا وهيكونوا اولادهم زيهم

ربنا يحفظنا واياكم من فتن الدنيااااااا

جزاكى الله خيرا غاليتى على طرحك القيم

جزاك الله كل خيرررر لاهتمامك بالموضوع خيتو
ولتعليقك وردودك على الاسئلة المطروحة
وبوركتي

اشكرك اختي على الموضوع القيم والهام جدا والذي يستحق النقاش

اختي الشباب المصريين طموحين جداا
وبيحبو بلدهم وبما انه بيحبو بلدهم فاكيد لو جت ليهم الفرصة رح يكونو قد المسؤولية ويصلحوا

وما تنسي انهم مسلمين واحنا ايضا

مسلمون يبقى ربنا معانا وما بيخذلنا ابداا

ولكن لازم الواحد ياخد بالاسباب علشان نكون المجتمع الي بيفتخر فينا رسولنا الكريم

انا اعتقد اني اي شاب مسلم سؤاء مصري او غير مصري قادر على انه يتحمل مسؤولية بلد

ويشارك بكل النشاطات بما انه مسلم

الغرب مش احسن منا دول اغلب الي عندهم من الدول العربية وسبب هجرتهم
ما في دعم مادي او معنوي

ولكن الفرصة مش موجودة ما في دعم معنوي او مادي

التربية والعادات ليها دور كبييير جداااااا
اكيد ما في شك

احنا مجتمع مسلم ولو اننا بعدنا عن ربنا ولكن في ناس طيبين وناس خيرين جداا وبيخافوا على بلدهم

كل مجتمع فيه الصالح وفيه الطالح

ربنا يعطي شبابنا القوة والفرصة ونكون الامة الي بيفتخر بينا الرسول عليه السلام

ربنا يكرمك ويحفظك اختي
ويارب يكون دايمأ شباب الاسلام هما البناء والسند والقوة لبلدهم ولاسلامهم الديني كما اوصانا الرسول صلى الله عليه وسلم

جزاكم الله كل خيرررر لمتابعتكم وردودكم البناءة

ان شاء الله اللهم امين

بوركتي اختي ووفقكي لكل خير

ربنايعافيناويعفو عنا ويشف فساد نفوسناوقلوبنا

» الجهـــل هل هو عدو نفسه؟؟موضوع للمناقشة الجادة
» موضوع هاااااااااااااااام جدا (عشان بحبكم نقلت موضوع ده اليكم )
» من قلب حساس والماس
» هل من الممكن ان ينزلق الصالحين ؟؟؟مطروح للمناقشة
» موضوع هام جدا